17-vjeçarja me peshë 165 kg që pretendon kurorën e bukurisë

[Erinaa]

Si shumë vajza të moshës së saj, 17-vjeçarja Kirstie Mouncey ëndërron të fitojë kurorën e më të bukurës… Por ndryshe nga bashkëmoshataret e saj, ajo peshon plot 165 kg.

Gjithsesi, 17-vjeçarja nuk e shikon peshën si pengesë për planet e saj. Kirstie është kështu pjesëmarrësja më e re dhe më e shëndoshë që do të marrë pjesë në konkursin Miss Big Beautiful Woman International, ku do të ketë përballë 300 konkurrente të tjera të shëndosha që ëndërrojnë kurorën.

Ky konkurs është i pari në këtë lloj që organizohet në Britani, me pjesëmarrje nga e gjithë bota. Nata finale do të mbahet në Londër në muajin nëntor.

Kirstie-t i pëlqen vetja dhe trupi i saj, ndaj beson se do të fitojë.

“Gjithmonë ëndërroja të bëhesha mbretëreshë e bukurisë. Tani që edhe femrat e bëshme mund të fitojnë këtë titull, ëndrra ime mund të bëhet realitet. Vërtet kam shumë kile, por kam mësuar që ta dua veten time dhe dua t’ia tregojë adoleshenteve të tjera, që edhe ato të ndjehen të bukura. Disa do të më gjykojnë. Por unë thjesht dua që femrat e tjera të ndjehen mirë me veten, siç ndjehem edhe unë. Nuk i gjykoj femrat që janë shumë të dobëta dhe marrin pjesë në konkurse bukurie, ndaj besoj që nuk është e drejtë që në këtë konkurs vajzat e shëndetshme të ndjehen keq”.

Kirstie u filloi të shtonte peshë që në moshën 6-vjeçare. “Fëmijët nuk silleshin mirë me mua, ndaj kërkoja ngushëllim tek ushqimi. Sa më shumë të shtoja në peshë, aq më e sigurt ndjehesha. Më tallnin kur haja para njerëzve, ndaj haja fshehurazi”, kujton ajo.

Në moshën 10-vjeçare, Kirstie peshonte 70 kg, ndërsa në moshën 14-vjeçare arriti në 127!

Kur mbushi 15 vjeç, filloi dietën. “Provova çdo lloj diete, por nuk i çoja deri në fund. Peshën që e humbisja, e merrja përsëri”.

Në mbrëmjen e maturës nuk gjente dot fustan, por pasi bëri një fustan me porosi që i kushtoi 300 stërlina, e ndjehu veten shumë më mirë.

“Kur e pashë veten në pasqyrë, u ndjeva shumë mirë, m’u duk vetja e bukur. Kështu më thanë edhe të tjerët. Këtë fustan do të vesh në konkursin e bukurisë”, thotë ajo.

Në vitin 2010, Kirstie u njoh me 29-vjeçarin Alex Boakye, i cili e pranon ashtu siç është.

“Më pëlqejnë femrat e bëshme, më pëlqen si duken dhe si lëvizin. Kur dalim jashtë, të gjithë na shikojnë shtrembër, por ne nuk i japim rëndësi”, thotë Alex.

Tashmë presim rezultatet dhe i urojmë Kirstie-t t’i plotësohen të gjitha ëndrrat e saj.

[labja]

Im sexyyy and i know it !! ........
lumadhja kjo mooj ... ku e con mushka ahahahaha....
Gjithsesi i urojm fat ,,shpresa vdes e fundit ....

[Auroraa]

Megjithse eshte lajm i vjeter ky...nuk mund ta anashkaloja pa e komentuar!...

Sot jemi ne 2013 apo jo?...ka shume mundesi qe cilado femer te ndihet e bukur edhe fizikisht...sepse nuk mungojne palestrat...

nuk mungojne parqet e gjelberta per te vrapuar...nuk mungojne dietat e ndryshme qe lexojme dhe degjojme c'do dite....

keshtu qe vajzat duhet ti vene nje detyre vetes per te patur nje fizik normal...jo sepse eshte domosdoshmeri...por sepse ato vete do te ndiheshin me mire nese e kishin nje te till....

Femra eshte krijuar vete e bukur nga natyra...jo ne fizik....por ne shpirt..perse te mos perputhen te dyja bashke...dhe te krijojne idealen...te krijojne femren ne kuptimin e plote te fjales....

[Mima]

ç'rendesi ka ateher fiziku kur jemi te bukura ne shpirt ( si fiziku jo te gjitha jane te bukura ne shpirt ) ??? lool
Nese ajo ndihet e bukur dhe Mire ne trupin qe ka pse mos te enderroje ????

Pse kur flisni per nje femer te shendosh thoni "ATO" sikur jane jashttoksore ????