IPKO sjellë TV edhe në pajisje mobile

**vaaldr1n** · 21-02-2013, 08:31 PM

Telefonia mobile IPKO gjatë ditës së sotme ka lansuar një produkt të ri hibrid – kombinim mes teknologjisë mobile dhe transmetimit televiziv, duke sjellë në pajisjet mobile qoftë me bazë në Android apo iOS, disa prej kanaleve më të popullarizuara të rrjetit kabllor të saj.

Deri në fund të muajit mars, konsumatorët e IPKO-s mund ta kenë këtë shërbim falas, ndërsa që nga muaji prill, ata duhet të paguajnë 5 euro në muaj, për përdorimin e këtij produkti. Ndërsa deri në tre konsumatorë në të njëjtën kohë, mund ta ndajnë aktivizimin e tyre në TVim, duke përdorur lap top, tablet apo smart Phone.
Robert Erzin, Drejtor Ekzekutiv i kompanisë IPKO ka thënë se me këtë platformë, e cila po lansohet sot, secili konsumator i IPKO-s do ta ketë TV e vet personal në pajisje të ndryshme. Me këtë, siç ka pohuar ai, synojnë që ekranin televiziv, ta sjellin në pëllëmbë të dorës së konsumatorëve të IPKO-s.
“Kjo platformë është televizioni yt personal në shtëpi, pasi që secili prej jush, do ta ketë televizionin e vet personal në pajisje të ndryshme. Ekrani televiziv ka ndryshuar dhe se shumica shohim video në pajisje të ndryshme si Iphone, Ipad dhe pajisjet të ndryshme. Prandaj ne me këtë kemi synuar, që ta sjellim ekranin televiziv në pëllëmbë të dorës së secilit klient, përmes platformës TVim. Prandaj platformën tonë digjitale do tua sjellim në pajisjet tuaja mobile. Për klientët që përdorin shërbimin digjital në shtëpi dhe atë tani mund ta përdorin dhe në pajisjet të ndryshme mobile”, tha Erzin.

vf3705L.jpg

Ndërsa Blash Umek, menaxheri i produktit, i cili ka bërë një demonstrim se si duhet të përdoret produkti i ri ka thënë se kjo platformë, fillimisht do të funksionojë vetëm brenda shtëpisë së klientëve dhe se për momentin nuk është zgjeruar jashtë shtëpisë apo jashtë vendit.
“Për fillim kjo funksionon vetëm në shtëpi, deri në fund të muajit mars. Fillimisht, është bërë kjo sepse dëshirojmë ta kontrollojmë kualitetin e shërbimit. Më vonë do ta zgjerojmë, sepse shërbimi TV im është i adoptueshëm edhe ndaj sinjaleve të ofruesve tjerë të shërbimit të internetit. Për fillim kjo punon kështu”, ka thënë ai.

Aplikacioni TVIM

Aplikacioni TVIm të cilin mund ta shkarkoni për pajisje me bazë në Android apo iOS, në këtë faze ofron 20 kanale televizive, të cilat mund të shikohen në kohë reale me navigim shumë të thjeshtë në aplikacion, por edhe të cilat mund të përcillen përmes guides televizive se çka është duke ndodhur momentalisht.

Përdoruesi pasi të instalojë aplikacionin dhe të përzgjedh gjuhën, zgjedh njërin prej kanaleve të preferuara dhe mund të shoh pamje të njëjta me atë që shfaqet në transmetim në TV të zakonshëm. Me një navigim të lehtë mund të kalohet në kanale tjera, ndërsa në këtë faze nuk ka ndonjë opsion tjetër, por mundësitë janë të hapura, dhe duket se do të shohim funksione si integrim me rrjete sociale ku përdoruesi mund të ndaj me miq në rrjet sociale se çka po shikon.

Aplikacioni gjithashtu ka një bazë në web tvim.tv, ku me të njëjtin emër përdoruesi dhe fjalëkalim mund të shi0kohen kanalet në fjalë. TVim për konsumatorët që kanë pakon Familjare në shtëpi, ofron 16 kanale në platformë, duke i përjashtuar kanalet e sportit. Ndërsa për konsumatorët të cilët në shtëpitë e tyre kanë pakon Premium, janë 20 kanale duke përfshirë dhe kanalet e sportit.