Masakra e Oslos, Gjykata: 21 vite burg Breivik - qesh në sallë

[olsii]

OSLO- Anders Behrig Breivik, personi i cili tronditi Norvegjinë një vit më parë, duke vrarë 77 persona, është dënuar sot me 21 vite burg nga gjykata në Oslo.

Me unanimitet të plotë, Gjykata e Oslos e shpalli fajtor përfaqësuesin e së djathtës ekstreme norvegjeze, 33 vjeç, për vrasjen e 77 personave. Breivik, i veshur me kostum të zi, këmishë të bardhë dhe kravatë gri, e dëgjoi me buzëqeshje vendimin e gjykatës, në ambientet e së cilës u fut duke përshëndetur me gjestin e së djathtës ekstreme.

Sipas panelit prej pesë gjykatësish, Anders Behrig Breivik u shpall i aftë mendërisht duke shmangur kështu mundësinë për dërgimin e tij në një institut mendor. Anders Breivik akuzohej për terrorizëm dhe vrasje masive.

Ai e ka pranuar se e ka orkestruar shpërthimin e bombës në Oslo, nga e cila u vranë 8 vetë, dhe pastaj të shtënat e tij, që në shënjestër kishin pjesëmarrësit e një kampi veror në një ishull, që organizohej nga Partia Laburiste në qeveri. Në këtë sulm ai vrau 69 vetë, kryesisht të rinj, që kishin lidhje me Partinë Laburiste. Në të kaluarën ai ka thënë se sulmet ishin protestë kundër politikave imigruese liberale të Norvegjisë dhe ishte e domosdoshme që të parandalohet që Norvegjia të mos mbizotërohet nga myslimanët.

Në deklaratën e tij, Breivik e ka përshkruar veprimin e tij si “sulmin politik më të sofistikuar dhe më spektakular në Europë që nga Lufta e Dytë Botërore”, dhe theksoi se kështu do të vepronte përsëri.

SHQIPTARJA QË HUMBI JETËN NË OTAYO
Lejla Selaci, 17-vjecarja nga Kosiova mbeti viktimë në ishullin Otayo. Ministria e Jashtme e Kosovës në bashkëpunim me autoritet norvegjeze konfirmuan lajmin për gjetjen e trupit e pajetë të 17-vjecares kosovare,1 javë pas terrorit të dyfishtë që përjetoi Norvegjia.

Kosovarja me origjinë nga Vushtri i Kosovës rezultoi e zhdukur më 22 korrik të vitit 2011 ku Andres Behring Breivik vuri në jetë planin e tij të dyfishtë të masakrës të Norvegji dhe ishullin Otayo, ku mbetën të vdekur më shumë se 90 persona, dhe qindra të tjerën, shumica prej tyre bashkëmoshatarë të Leljës.

Lejla merrte pjesë në delegacionin e Konventës së të Rinjve të partisë Laburiste në ishullin Otayo-s.
(e.m/BalkanWeb)

[vaaldr1n]

Ska pas faj qe ka qeshur sepse do i kaloje ato vite ne Hotel me 5 YJE!

Disa foto te burgut: