[Guida] Si të kaloni nga iPhone në Android

[vaaldr1n]

Pershendetje!


Ne kete artikull, do te ju tregojme se si te kaloni nga pajisja juaj celulare e mencur (Smartphone) me Sistemin Operativ Mobil te Google, Android, ne ate te Apple, iPhone dhe duke marre me vete kontaktet, sinkronizimet e postes elektronike (e-mail), sinkronizimin e dokumentave, i webfaqeve te vizituara etj...





E-mail në iCloud



Shërbimi iCloud i Apple është njëra nga gjërat më tërheqëse të iOS dhe OS X. Por Apple e ka zakon që t'i inkurajojë njerëzit t'i qëndrojnë besnikë. Megjithatë, ju mund të keni akses në iCloud e-mail nga aplikacioni standard i Android Email. Çelësi është të hyni duke përdorur llogarinë tuaj në iCloud me.com, jo adresën tuaj icloud.com. Serveri i marrjes së e-maileve është mail.me.com dhe ai i dërgimit është smtp.me.com. SSL duhet të jetë e aktivizuar.



Sinkronizimi i kontakteve dhe përmbajtjes së iCloud



Autosinkronizimi i kontakteve dhe kalendarëve të iCloud e bën shumë të lehtë të mbash të përditësuara me njëra-tjetrën pajisjet e tua Mac, iPhone dhe iPad. Ato mund të punojnë me Windows , por jo me Android. Por nëse ju blini dy aplikacione me vlerë 3.77 $ nga zhvilluesi Marten Gajda: Smoothsync for Cloud Calendar dhe Smoothsync for Cloud Contacts, të dy aplikacionet mund të blihen në dyqanin e aplikacioneve Google Play. Futuni me kredencialet tuaj iCloud dhe smartfoni juaj Android është pjesë e familjes iCloud.



Sinkronizimi i dokumenteve



Veçorua e Apple e iCloud Documents në iOS - kohët e fundit e përditësuar në OS X, mund të jetë shumë praktike për të mbajtur dokumentet tuaja të sinkronizuara në të gjitha pajisjet që përdorni për të punuar me to. Është një veçori vetëm e Apple, që nuk lejon të futet dikush tjetër. Nuk ka problem, pasi iCloud Documents është mjaft e kufizuar dhe kërkon të njëjtin aplikacion në çdo pajisje për të lexuar një tip skedari. Shumë aplikacione të OS nuk janë në OS X, si për shembull edituesi i tekstit OS X TextEdit, kështu që iCloud Documents shpesh nuk ju bën punë. Ju duhet të përdorni Dropbox ose Box në vend të saj; shumë aplikacione të iOS i përkrahin ato dhe punojnë me to si shumë pajisje dhe kompjuterë të tjerë.



Sinkronizimi i shënjuesve dhe URL-ve të hapura



Safari 6 ns iOS, OS X dhe Windows ka një veçori të mirë, e cila quhet iCloud Tabs dhe sinkronizon të gjitha URL-të e hapura në pajisjet e tjera që janë duke përdorur Safari 6 dhe që janë të lidhura me të njëjtën llogari iCloud. Shënjuesit sinkronizohen në të tre sistemet operative. Edhe këtu nuk ka asnjë mënyrë për të hapur tabet e Safari iCloud dhe për të sinkronizuar shënjuesit me Android, kështu që mos përdorni Safari. Shfletuesi Chrome i Google ka një aftësitë ngjashme sinkronizuese dhe është në dispozicionin tuaj për Android, iOS, OS X dhe Windows. (Edhe Firefox mund të sinkronizojë platformat, por kohët e fundit e ka braktisur aplikacionin e vet të sinkronizimit; nuk është opsion i vlefshëm nëse përdorni një iPad ose një tjetër pajisje iOS.)



