69 këshilla për një kompjuter të sigurt

[EMAUS]

[highlight=#FFFF00:y6l8s9qf]69 këshilla për një kompjuter të sigurt[/highlight:y6l8s9qf]

Po ju paraqesim këtu kleçkat nga më të thjeshtat, deri tek ato më ekstremet, të cilat do të t’ju mbrojnë ju, kompjuterin dhe familjen tuaj. Me siguri që keni menduar nëse është e mundur ta përdorni të sigurtë kompjuterin pa qenë e nevojshme të shkëpusni lidhjen me internetin dhe pa i bërë bllokadë instalimit të çdo lloj softueri. Sigurisht që kjo është e mundur, por ju nga ana juaj duhet të merrni përsipër disa detyra. Së pari, duhet të instaloni mjete për t’u vetëmbrojtur, të krijoni një praktikë të mirë pune dhe, çka është më e rëndësishmja, të përdorni ca parandjenjën. Ja se ç’duhet të bëni, nga fillimi në fund:

[highlight=#FF0040:y6l8s9qf]Minimumi i minimumit[/highlight:y6l8s9qf]


[highlight=#BFFF40:y6l8s9qf]Instaloni antivirusin[/highlight:y6l8s9qf]
Përditësojeni rregullisht, bëni skanime të vazhdueshme dhe lejojeni antivirusin të kontrollojë mesazhet që vijnë. Nëse nuk e bëni këtë, është e sigurt që kompjuteri juaj do të infektohet.
[highlight=#BFFF40:y6l8s9qf]Përditësoni programin antispiun[/highlight:y6l8s9qf]
Masën për përditësim mund ta paketoni së bashku me ato të antivirusit. Përditësojeni rregullisht dhe bëni skanime të vazhdueshme. Ju këshillojmë të instaloni disa programe antispiun, si Windows Defender-i (i përfshirë në Vista) dhe Spy Sweeper-i (në ZERO DVD).
[highlight=#BFFF40:y6l8s9qf]Përdorni muret mbrojtës dydrejtimësh[/highlight:y6l8s9qf]
Parandaloni trafikun e hyrje-daljeve të padëshiruara. Muret mbrojtës të dyanshëm përfshihen në Mac OS dhe Windows Vista. Përdoruesit e versioneve më të vjetra të Windows-it duhet të instalojnë muret mbrojtës nga një i tretë, si për shembull ZoneAlarm-i, prodhuar nga CheckPoint.
[highlight=#BFFF40:y6l8s9qf]Mos përdorni mure mbrojtës ose antivirusë të shumëfishtë[/highlight:y6l8s9qf]
Mund t’ju duket sikur do të keni mbrojtje të dyfishtë duke instaluar dy mure mbrojtëse, por ka shumë mundësi të keni dyfishuar dhembjen e kokës. E njëjta gjë vlen edhe për antiviruset e dyfishta. (Programet antispiun janë tjetër muhabet).
[highlight=#BFFF40:y6l8s9qf]Lejoni përditësimet automatike[/highlight:y6l8s9qf]
Lejoni Windows-in dhe Mac OS-n të bëjnë përditësime kurdo që dëshirojnë, sepse Microsoft-i dhe Apple-i i mbyllin vazhdimisht vrimat që gjejnë në sistemin e sigurisë.
[highlight=#BFFF40:y6l8s9qf]Mos i pranoni EXE-t[/highlight:y6l8s9qf]
Shkarkimi i skedarëve të ekzekutueshëm (që përfundojnë me .exe, .com, .bat dhe .scr) vështirë të shmanget, por hapni sytë për ato që ju dërgojnë nëpërmjet postës elektronike. Kjo vlen edhe për skedarët .doc dhe .xls, që mund të përmbajnë makroviruse.
[highlight=#BFFF40:y6l8s9qf]Drejtoni trafikun[/highlight:y6l8s9qf]
Nëse jeni të lidhur me internetin dhe nuk keni një router (drejtues), atëherë blijeni. Nuk janë të shtrenjtë, qofshin me apo pa tel (wireless).
[highlight=#BFFF40:y6l8s9qf]Aktivizoni murin mbrojtës të harduerit[/highlight:y6l8s9qf]
Router-i juaj duhet të përballojë Network Address Translation (NAT, përkthim i adresave të rrjetit), prandaj përdoruesit e internetit që skanojnë rrjetin në kërkim të portave të hapura për t’i shfrytëzuar, s’mund t’i shohin kompjuterët tuaj. Ai duhet të përballojë gjithashtu Stateful Packet Inspection (SPI, inspektim i plotë i paketave) për të bërë dallimin midis trafikut të rregullt të rrjetit dhe atij që s’është i tillë. Mos i çaktivizoni këto opcione.

