Bashkimi familjar per emigrantet ne token greke

[kuklla]

Bashkimi familjar, vendimi i plotë i qeverisë greke

Ashtu si gjitha dispozitat e ligjeve për emigracionin, që janë amenduar me dhjetëra herë, edhe ato që lidhen me bashkimin familjar të bashkëkombësve tanë në Greqi, kanë pasur të njëjtin fat. Janë ndryshuar disa herë e shoqëruar me qarkore të panumërta, të cilat duket se nuk kanë durim t’i lexojnë deri në fund as vetë nëpunësit grekë që paguhen për t’u shërbyer emigrantëve shqiptarë. “Gazeta Shqiptare” boton ekskluzivisht të plota dispozitat mbi bashkimin familjar në Greqi, ashtu siç ato janë amenduar me katër ligje të njëpasnjëshme.

KAPITULLI X, DHËNIA DHE RINOVIMI I LEJES SË QËNDRIMIT PËR BASHKIM FAMILJAR
Neni 53
Kushtet për bashkimin familjar Nënshtetasi i vendit të tretë, që banon ligjërisht në Greqi të paktën dy vjet, ka të drejtë të kërkojë hyrjen dhe qëndrimin në të, të familjes së tij, përderisa plotëson kushtet e më poshtme:
a.- Provon ekzistencën e lidhjes familjare.
b.- Pjesëtarët e familjes do të banojnë bashkë me të.
c.- Provon se disponon të ardhura vjetore personale të qëndrueshme dhe të rregullta, të mjaftueshme për nevojat e familjes së tij, të cilat nuk vijnë nga ndihmat e sistemit të asistencës sociale të shtetit. Këto të ardhura nuk mund të jenë më të pakta nga të ardhurat vjetore të punëtorit të pakualifikuar, me 1 5% shtesë për çdo fëmijë. Në rastin kur të dy bashkëshortët banojnë, ligjërisht në Greqi, kur është fjala për bashkimin e fëmijëve të tyre, nuk pretendohet shtesa e mësipërme prej 15 % për çdo fëmijë.c.- Disponon siguracion të plotë shëndetësor për tërësinë e rreziqeve që përballojnë edhe vendasit, që mund të mbulojë edhe pjesëtarët e familjes së tij.

Neni 54, Pjesëtarë të familjes
1- Si pjesëtarë të familjes të nënshtetasit të vendit të tretë, që vijnë në shtet, në kuadrin e ribashkimit familjar, konsiderohen:
a- Bashkëshortët, kur kanë mbushur moshën 18 vjeç si dhe nën 18 vjeç të pamartuar, fëmijë të përbashkët, përfshirë dhe ata që janë adaptuar.
b- Të tjerët nën 18 vjeç beqarë, të mbajtësit ose të njërit prej bashkëshortëve, përfshirë edhe fëmijët e adaptuar, kur u është dhënë e drejta e ushtrimit të kujdesit prindëror.
2- Në rast poligamie, nëse mbajtësi ka bashkëshorte që bashkëjeton me të në Greqi, nuk lejohet ribashkimi me bashkëshorte tjetër.
Sipas aktit të paragrafit 1 rasti, b, nuk lejohet ribashkimi familjar i fëmijëve të mitur të mbajtësit dhe bashkëshortes tjetër, veç fëmijëve të mitur të tij me bashkëshorten me të cilën është ribashkuar në shtet, në përputhje me udhëzimet e nenit të mëparshëm.

Neni 55, Paraqitja dhe shqyrtimi i kërkesës për ribashkim familjar.
1- Mbajtësi paraqet lutje në bashkinë ose komunën e vendbanimit ose qëndrimit për miratimin e ribashkimit familjar. Kompetente për shqyrtimin e lutjes është Shërbimi përkatës i të Huajve dhe Emigracionit të Periferisë.
2- Kërkesa bëhet e pranueshme kur plotësohen kushtet e nenit 53 dhe 54 të kësaj ligje. Sekretari i Përgjithshëm i Periferisë detyrohet më parë të kërkojë mendimin e autoritetit policor të banimit për çështje që i takojnë rendit publik dhe sigurimit të shtetit, si dhe mendimin e autoritetit konsullor grek për saktësimin e ekzistencës të lidhjes familjare. Mendimet e mësipërme duhet të jepen brenda dy muajve nga koha e kërkesës.
3- Vendimi i Sekretarit të Përgjithshëm, me të cilin miratohet kërkesa për bashkim familjar, transmetohet në autoritetin konsullor grek, që u jep pjesëtarëve të familjes të vendit të tretë vizat e duhura e të veçanta të hyrjes, me rezervën e udhëzimeve të nenit 8 të kësaj.

Neni 56, Dhënia e lejes së qëndrimit
1.- Pjesëtarët e familjes së poseduesit, pas hyrjes së tyre në shtet dhe para skadimit të vizës së hyrjes, paraqesin kërkesë në bashki ose komunë, të vendbanimit ose qëndrimit të tyre për dhënie leje qëndrimi për ribashkim familjar. Kompetente për shqyrtimin e kërkesës është Shërbimi i të Huajve dhe Emigracionit të Periferisë respektive. Gjatë shqyrtimit të kërkesës, vlerësohet veçanërisht interesi i fëmijëve të mitur.
2- Për fëmijët e mitur kërkesa për dhënien e lejes personale të qëndrimit paraqitet nga ai që ushtron kujdesin prindëror, pa pretendimin e paravolës.
3- Lejet e qëndrimit të kërkuara jepen me vendim të Sekretarit të Përgjithshëm të Periferisë, jo më vonë se brenda nëntë muajve nga data e paraqitjes së kërkesave me dokumentet e kërkuara.

