Prezantim i zbehtë i biografisë së ikonës së Hollivudit

[Erinaa]

Duke e prezantuar Xhejms Dinin – i cili humbi jetën pas përplasjes së veturës në vitin 1955, në moshën 24-vjeçe – si një biseksual me prirje poetike, filmi debutues i regjisorit e skenaristit Metju Mishori paraqet lidhjet e shumë përfolura homoseksuale të aktorit në një mënyrë të sinqertë, gjë që si duket është bërë me qëllim që të nxisë kontroversë. Pak kohë para se të nisej për në Nju Jork, ku përvojat e tij në skenë do të shtronin rrugën drejt një karriere të shkurtër, por spektakolare të Hollivudit, Xhejms Dini (Din Preston) shkon në zonën Xhoshua Tri në shkretëtirën juglindore të Kalifornisë. Bashkë me të është ‘bashkëbanuesi’ i tij emri i të cilit nuk bëhet fare i ditur (Den Glen), me të cilin ai ka një lidhje të fshehtë romantike, dhe Vajoletën (Delajla Rejn), një aktore të re me ambicie të mëdha. Fillimisht i menduar si një film i shkurtë i cili do të bëhej tërësisht prej materialit nga Xhoshua Tri, ky film është zgjeruar në mënyrë të çuditshme përmes skicave episodike, të cilat prezantojnë jetën e rehatshme të Xhejms Dinit në Los Anxhelos së bashkë me bashkëbanuesin e tij (i cili më pas ka arritur sukses në Hollivud) përmes sekuencave nga orët e tij të aktrimit në ‘UCLA’ dhe shoqërimit me një person të njohur në botën e shou-biznesit i njohur si ‘Roxher’ (producenti Eduard Singëltari). Ky i fundit është një përfaqësues i drejtorit të një radiostacioni me emrin Roxhers Breket, i cili ka hapur disa dyer në Hollivud për Xhejms Dinin, i paraqitur këtu si i interesuar që ta eksploatojë apelin e tij seksual për të përparuar. “Të gjithë ne ndihmohemi, në rrugëtimin tonë”, i thuhet atij, kjo është mënyra si shkojnë gjërat. Në mënyrë spekulative, ky aspekt i ngritjes në karrierë ka përparësi në skenarin e Mishorit duke mos marrë parasysh fare aftësitë e tij për aktrim të cilat ka poseduar. Për shembull, nuk ka shumë tregues për interpretimin fenomenal të aktorit, e as për mënyrën se si ai, së bashku me aktorët e ngjashëm si Montgomeri Klift dhe Marlon Brando, ia ka dalë që të sjellë jetë të re në artin e aktrimit për kinema.