[daku323]

Keshilla te vlefshme!

Ku jane te tjerat?

[EMAUS]

[highlight=#FFFF00:2vdrs1nu]Program keqbërës/Antivirus[/highlight:2vdrs1nu]


[highlight=#BFFF00:2vdrs1nu]Skanoni skedarë të veçantë[/highlight:2vdrs1nu]
Keni ndonjë skedar që mendoni se është i infektuar? Këtë mund t’jua thotë virustotal.com. Ngarkojeni skedarin në këtë adresë dhe dërgojeni si bashkëngjitje (attachement) te scan@virustotal.com, duke shkruar te shiriti i subjetit (subject) “SCAN”. Skedari do të kontrollohet nga 32 prodhues antivirusësh të cilët do t’ju japin një raport.
[highlight=#BFFF00:2vdrs1nu]Çrrënjosini rootkit*-et [/highlight:2vdrs1nu]
(*program keqbërës që merr kontrollin e të gjithë sistemit)
Sistemi juaj mund të jetë i pastër, por hidhini një sy herë pas here rootkit-eve të rinj. Këta janë ndër programet keqbërës më të vështirë për t’u eleminuar. Nëse jeni infektuar, provoni njëherë RootkitRevealer-in të Sisteminternals-it, të cilin e gjeni në ZERO DVD-në e këtij numri.
[highlight=#BFFF00:2vdrs1nu]Mbrojeni Macintosh-in[/highlight:2vdrs1nu]
Ashtu siç është Firefox-i më pak i sulmuar nga viruset krahasimisht me Internet Explorer-in, po kështu edhe kompjuterët MacIntosh janë më pak në rrezik se sa kompjuterët personalë, por mos u vetëkënaqni shumë.

[EMAUS]

[highlight=#FFFF00:1a1jcdui]Specifikat e Windows-it[/highlight:1a1jcdui]


[highlight=#BFFF40:1a1jcdui]Çaktivizoni Autorun-in[/highlight:1a1jcdui]
(ekzekutimin automatik)
Kjo bën që CD-të të lexohen automatikisht sapo futen, por gjithashtu u lejon këtyre të fundit të instalojnë edhe gjëra që ndoshta ju s’i dëshironi, si për shembull rootkit-e (shiko më sipër). Për të bërë çaktivizimin në XP, duhet të modifikoni regjistrin (Registry). Udhëzimet në internet mbi këtë pikë janë të shumta.
[highlight=#BFFF40:1a1jcdui]Çaktivizoni AutoPlay-n[/highlight:1a1jcdui]
(leximin automatik)
Mos e ngatërroni Autorun-in me AutoPlay-in. Kjo e fundit është dritarja që ju pyet se ç’duhet të bëjë me skedarët mediatikë të CD-së dhe të kujtesave të lëvizshme. Te XP-ja çaktivizojeni duke përdorur Tweak UI-n te http://www.microsoft.com/windowsxp. Te Vista përdorni panelin e kontrollit të AutoPlay-it.
[highlight=#BFFF40:1a1jcdui]Jini në dijeni të programeve në ekzekutim[/highlight:1a1jcdui]
Windows-i ekzekuton në sfond shumë programe që janë të padukshme për ju. Task Manager-i (menaxheri i detyrave; shtypni Ctrl-Alt-Delete për ta parë) mund t’jua shfaqë ato, por mund të mësoni më shumë duke përdorur Process Explorer-in (falas te http://www.microsoft.com/technet/sysinternals). Ai jua shpjegon proceset e XP-së dhe Vista-s në një anglishte të qartë.
[highlight=#BFFF40:1a1jcdui]Kontrolloni ndezjen (start-up)[/highlight:1a1jcdui]
Përcaktoni renditjen dhe prioritetin e gjithçkaje që ngarkohet gjatë procesit të butimit (boot up) duke përdorur WinPatrol Plus-in (kushton 30 $ tek http://www.winpatrol.com, ose instaloni versionin-provë nga ZERO DVD).

