Askund me shume se ne qender te Tiranes nuk ndihet tronditja e gomave te makines, te sharat dhe mallkimet e drejtuesve te automjeteve. Megjithese bejne c’eshte e mundur te mos kalojne neper rrotullamen e qendres, ata e kane te pamundur ta shmangin teresisht ate. E, si pasoje edhe gropat e shumta. Keto te fundit nuk jane makth vetem per drejtuesit e automjeteve qe po amortizohen perdite, por edhe qytetaret. Sidomos kur rrobat e tyre mbushen me njolla te medha balte, e cila kercen perpjete sa here rrotat e makines “guxojne” te shkelin ndonjeren prej gropave. Megjithate, duke lene menjane acarimin e momentit per shkak te te qeshurave te spektatoreve qe ndodhen perreth, rrobat lahen dhe gjithcka mbaron. Ndersa, automjeteve nuk u gjendet dermani: Ato sa vijne e amortizohen...

Nje makine e prishur, shkaktoi jo pak trafik dje ne zonen delikate te qendres se Tiranes. Drejtuesi i saj tha se nje grope e madhe kishte ndikuar qe te shfryhej goma e automjetit te tij dhe beri thirrje qe te merren masa, sepse pllakat e dala prej kohesh dhe gropat qe jane krijuar aty, po i shkaterrojne makinat. Dhe ne fakt, ai ka te drejte. Edhe drejtuesit e tjere te automjeteve ankohen se eshte e pamundur te kalohet ne rrotullamen e qendres se kryeqytetit. Sa here qe rrota e makines ngecet ne ndonjeren prej tyre, ata shajne e mallkojne me sa te kene fuqi Bashkine e Tiranes, e cila, sipas tyre, po shperdoron taksat. Ata jane te mendimit qe duhet bere dicka per te rregulluar gjendjen, e cila eshte problematike jo vetem ne ditet me shi, por edhe ne ato me diell.

Qendra e Tiranes eshte kthyer ne nje shesh-beteje shofer-shofer, shofer-kembesor. Duke dashur qe te ikin sa me pare nga ajo rruge e tej amortizuar, shpeshhere drejtuesit e automjeteve parakalojne padrejtesisht, duke goditur edhe makinen e tjetrit, gje qe shkakton jo pak debate. Dhe faji kesaj here nuk mbetet jetim, ai i lihet rruges se prishur, e cila po shkaterron makinat dhe nervat e qytetareve. Ndersa konfliktet e dyta mes drejtuesve te automjeteve dhe kembesoreve, shperthejne sa here qe pa dashje, te paret mbulojne qytetaret me balten e dale nga gropat. Por, jo vetem lluca perben problem per komunitetin. Sipas qytetareve, shqetesues eshte edhe pluhuri, i cili demton cdo dite e me teper mushkerite e tyre.

Bashkia: “Qendra e Tiranes, ndertim nga e para ne 2009”

Qytetareve te Tiranes do t’u duhet ta durojne gjendjen kaotike te qendres se kryeqytetit edhe perreth nje vit, kohe kur plani francez pritet te marre jete. Sipas drejtorit te Transporteve ne Bashkine e Tiranes, Enton Punavia, qendra do te filloje te ndertohet ne fillim te vitit 2009, nese gjithcka ecen sipas parashikimeve. Sipas tij, eshte e pamundur qe aktualisht te nderhyhet per ta rregulluar gjendjen e rruges kryesore te qendres, sepse gjithcka do te behet sipas planit francez. Aktualisht, ky plan eshte ne fazen e projektimit. Deri tani dihet qe qendra e Tiranes do te behet pedonale, pra vetem per kembesore. Ndersa drejtuesit e automjeteve nuk duhet te shqetesohen per kete fakt, pasi plani francez ka menduar edhe per vend-parkimet, per t’u lehtesuar jeten qytetareve. Keshtu, mendohet se do te ndertohen plot 12 parkingje, gje qe pritet te zgjidhe perfundimisht problemin e parkimit ne kryeqytet. Dy prej tyre, jane derguar ne Keshillin e Ministrave per procedure koncensionare. Ende nuk dihet se ku do te ndertohen te gjitha keto parkime, por dy prej tyre jane vendosur tashme. Nje ne parkun “Rinia” dhe nje tjeter prane Stadiumit “Qemal Stafa”. Sipas burimeve nga bashkia, keto parkingje pritet te jene moderne. Te projektuara per te perftuar sa me shume hapesire, ato do te jene disakateshe, me disa hyrje-dalje, me ashensore etj. Pervec ndertimit nga e para te rruges, projekti parashikon edhe infrastrukturen ndertimore, qe do t’i sherbeje sistemit te ndricimit dhe atij te sinjalistikes rrugore.

Unaza e vogel dhe shnderrimi i qendres

Unaza e vogel eshte ne ndertim e siper, sipas planit francez. Ndersa ne fillim te vitit te ardhshem pritet te filloje puna per shnderrimin absolut te qendres se Tiranes, sipas shembullit te francezeve. Specialistet bejne me dije se qendra do te jete e rrethuar nga hapesira te gjelbra, do te shtrohet nga pllaka moderne, ndersa ndryshime te medha pritet te kene edhe fasadat dhe nentoka. Te gjitha keto do te realizohen nga 4 firma qe do te perzgjidhen ne nje konkurs te posacem. Keshilli i Rregullimit te Territorit (KRRT) vendosi para pak kohesh qe te miratoje detyren e projektimit per sheshin “Skenderbej”, duke shpallur keshtu te hapur fazen e pare te projektimit. Parkingjet nentokesore do ta bejne te mundshme kthimin e nje metropoli plot zhurme, ne nje te ngjashem me kryeqytetet evropiane. Sheshi “Skenderbej” perfshin nje hapesire prej rreth 45 mije m2. Nga keto, 4500 meter katrore jane te zena nga godina publike. Pra, i bie qe rreth 41 mije meter katrore jane hapesire publike.