Dicka per Redon Makashin dhe lidhjen e tij

[kuklla]

Shpesh thuhet që ndryshimet e fillim viteve ‘90 erdhën nga të rinjtë. E ndërsa studentët protestonin për një jetë më të mirë, ku si pasojë ra edhe sistemi komunist, nëpër ekrane arti po jepte kontributin e tij. Gjithkush e mban mend befasinë e një grupi të quajtur “Arb”, ku tre djem të talentuar sollën para artdashësve një stil Bitëllsash në mënyrën e të kënduarit, por
edhe në veshje. Mendoni se çfarë surprize, pasi dalja nga klishetë e mërzitshme vinte në një formë më se perëndimore,
duke na kujtuar ikonat e muzikës pop të viteve ‘60. “Zemrat e çdo moshe”, kënga që u bë himn i të rinjve, evidentoi krahas anëtarëve të tjerë të grupit edhe të riun Redon Makashi. Që nga ajo kohë Redoni ka qenë vazhdimisht në qendër të vëmendjes për çdo prurje të re artistike, për çdo iniciativë muzikore, çdo bashkëpunim me të tjerë kolegë të talentuar.
Mesa duket ai ka preferuar ashtu si në fillimet e tij që suksesin ta prekë edhe në grup, prandaj dhe pak vite më parë ai bashkëpunoi me dy këngëtarë të tjerë shumë të njohur, Aleksandër Gjoka dhe Elton Deda. Madje, fama e kësaj tresheje u rrit aq shumë sa ata filluan të quhen “Tre Musketierët”, duke pagëzuar edhe pub-in ku këndonin me këtë emër. Por si një djalë i ri dhe melankolik në notat e muzikës që ai krijonte, Redoni ka qenë në qendër të vëmendjes edhe për jetën e tij private. Ndërkohë që bashkëmoshatarët e tij u fejuan, u martuan dhe krijuan familje, nga Redoni nuk vinte asnjë lajm i kësaj natyre. Shpesh në intervista djali i vetëm i familjes Makashi tregonte se jetonte vetëm, pasi familja e tij ishte vendosur në Amerikë. Ndërkohë ai preferonte të jetonte këtu, një zgjedhje e mençur mbase për një këngëtar shumë të njohur në vendin e tij dhe me pak mundësi për ta prekur këtë sukses në një vend tjetër. I pyetur për jetën private, ai nuk ka pranuar asnjëherë të prononcohet dhe kjo nuk na shkakton ndonjë çudi, pasi ne asnjëherë nuk kemi parë ndonjë disponibilitet të madh nga ana e artistëve tanë për të ndarë me publikun jetën e tyre private. Por ne kemi investiguar mbi këtë pjesë të fshehur të këngëtarit, të bindur se ajo përbën po aq kuriozitet, mbase më shumë, sesa të rejat artistike që ai sjell për kënaqësinë tonë.

[kuklla]