[EMAUS]

[highlight=#FFFF40:1ugia6u1]Fjalëkalime të pakalueshëm[/highlight:1ugia6u1]

[highlight=#BFFFBF:1ugia6u1]Përdorni fjalë të “forta”[/highlight:1ugia6u1]
Një fjalë “e fortë” përzien numrat dhe shkronjat jo në radhë alfabetike, apo në reshtim numerik (abcd1234 nuk është “e fortë”). Përziejini ato dhe përdorni edhe shenja pikësimi. Përdorni një shprehje të plotë nëse keni hapësirë të mjaftueshme. Sa më e gjatë të jetë ajo, aq më mirë është. Adresa www.passpub.com ofron fjalëkalime të fortë, të cilët mund t’i përdorni.
[highlight=#BFFFBF:1ugia6u1]Mos përdorni fjalë të lehta[/highlight:1ugia6u1]
Mos përdorni kurrë një fjalë që mund të gjendet në fjalor apo një emër të mirëfilltë. Kafshët shtëpiake, fëmijët dhe emrat e bashkëshortëve janë fjalëkalime të këqinj. Mos përdoni datën e ndryshimit të fjalëkalimit (23jan). Dhe për hir të gjithë botës dixhitale, mos përdorni si fjalëkalim fjalën “password”.
Ndryshojini fjalëkalimet
Ndryshojini rregullisht fjalëkalimet tuaja në mënyrë që të jeni një hap përpara atyre që duan t’i përdorin ato.
[highlight=#BFFFBF:1ugia6u1]Ndryshimi është e vetmja e pandryshueshme[/highlight:1ugia6u1]
Mos e përdorni të njëjtin fjalëkalim në çdo kompjuter dhe në çdo adresë uebi që lundroni. Sikur vetëm njëra prej tyre të kompromentohej, atëherë dikush do të kishte akses te të gjitha llogaritë tuaja.
[highlight=#BFFFBF:1ugia6u1]Krijoni një fjalëkalim kryesor[/highlight:1ugia6u1]
Lehtësoni kujtesën tuaj duke krijuar vetëm një fjalëkalim të fortë, të cilin mund ta mbani mend dhe pastaj rregullojeni bazuar në emrin e faqes ueb ose shërbimit. Për MySpace-in, për shembull, “Blg225” bëhet “MyspBlg1225”. Ose lërjani në dorë teknologjisë: Disa opcione të Firefox-it kombinojnë fjalëkalimin tuaj kryesor me emrin e faqes ueb, për të krijuar një fjalëkalim të ri për çdo faqe.
[highlight=#BFFFBF:1ugia6u1]Mbrojeni Firefox-in[/highlight:1ugia6u1]
Shfletuesi Firefox ofron opcionin e fjalëkalimit kryesor, që duhet ta fusni përpara se të vizitoni një faqe ueb me fjalëkalim të ruajtur. Çdo herë do t’u duhet të fusni dy fjalëkalime. Mac OS-ja ofron një opcion të quajtur Keychain (zinxhiri i çelësave), që ruan fjalëkalime për faqe ueb, programe etj. Gjendet në dosjen Utilities.
[highlight=#BFFFBF:1ugia6u1]Mos i shkruani automatikisht fjalëkalimet[/highlight:1ugia6u1]
Shfletuesit jo vetëm që ruajnë fjalëkalimet, por edhe i shkruajnë ato në vendin tuaj. Kjo s’është ide e mirë për një kompjuter me disa përdorues apo për një kompjuter zyre. Nëse keni Firefox-in, përdorni fjalëkalimin kryesor në vend të opcionit të mësipërm. Nëse keni Internet Explorer-in, shkoni te Internet Options, klikoni mbi tabin Content (përmbajtje) dhe shkoni te AutoComplete për ta çaktivizuar.
[highlight=#BFFFBF:1ugia6u1]Përdorni RoboForm-in[/highlight:1ugia6u1]
I nderuari RoboForm (kushton rreth 30 $ te www.roboform.com, ose e gjeni ne ZERO DVD versionin-provë) përdoret në Windows për të plotësuar formularë në ueb, si dhe forcon më tej fjalëkalimet, duke i ruajtur ato në mënyrë të sigurt, që të mos jeni të detyruar të mbani mend asgjë. RoboForm2Go (rreth 20 $, ose në ZERO DVD versioni-provë) ekzekutohet nga një pajisje USB, duke jua mbajtur shpatullat të ngrohta në çdo kompjuter.

