Dhëndri Rreh Keq Nusen Në Dasëm, Pasi I Ofendoi Tezen

**Erinaa** · 11-07-2012, 05:38 PM

Dhëndri rreh keq nusen ditën e dasmës. Ngjarja e rrallë ndodhi në rajonin Kadýkoy të Stambollit gjatë ceremonisë martesore, shkruan sot përditshmja turke “Hurriyetdailynews”.

Sherri nisi në fillim mes dhëndrit dhe nuses, por u përhap edhe mes familjeve të tyre dhe mori fund vetëm me ndërhyrjen e policisë.

Dhëndri me inicialet I.O. dhe nusja C.A. po udhëtonin drejt një lokali në Kadýkoy, ku do të zhvillohej dasma e tyre me të afërmit e të dy palëve. Rrugës nusja i ka thënë dhëndrit se tezja e tij i kishte dhënë një byzylyk fals dhe jo të florinjtë gjatë ceremonisë së fejesës. Dhëndri i fyer dhe i zemëruar i tha: “Si guxon të flasësh kështu për tezen time?”. Pas këtyre fjalëve ai ka nisur ta qëllojë nusen e veshur me të bardha.

Grushtet kanë vazhduar edhe pasi kanë arritur në lokal. Kur të afërmit e vajzës kanë dashur të ndërhyjnë, ai i ka drejtuar një armë. Më pas, të afërmit e dhëndrit dhe nuses kanë sulmuar njëri-tjetrin në rrugë. Disa nga pala e dhëndrit janë përpjekur ta qetësojnë atë, por ai, i pangopur, u ka ikur nga duart dhe e ka sulmuar përsëri nusen e cila ishte rrëzuar në tokë.
Policia në rajonin aty afër ka mbërritur në vendngjarje dhe ka ndaluar dhjetë persona, por ata janë liruar përsëri pasi janë marrë në pyetje.