Gjeni një smartphone të humbur ose të vjedhur



Një tjetër veçori fantastike e iCloud është Find My iPhone, që gjurmon pajisjet tuaja me iOS dhe OS X, me qëllim që t'i gjeni në një hartë, të dërgoni një alarm (në rast se smartfoni juaj është fshehur diku, për shembull) ose mesazh, apo ta mbyllni dhe t'i fshini përmbajtjen, nëse është e nevojshme. Vetëm sigurohuni që e keni vendosur këtë tipar në atë mënyrë që hajduti të mos ketë mundësi ta çaktivizojë. Edh këtu, Android nuk futet dot. Por ekziston një shërbim i ngjashëm, i quajtur Lookout, i cili ju lejon ta gjeni, mbyllni ose fshini pajisjen tuaj Android nga çdo shfletues. Versioni bazë është falas, por ta dini se ky version mund të çaktivizohet ose hiqet lehtësisht nga hajduti, nëse e vëren se është instaluar.



Sinkronizimi me iTunes



Njëra nga teknologjitë më të njohura të Apple është iTunes, e cila është edhe librari për argëtimin tuaj edhe dyqan nga i cili mund të blini shumë gjëra. Aplikacioni falas i Google, Music Manager, për Windows dhe OS X sinkronizon wireless muzikën tuaj të pambrojtur në llogarinë tuaj Google Play, por kjo kërkon luajtjen e tyre në pajisjen tuaj Android. Një zgjedhje më e mirë është aplikacioni falas DoubleTwist Player, i cili sinkronizon muzikë, video dhe foto. Ky aplikacion mund t'i transferojë këto skedarë nga pajisja me iOS në Android. Do t'ju duhet edhe një klient Android edhe një klient OS X ose Windows. Kini parasysh se DoubleTwist është plot reklama për përditësime të aplikacioneve tuaja, kështu që do t'ju mërzisë. Aplikacioni që kushton 5 $, AirSync add-on, ia vlen të blihet sepse lejon sinkronizim Wi-Fi mes kompjuterit dhe pajisjes suaj Android.



Shikimi i videove në AirPlay



Apple TV është një pajisje shumë e dobishme që shërben si një urë wireless mes pajisjeve Mac dhe iOS për sa i takon shikimit dhe dëgjimit të filmave, videove, muzikës, podkasteve dhe fotove. Edhe kjo është një teknologji që gjendet vetëm në Apple. Por edhe AirSync add-on e DoubleTwist për 5 $ ju lejon të shikoni muzikë dhe video nga një pajisje Android në Apple TV, si të ishit në një iPhone ose iPad, edhe pse në shumë raste nuk funksionon.



Menaxhimi i librarisë suaj të librave



iTunes përfshin iBookstore, që ju lejon të blini e-libra për t'i lexuar në aplikacionin iBooks të një iPad ose iPhone, por iBooks nuk punon me pajisje të tjera, as Mac. Me përjashtim të formatit Multi-Touch e-book për iPad, nuk është ndonjë librari aq e mirë për t'u përdorur. Aplikacioni Kindle i Amazon.com është një zgjedhje më e mirë sepse punon në çdo platformë kryesore mobile dhe desktop dhe ofron shumë më tepër zgjedhje librash sesa Apple.



Orientimi



Të gjithë e dinë se Apple Maps e iOS 6 ka shumë defekte dhe se Apple ka kërkuar edhe ndjesë për të. Krahas kësaj, ajo ofron lundrim me zë vetëm në iPhone 4S ose iPhone 5. Aplikacioni i Android ka funksionuar gjithnjë shumë mirë në të gjitha pajisjet Android. Por një opsion edhe më i mirë është e Waze app, i cili është i disponueshëm për iOS dhe Android. Ky aplikacion ofron lundrim edhe me iPhone më të vjetër.



Marrja e aplikacioneve



Është klishe, por e vërtetë: në iOS ka aplikacione për çdo gjë. Android ka më pak përzgjedhje. Por do të shihni se edhe Android ka thuajse të njëjtat aplikacione kryesore nëse ato janë për iOS (për shembull për banking, tranzit publik dhe kompani ajrore) Android megjithatë ka më pak aplikacione "pro". Nëse ju pëlqen editimi i fotove, nuk mund të përdorni Snapseed, iPhoto ose Photoshop Touch dhe nëse produktiviteti në zyrë është ajo që ju duhet më shumë, mund të përdorni Quickoffice Pro për 15 $. Por ka mundësi që për këto detyra ju përdorni iPad ose PC.


Burimi: PCWorldAlbanian

[MAJDI]

faleminderit Ice