[EMAUS]

[highlight=#FFFF40:3ibjpka9]Vjedhja e informacionit[/highlight:3ibjpka9]

[highlight=#40FFFF:3ibjpka9]Mos klikoni[/highlight:3ibjpka9]
Nëse nuk jeni 100% të sigurt, mos klikoni linke në postën tuaj elektronike. Megjithëse mund të duket sikur mesazhi është dërguar nga banka juaj, PayPal-i, apo qoftë edhe nga një mik, nëse keni dyshime ndiqni instiktin tuaj. Adresa që shfaqet mund të duket kështu: www.paypal.com, por linku që qëndron pas saj mund t’ju çojë në një tjetër faqe ueb. Fusni adresën e bankës suaj, të PayPal-it, ose cilëndo adresë, drejt e në shfletuesin e uebit, nëse ju duket si mesazh standart. Institucionet e vërteta financiare nuk ju kërkojnë (ose të paktën s’duhet ta bëjnë) që t’i verifikoni llogaritë tuaja nëpërmjet postës elektronike.
[highlight=#40FFFF:3ibjpka9]Kini kujdes nga mashtruesit e kartolinave[/highlight:3ibjpka9]
Kartolinat elektronike të festave janë një rast i mirë për hajdutët e fjalëkalimeve. Faqe ueb famëkeqe mund të mbledhin informacion si nga njerëzit që dërgojnë kartolina, ashtu edhe nga ata që klikojnë për t’i parë ato. Përdorni vetëm dyqanet e famshëm dhe të mëdhenj elektronik, siç është Hallmark, ose thjesht dërgoni para të thata.
[highlight=#40FFFF:3ibjpka9]Kini kujdes nga dritaret e rreme të sigurisë[/highlight:3ibjpka9]
Ju ka rastisur ndonjëherë që ndërsa lundronit në internet, t’ju shfaqet një dritare që ju thotë se duhet të skanoni, ose të disinfektoni kompjuterin tuaj, duke ju ofruar edhe një produkt praktik për ta bërë këtë? Kjo sepse ky produkt është adware-i i saj (softuer që pasi instalohet në kompjuter, shkarkon automatikisht reklama).
[highlight=#40FFFF:3ibjpka9]Përdoreni Firefox-in si mburojë[/highlight:3ibjpka9]
Si Firefox-i edhe Internet Explorer-i janë të pajisur me filtra shtesë që kontrollojnë faqet ueb që përpiqen të vjedhin informacionin tuaj. Nëse përdorni Firefox-in, shkoni te Options, zgjidhni tabin Security dhe klikoni te kutia ngjitur me “Tell me if the site I’m visiting is a suspected forgery” (Lajmëromë në rast se faqja ueb që po vizitoj është e dyshuar për falsifikim). Mund të shkoni edhe më tej, duke klikuar te butoni i dytë “Check by asking Google” (Kontrollo duke pyetur Google-in), në mënyrë që të merrni një listë të përditësuar të hajdutëve të informacionit.
[highlight=#40FFFF:3ibjpka9]Përdorni Internet Explorer-in si mburojë[/highlight:3ibjpka9]
Internet Explorer-i ka të inkorporuar një filtër antivjedhje, të cilin duhet ta aktivizoni nëpërmjet menysë Tools (Vegla), ku mund të listoni edhe faqe ueb të dyshuara për vjedhje informacioni. Përdoruesit e IE6 mund të instalojnë menynë Windows Live Toolbar dhe shtojcën (add-in) Windows Live OneCare Advisor për të luftuar vjedhësit e informacionit.
[highlight=#40FFFF:3ibjpka9]Mbroni Skype-in[/highlight:3ibjpka9]
Vjedhja e informacionit nuk kufizohet vetëm në ueb dhe në postën elektronike. Mund të ndodhë edhe te programet e tjerë që ofrojnë shërbimin Voice over IP (VoIP, komunikim zanor nëpërmjet internetit), si për shembull Skype-i. Në fakt, një kalë trojan mund të hiqet si Skype-i për të vjedhur emrat dhe fjalëkalimet e përdoruesve. Zgjidhja: Përditësoni antivirusin tuaj!
[highlight=#40FFFF:3ibjpka9]Kontrolloni softuerët mashtrues[/highlight:3ibjpka9]
Edhe softueri që keni instaluar mund të vjedhë informacionin tuaj, sidomos ata softuerë që pretendojnë t’ju ndihmojnë të zbuloni programet spiunë. Nëse keni dyshim te ndonjë program, ballafaqojeni emrin e tij me listën e programeve kriminelë më të famshëm te
www.spywarewarrior.com.
[highlight=#40FFFF:3ibjpka9]Pajisuni me filtra shtesë[/highlight:3ibjpka9]
McAfee-ja dhe Trend Micro ofrojnë filtra antivjedhje (përkatësisht SiteAdvisor-in dhe TrendProtect-in) për të rritur efikasitetin e asaj që kapin shfletuesit. Edhe shërbimi OpenDNS ju siguron mbrojtje antivjedhje shtesë.