Redoni, diku tek 33 vjetët,duket se ka një lidhje të gjatë,gati 15-vjeçare me gazetaren e Radio Tiranës, Elda Koçin.
Të pyetur që të dy për këtë lidhje, ata nuk kanë dashur të theksohen, por nëse i pyet se sa e rëndësishme është
martesa për ta, ata tregojnë se për ta një lidhje zyrtare apo konkretisht martesa, nuk ka ndonjë rëndësi. Këtë fakt Redoni nuk ka ngurruar ta bëjë publike edhe në intervista, ku njihen tashmë konceptet e tij rreth martesës. Është tipi i tij që nuk e referon. Megjithatë alergjia e tij nga martesa nuk e ka privuar Makashin që të dashurohet. Dhe nuk mund të ndodhte ndryshe, por vetëm me një bionde, sepse janë bërë publike edhe nga vetë ai preferencat e tij për femrat bionde. Dhe
Elda është bionde. Nuk e dimë nëse Elda ka qenë gjithmonë bionde me flokë të verdhë apo është bërë e tillë pasi ka nuhatur preferencën e të dashurit. Por ajo që dimë me siguri është që e dashura disa vjeçare e Redonit, ndër të tjera e ka ndihmuar
shumë këngëtarin në raportet me shtypin, duke qenë vetë gazetare. Kështu gazetarët shpesh kontaktet për të rejat e Redonit i marrin nga Elda, e cila është gjithmonë e gatshme për të bërë maksimumin për të dashurin e saj. Po ku janë njohur Redoni dhe Elda? Miqtë tregojnë se ata jetojnë të dy në një lagje dhe janë njohur pikërisht në ato ambiente. Që të dy janë të kujdesshëm në daljet e tyre në publik. Nuk i gjen në lokalet e njohura të natës ku rrinë të tjerë artistë, pasi ekziston gjithmonë frika nga paparacët prandaj dhe ne nuk kemi patur mundësi të sigurojmë foto të tyre së bashku.
Në fakt këtu lindin disa dyshime. Ok, martesën nuk e dashkan as njëri, as tjetri, po pse ky insistim që lidhja të mbahet e fshehur, pasi ne dimë dhe plot raste të tjera ku çiftet janë prej vitesh të lidhur dhe të dashuruar, por bërja publike e këtyre idhjeve tashmë të konsoliduara, nuk ka qenë problem për to, edhe pse nuk bëhej fjalë për fejesë a martesë! Natyrisht këto
janë disa pikëpyetje që mund të mos marrin përgjigje asnjëherë për shkak të barrierës që të dy kanë vendosur me shtypin, që jetën e tyre private të mos e bëjnë publike. Megjithatë ne shpresojmë që nëse do të ketë një zhvillim në lidhjen e tyre dhe nëse ky zhvillim të jetë i bukur për të dy, ata ta ndajnë edhe me ne.

[ReniX]

dhe pse Redon Makashi ka kohe qe i ka munguar skenes. I Uroj sukses dhe me ndonje album se shepejti

[kuklla]

Redon Makashi: "Ju zbuloj boten time te trazuar" mare nga "koha jone"



Mund te flasim pa frike per nje rikthim te Redon Makashit. Sepse pavaresisht faktit, qe ai eshte i pranishem ne koncerte apo aktivitete te ndryshme muzikore ne vend, nuk e kemi pare me klip prej vitesh. Dje, ne ambjentet e "Boulevard Caffe", mes miqve dhe kolegeve, Redon Makashi ka prezantuar videoklipin e kenges "Perse me bere te te urrej". Nje kenge, e vleresuar me cmimin e pare ne nje prej Festivaleve te Pranveres, qe kete radhe vjen e konkretizuar edhe ne ide vizive, fale punes se agjencise "Start model".

Pas kaq vitesh eshte hera e pare, qe ti vjen me nje videoklip. Perse zgjodhe kete kenge?

Sepse pervec faktit, qe eshte nje krijim, qe e kisha per zemer shenon edhe nje rikthim me Beldar Sejkon. Kjo kenge eshte edhe paksa jashte natyres sime, sepse Redonin pergjithesisht jane mesuar ta shohin me balada te lehta. Eshte nje kenge proteste dhe jo pa qellim eshte zgjedhur edhe vendi i xhirimit, nje terren i veshtire, qe shpreh boten e protestes dhe boten e trazuar te vete ketij krjimi. Kur kam kompozuar kete kenge ne mendjen time kam krijuar nje imazh te njejte me ate te videos, vecse ne ate kohe ky ishte nje imazh i parealizueshem per mua. Te them te drejten akoma nuk e besoj, qe kjo enderr u be realitet.

Duke pasur Bledin ne krah, te jep me shume siguri?

Normal, sepse ai eshte nje artist shume i kompletuar dhe nje shok imi i feminise. Ndoshta edhe kur te plaket do te mbetet nje femije per mua.

