SSD profesionalë nga Plextor

[vaaldr1n]

Plextor paralajëmron zyrtarisht futjen në tregun e zgjidhjeve profesionale SSD për shfrytëzues afaristë. Kjo kompani në ofertë tashmë ka SSD M5 Pro për tregun masovik, i cili bazohet në kontrollerin Marvell 88SS9187 dhe NAND memorien 19-nanometërshe të Toshibës me interfejs Toggle DDR.Këto e radhisin M5 Pro mes SSD-ve më të shpejtë tani për tani me interfejsin SATA, ndërsa ka edhe disa teknologji të Plextorit si TrueProtect për mbrojtje dynivelëshe të integritetit të të dhënave, që më siguri do të jetë e dobishme në zgjidhjet për shfrytëzues afaristë. M5 Pro ka edhe enkriptimin 256-bitësh AES, ECC 128-bitësh (të integruar në kontrollerin e Marvellit), ndërsa Plextor kohë më parë ka publikuar edhe Xtreme firmWarein e ri, i cili M5 Pro-në e shndërron në M5 Pro Xtreme. Azhurnimi softverik pronarëve ekzistues të SSD-ve u sjell performansa edhe më të mëdha – 100.000 IOPS-ë gjatë leximit dhe 88.000 gjatë shkrimit të të dhënave dhe shpejtësi leximi dhe shkrimi prej 540 dhe 470 MB/s.

Shumë mundësi të SSD-ve M5 Pro për shfrytëzues komercialë me siguri që do të avancohen akoma më shumë në ofertën për segmentin afarist, që Plextorin do ta rendisnin në mesin e lojtarëve shumë konkurrentë tek zgjidhjet SSD për segmentin Enterprise. Prezantimi i prodhimeve konkrete për afaristë si dhe publikimi i specifikimeve dhe detajeve tjera është rezervuar për CES.


Burimi: Koha.net