[ReniX]

Shume te vlefshme, nuk duhet te anashkalojmë asnjë pike nga këto sipër nqs ne jetën tone kompiuteri zë një pjese te mire te kohës

FLm Emaus

[EMAUS]

[highlight=#FFFF80:1c1u2kao]Lundrim i sigurt[/highlight:1c1u2kao]

[highlight=#BFFF40:1c1u2kao]Provoni Firefox-in ose Opera-n[/highlight:1c1u2kao]
Internet Explorer-i mbetet ende shfletuesi më i përdorur i uebit dhe si pasojë, mbetet edhe shënjestra e shumicës së hakerave. Përdorni Firefox-in ose Opera-n. Nuk është se janë të paprekshëm, por nuk janë aq popullorë në komunitetin e hakerave, pasi kanë një numër më të vogël përdoruesish.
[highlight=#BFFF40:1c1u2kao]Çaktivizoni ActiveX-in[/highlight:1c1u2kao]
Nëse për çfarëdo arsye ju ka ngecur në dorë Internet Explorer-i, eleminoni shumë rreziqe duke çaktivizuar ActiveX-in, teknologjia që i lejon shfletuesit të ekzekutojë automatikisht përbërës të softuerit. Shkoni te Internet Options, tek tabi Security klikoni ikonën me globin e internetit dhe pastaj Custom Level (Personalizo Nivelin). Kalojini shumicën e cilësive të ActiveX-it në “Prompt” (pyet) ose “Disable” (çaktivizo). Nëse më vonë nuk punon ndonjë gjë që doni, kthehuni sërish dhe ndryshojeni.
[highlight=#BFFF40:1c1u2kao]Kërkoni kyçin[/highlight:1c1u2kao]
Nëse ju duhet të dërgoni informacion personal nëpërmjet një faqeje ueb, sigurohuni që ai e kripton trafikun e të dhënave. Kërkoni https-të (vini re “s”-në) tek adresa dhe një ikonë kyçi në shiritin e adresave ose në shiritin e statusit. Mos dërgoni informacione si për shembull numrin e kartës së kreditit, në rast se faqja ueb nuk është e kriptuar. Megjithëkëto, edhe “të ligjtë” mund të kenë faqe ueb të kriptuara. Fakti që është e kriptuar, nuk do të thotë se mund t’i zësh detyrimisht besë.
[highlight=#BFFF40:1c1u2kao]Aktivizoni ForceField-in[/highlight:1c1u2kao]
ZoneAlarm ForceField-i i ri, prodhuar nga CheckPoint-i, është projektuar ekskluzivisht për një lundrim të sigurt. Ai vendos një shtresë virtuale midis shfletuesit dhe çdo ndryshimi që bën në kompjuterin tuaj.
Hajini biskotat (cookies)
Në të shkuarën biskotat shkaktonin një shqetësim të madh. Sidoqoftë, sot ato janë thuajse të padëmshme. Nëse s’do të ishin fare, do t’ju duhej të shkruanit shumë më tepër fjalëkalime në faqet ueb që vizitoni shpesh. Megjithatë, kontrollet e rregullta nga programi juaj antispiun i fshijnë ato që mund të shfrytëzoheshin për gjurmimin e lundrimit tuaj.