Keni pasur momente te veshtira gjate xhirimeve?

Tani me vjen te qesh kur e kujtoj, por momenti me i veshtire ishte, kur pianoja aq e rende u transportua nga rruga, ne maje te malit. Madje ne patem probleme edhe me kranin, sepse miku yne Taku ne momentin, qe pa ambientin e veshtire u terhoq dhe iu duk e pamundur te xhironte. Por derisa u ngjit piano, pse te mos futej edhe krani?! Gjithashtu nje tjeter moment i veshtire ka qene serish me Takun, sepse ndersa xhironte i rreshkiti kemba. Poshte ishte ishte gremine dhe per t'u mbajtur u kap tek krani. Gjithsesi eshte per t'u pergezuar puna e te gjitheve, sepse pa ata ndoshta ky klip nuk mund te realizohej. Ate dite pas xhirimeve, kur u fiken dritat dhe kamerat ndjeva kenaqesi dhe me iku gjithe lodhja e tre diteve. Te mos harrojme edhe vapen e tmerrshme, qe ishte sa qe nuk kishte ku te fusnim koken. Kujtoj, qe Qepa rrinte gjithe kohen ne makinen e tij dhe e mbante te ndezur kondicionerin. Madje tek-tuk shfaqej edhe ndonje gjarper.

Nese do te kerkohej do t'i beje serish te njejtat xhirime?

Kur mbaruam klipin, dikush me tha: "Perse nuk e bete me kompjuter gjithe kete pune"? Dhe une i thashe se natyra dhe origjinaliteti jane te pakrahasueshem. Serish do e beja nese do te duhej. Madje, po ju them, se kjo eksperience beri qe une te mendoj edhe per nje klip te ri, por kete radhe me nje kenge te re. Megjithate serish do te kthehem tek krijimet e mia te hershme. Kjo, per arsye se shume kenge te miat nuk kane imazh te veshur me nje ide. Dhe kjo ide i jep kenges fizionomine perfundimtare, sepse dihet qe festivalet nuk transmetohen. Ne fund te fundit eshte krijimtaria ime dhe normale, qe do te kujdesem per te.

Perse videot e tua jane kaq te rralla?

Une vendosa te bej nje klip, qe te perfshije 5 klipe brenda. Ideja eshte te behet nje pune e mire dhe jo te besh shume klipe, qe i ngjajne njeri-tjetrit dhe nuk sjellin asgje te te.

A mund te cilesohet ky nje klip i kushtueshem?

Nuk dua te flas per shifra, por them se ka kushtuar ndoshta me shume se sa klipet, qe behen ne Maqedoni. Kjo pune ishte edhe si nje lloj prove, ku kuptova se edhe ne Shqiperi mund te realizosh klipe te bukura. E rendesishme eshte te kesh nje ide te mire dhe pak durim.

Ka synim komercial, klipi sepse dihet qe tashme jane bere te tille?

Nuk ka ide te tille, sepse edhe vete rryma e kenges pop-rrok nuk hyn tek komerci ballkanik.

Ndersa flasim per punen tende, une si gazetare nuk mund te anashkaloj nje pyetje mbi jeten tende private? A ka Redoni aktualisht nje lidhje te qendrueshme?

E kuptoj interesimin tuaj per jeten private, por ne nje moment te tille te rendesishem per punen time, kur kam te reja profesionale mendimet per jeten private me bllokohen. Ndoshta ne nje interviste tjeter do te keni mundesine te zbuloni edhe jeten time private. (qesh)

Te pakten mund te na thuash, nese vazhdon te jesh i lidhur pas bjondeve?

Sigurisht, ju besoni se une mund te ndryshoj shije tani?

Dikur ke thene se ke frike nga martesa, vazhdon te kesh te njejten ndjesi?

Sa kembengulese, qe qenkeni. Ju premtoj, se do te kemi mundesi te flasim here tjeter per kete.