Microsoft-i përditëson Windows 8 para daljes

[Atlantis]

Në një postim të dhënë në blogun e Windows 8, Microsoft-i njoftoi në fundjavë se shumë aplikacione që vijnë me Windows 8 do të marrin një përditësim që më pas do të shfaqen më 26 tetor, që është dhe data e lançimit të Windows 8 dhe Windows RT. Sipas kompanisë, kjo gjë është paramenduar për të sjellë tipare të reja dhe përmirësime në këto aplikacione që prej gushtit.

“Duke ndjekur zhvillimet e daljes zyrtare të Windows 8, ne do të shfaqim përditësime për shumë aplikacione që ishin përfshirë në ndërtimin e Windows 8, të cilat iu janë dërguar ndërtuesve të PC-ve dhe të MSDN si dhe TechNet në gusht,”- shkruan Gabriel Aul, drejtori i menaxhimit të programimit për themelet e Windows, në blogun e Building Windows 8.
Aplikacioni Bing do të jetë i pari që do të marrë përditësimin për Windows 8. Microsoft-i gjithashtu ka njoftuar për shumë aplikacione të tjera si: SkyDrive, Mail, Kalendar, Njerëz, Mesazhet, Fotot, Hartat, Bing, Financë, Lajme, Sport, Udhëtim, Moti, Video, Muzikë dhe Lojra.
“Natyrisht këto përditësime aplikacionesh do të jenë gjithashtu në dispozicion dhe për ndërtuesit e PC-ve, të cilat do të përfshihen direkt në eksportimin e kompjuterave.
Por për ata që tashmë e kanë instaluar Windows 8 RMT, është shumë e lehtë të marrin përditësimet nga Store App”,- shkruan më tej Aul.
“Dyqani do t’iu njoftojë se kur përditësimet janë të mundura, dhe ju mund t’i hapni dhe t’i klikoni këto përditësime në këndin e sipërm-djathtas për të parë listën dhe të instaloni ato që doni.” (PCWorld Albanian)