[EMAUS]

[highlight=#FFFF40:lsg5eqex]Anonimati/Privatësia[/highlight:lsg5eqex]

[highlight=#BFFFFF:lsg5eqex]Mbroni dosjet[/highlight:lsg5eqex]
Nëse përdorni Windows XP-në ose Vista-n, mund t’ju vini fjalëkalim dosjeve të ndryshme nëpërmjet Folder Guard-it (rreth 40 $ te www.folder-guard.com, ose falas versioni-provë në ZERO DVD). Ose thjesht kompresoni përmbajtjen e dosjes në një skedar ZIP, duke përdorur WinZip-in (rreth 30 $ te www.winzip.com, ose falas versioni- provë në ZERO DVD), dhe futini skedarit Zip një fjalëkalim. Kjo bën gjithashtu edhe kriptimin e skedarëve.
[highlight=#BFFFFF:lsg5eqex]Mbroni dosjet Mac[/highlight:lsg5eqex]
Krijoni një “dosje” të mbrojtur me fjalëkalim në Mac OS, duke përdorur programin Disk Utility për të krijuar imazhin e diskut dosjes fillestare. Vendosini fjalëkalim. Skedari .DMG që përftohet ka të gjithë përmbajtjen dhe mund të rivendoset me një të klikuar.
[highlight=#BFFFFF:lsg5eqex]Mbroni gjithçka me fjalëkalime[/highlight:lsg5eqex]
Mund t’u vini fjalëkalime të gjithë skedarëve që krijohen me anë të Microsoft Office. Vendosini fjalëkalim një dokumenti Word-i dhe pastaj kriptojeni atë. Këtë mund ta bëni te tabi Security, që ndodhet tek Options. Në Word 2007 bëjini Save As, shkoni te menyja Tools dhe hapni General Options (opcione të përgjithshme). Mund t’u vini fjalëkalime edhe skedarëve PDF dhe atyre të krijuara me OpenOffice.
[highlight=#BFFFFF:lsg5eqex]Shmangni kompromentimin[/highlight:lsg5eqex]
Mos ngarkoni informacione personale në rrjetet shoqërore (social networks), duke u lënë dorë të lirë njerëzve të vjelin detajet tuaja. Mos ngarkoni fotografi kompromentuese. Gjërat që ndodhen në ueb kanë tendencën të bëhen të disponueshme përgjithmonë. Merrni në konsideratë Wayback Machine (Makinerinë e Prapakthimit) te www.archive.org.
[highlight=#BFFFFF:lsg5eqex]Fshijini gjurmët[/highlight:lsg5eqex]
Fshijeni historinë e shfletuesit pasi keni lundruar në një kompjuter të përbashkët (shared). Te Firefox-i shkoni te Options, pastaj Privacy dhe te Private Data (të dhëna private) klikoni “Clear Now” (fshiji). Mund të zgjidhni edhe “Always clear my private data when I Close Firefox” (Fshiji gjithmonë të dhënat e mia private kur mbyll Firefox-in) për të pasur një siguri më të madhe. Nëse keni Internet Explorer 7-ën, zgjidhni Delete Browsing History (Fshi historinë e shfletimit) nga butoni Tools. Delete All fshin gjithçka që është ruajtur: historinë, biskotat, skedarët e përkohshëm dhe fjalëkalime të ruajtur.
[highlight=#BFFFFF:lsg5eqex]Neglizhojeni ruajten e fjalëkalimeve[/highlight:lsg5eqex]
Kur përdorni një kompjuter publik ose të përbashkët, mos i ruani fjalëkalimet kur ju kërkohet. Dhe më e rëndësishme akoma: Dilni (log out) nga faqet ueb në mënyrë që të mos t’ia lini në dorë dikujt tjetër postën elektronike ose skedarët që keni ngarkuar në ueb.
[highlight=#BFFFFF:lsg5eqex]Ruajuni nga proxy[/highlight:lsg5eqex]
Shërbimet proxy fshehin indentitetin tuaj në internet (adresën IP të kompjuterit ose rrjetit tuaj). Mproxy (mproxy.info) dhe Megaproxy (megaproxy.com) janë dy shembuj që ofrohen falas. Anonymos Surfing, prodhuar nga Anonymizer, (rreth 30 dollarë në vit te www.anonymizer.com, ose falas versioni-provë në ZERO DVD) bën këtë dhe ca më tepër.
[highlight=#BFFFFF:lsg5eqex]Privatizojeni postën elektronike[/highlight:lsg5eqex]
Thuajse çdo shërbim uebi kërkon adresën e postës suaj elektronike. Nëse ua kërkojnë vetëm për të dërguar një konfirmim, jepuni një adresë të përkohshme. 10 Minute Mail (posta 10-minutëshe) te www.10minutemail.com, ju vë në dispozicion një adresë që qëndron e aktivizuar për 10 minuta.
[highlight=#BFFFFF:lsg5eqex]Hapni një adresë të dytë të postës elektronike[/highlight:lsg5eqex]
Përhapja e shpejtë e postës elektronike të bazuar në ueb, që ofrohet falas nga Google-i, Yahoo!-ja, Microsoft-i dhe të tjerë, do të thotë se nuk ju falet nëse u jepni të tjerëve (përveç miqve) adresën tuaj kryesore të postës elektronike.

