Ornela Hila

Shoqet e dhomes se Klejda Hasanagos, studentes nga fshati Veseshte, i rrethit te Skraparit, qe u mbyt ne det mbremjen duke u gdhire dita e djeshme, treguan se 20-vjecarja kishte frike se familjaret mund ta detyronin te braktiste shkollen. "Klejda na kishte thene se nuk u kishte treguar njerezve te shtepise se kishte ngelur ne provime, pasi ata i kishin thene se, nese nuk kishte rezultate te mira, do ta shtrengonin te kthehej ne shtepine e saj ne fshat", tregon Emanuela, nje nder dy vajzat qe ndanin dhomen me studenten e anglishtes.

Vajzat tregojne se Klejda ishte teper e mbyllur ne vetvete dhe nuk fliste pothuajse me askend per problemet e veta. "Nje lidhje sentimentale? Nuk ka folur kurre per ndonje djale. Nuk mund ta besojme", thone ato pothuajse njezeri. Shoqet e saj tregojne se familja e Klejdes kishte veshtiresi ekonomike dhe studentja e vitit te pare, ne degen e gjuhes angleze, ishte e detyruar te punonte si kameriere ne nje lokal prane shkolles per te mundesuar studimet. "Ndoshta puna mund ta kete detyruar te studioje me pak", thote Emanuela.

Klejda Hasanago ishte bere edhe me hermetike kohet e fundit, pasi kishte marre vesh rezultatet e sezonit te pare te provimeve. "Pasdite, kur doli nga dhoma, ishte e qete, tregon Emanuela, ne mbremje e morem ne telefon. Ajo po qante dhe na tha se donte te vdiste dhe do te hidhej ne det. Ne u shqetesuam, se e dinim qe ishte e merzitur." Shoqet e Klejdes thone se njoftuan rojen e dezhurnit ne konvikt, i cili u lidh me policine. Por 20-vjecarja tashme e kishte marre vendimin per t'u veteflijuar. Kufoma e saj u nxor ne oret e para te mengjesit te djeshem, ne zonen e njohur si "Uji i Ftohte" ne periferi te qytetit te Vlores. Te aferm te saj kane mberritur dje ne morgun e spitalit rajonal te Vlores dhe kane marre trupin e vajzes, qe do te percillet sot per ne banesen e fundit, ne fshatin ku nuk donte te kthehej e gjalle.