[EMAUS]

[highlight=#FFFF80:1xy68b2s]Spam & Spim[/highlight:1xy68b2s]

[highlight=#00FFFF:1xy68b2s]Mos ktheni përgjigje[/highlight:1xy68b2s]
Kurrën e kurrës mos i ktheni përgjigje një spam-i. Edhe kur bëhet fjalë për një produkt që e dëshironi. Duke e bërë këtë, ju konfirmoni se e keni lexuar dhe adresa juaj shkon në listën e spamer-ave përgjithmonë.
[highlight=#00FFFF:1xy68b2s]Bllokoni sinjalizuesit[/highlight:1xy68b2s]
Bëni bllokimin e imazheve që shfaqen në postën tuaj elektronike nëpërmjet softuerit të saj, edhe nëse ky është i bazuar në ueb. Në këtë mënyrë parandaloni “tartabiqet e uebit” (bugs), ose sinjalizuesit, siç quhen ndryshe , të cilët mund të jenë figura me përmasat 1 me 1 piksel dhe nëse i klikoni, i tregoni spamer-it se e keni parë mesazhin e tij, duke e konfirmuar edhe njëherë adresën tuaj.
[highlight=#00FFFF:1xy68b2s]Shmangni programet-merimanga[/highlight:1xy68b2s]
Nëse ju duhet ta shfaqni detyrimisht adresën tuaj të postës elektronike në internet, shkruani “emri et domeni pikë com”, në mënyrë që mos të zbulohet nga merimangat (program që regjistron faqe ueb për motorët e kërkimit). Kushdo që s’e përkthen dot shënimin e mësipërm në: emri@domeni.com, ai nuk e meriton t’ju dërgojë mesazhe.
[highlight=#00FFFF:1xy68b2s]Filtrojeni postën[/highlight:1xy68b2s]
Përdorni postë elektronike me filtra spam-i. Thunderbird-i ka një bllokues spam-i të inkorporuar, ndërsa Outlook 2003-shi dhe 2007-a përdorin SmartScreen-in për të parë përmbajtjen e mesazheve dhe të përcaktojnë nëse një mesazh është spam. Gmail-i është thuajse i përsosur. Paketat e sigurisë zakonisht përfshijnë filtra spam-i.
[highlight=#00FFFF:1xy68b2s]Ndërlikojini gjërat[/highlight:1xy68b2s]
Mund t’i bezdisni miqtë tuaj, por sa më e ndërlikuar të jetë adresa e postës suaj elektronike, aq më e vështirë është për spamer-at ta zbulojnë dhe ta deshifrojnë kodin tuaj. Krahasoni: arb8lamce86@gmail.com me alamce@gmail.com.
[highlight=#00FFFF:1xy68b2s]Shmangni spim-in[/highlight:1xy68b2s]
Spam-i në mesazhet e çastit (Instant Messages) quhet spim. Shmangeni duke përdorur një emër përdoruesi të pakuptueshëm (si arb8lamce86) dhe ajo çka është më e rëndësishme: Mos e listoni nofkën tuaj në direktorinë kryesore të programit IM. (Kjo vlen edhe për Skype-n).
[highlight=#00FFFF:1xy68b2s]Shmangni spim-in II[/highlight:1xy68b2s]
Disa produkte e luftojnë spim-in, por vetëm për klientët e softuerit të tyre. Shërbimet IM të bazuara në ueb, si ato të Yahoo!-së dhe Gogle-it, nuk janë ende të mbrojtura.