Neni 57, Afati dhe rinovimi i lejes së qëndrimit
1- Në pjesëtarët e familjes jepet leje qëndrimi individuale, me afat një vit, të cilën mund ta rinovojnë çdo dy vjet.
2- Pjesëtari i familjes që dëshiron rinovimin e lejes së qëndrimit për arsye të ribashkimit familjar detyrohet, të paktën dy muaj para skadimit, të paraqesë kërkesë në bashkinë ose komunën e vendbanimit ose qëndrimit të tij. Kompetente për shqyrtimin e lutjes është Shërbimi përkatës i të Huajve dhe Emigracionit të Periferisë. Për të tjerat zbatohen analogjikisht udhëzimet e nenit 11 të kësaj ligje.
3- Gjatë rinovimit të lejes së qëndrimit, kur mbajtësi nuk ka burime të mjaftueshme, pa ndihmën e sistemit të ndihmës së shtetit, siç përmendet në par. 1, rasti c, të nenit 53 të kësaj ligje, merren parasysh kontribute të pjesëtarëve të familjes në të ardhurat e përgjithshme të saj.

Neni 58, Revokimi i lejes së qëndrimit
1.- Leja e qëndrimit për ribashkim familjar nuk jepet ose revokohet ose nuk rinovohet, veç rasteve që përmenden në nenin 75 të kësaj ligje dhe në rastet që vijojnë:
a.- Mbajtësi dhe pjesëtarët e familjes së tij pushuan së jetuari si bashkëshortë ose si familje.
b.- Vërtetohet se lidhja familjare, veçanërisht martesa, adaptimi ose njohja e fëmijëve është bërë me qëllim manipulimi të udhëzimeve të kësaj ligje, që të përfitojnë lejen e qëndrimit. Lidhja familjare konsiderohet se është bërë për këtë qëllim, veçanërisht kur nuk ekziston bashkëjetimi i pjesëtarëve të familjes ose nuk ekziston mundësi komunikimi midis tyre, ose kur njeri nga bashkëshortët injoron çështje që lidhen me gjendjen vetjake të bashkëshortit tjetër.
c.- Qëndrimi i mbajtësit ndërpritet dhe pjesëtari i familjes nuk disponon të drejtën vetjake të qëndrimit, në përputhje me nenin 60 të kësaj ligje.
2.- Shërbimet kompetente të të Huajve dhe Emigracionit të Periferisë ku qëndron, që funksionojnë në prefekturën e banimit ose të qëndrimit, kryejnë kontrollet përkatëse, kryesisht nëpërmjet intervistave personale me mbajtësin dhe pjesëtarë të familjes së tyre, aq në dhënien fillestare, ashtu dhe në rinovimin e lejeve të qëndrimit. Kontrolle mund të kryhen në çdo rast që mendojnë shërbimet e m sipërme dhe për çdo rast që mund të justifikojë revokimin e lejes së qëndrimit.
3.- Para refuzimit të kërkesës të revokimit ose të refuzimit të rinovimit të lejes së qëndrimit, ose në rast marrje masash largimi të poseduesit ose pjesëtarëve të familjes së tij, merren parasysh karakteri dhe qëndrueshmëria e lidhjeve familjare të personit, kohëzgjatja e qëndrimit të tij në shtet, si dhe ekzistenca e lidhjeve familjare, kulturore dhe shoqërore me vendin e origjinës së tij.

Neni 59 Të drejta të pjesëtarëve familjarë, nënshtetas të vendit të tretë.
Pjesëtarët e familjes të mbajtësit kanë në raport me atë, të drejtë:
a.- Aksesin në arsim.
b.- Aksesin në punë me pagë dhe në veprimtari ekonomike të pavarur.
Ky akses, në intervalin dymbëdhjetë muaj të qëndrimit nga lëshimi i lejes fillestare, sipas paragr. 1 të nenit 57 të kësaj ligje, bëhet nën kushtet dhe premisat që do të caktohen me vendimin e përbashkët ministror të paragr. 1 të nenit 90 të kësaj ligje.
c.-Akses në orientimin profesional, në formimin themelor e të mëtejshëm, si dhe në riformim.

Neni 60, Leje qëndrimi vetjake pjesëtarëve të familjes
1.- Persona që janë bërë të pranueshëm për arsye të ribashkimit familjar, kanë të drejtë të pajisen me leje qëndrimi individuale në Greqi në rastet që vijojnë:
a.-Me kalimin e pesë vjetëve nga dhënia e lejes së qëndrimit për ribashkim familjar, kur nuk është dhënë leje qëndrimi për një nga arsyet e tjera të këtij neni.
b.- Mosha madhore.
d.- Vdekjes së mbajtësit, kur pjesëtarët e familjes jetojnë në Greqi, të paktën një vit para vdekjes.
e.- Në rast shkurorëzimi ose anulimit të martesës ose ndërprerje e vërtetuar e bashkëjetesës martesore, për derisa:
f.- Martesa mbajti deri në fillimin e gjyqit të shkurorëzimit ose zhvleftësim të martesës ose ndërprerjes së dokumentuar të bashkëjetesës bashkëshortore, të paktën për tre vjet, nga të cilat një vit është konsumuar në Greqi. Ekzistojnë gjendje të veçanta të vështira, si në rastin kur një pjesëtar i familjes ka rënë viktimë e dhunës familjare, megjithëse martesa nuk është zgjidhur.
2.-Afati i lejes individuale të qëndrimit nuk mund të tejkalojë një vit. Rinovimi i mëtejshëm i saj lejohet në përputhje me parashikimet e kësaj ligje.
3.- Në rastet e mësipërme, e drejta e qëndrimit të fëmijëve të mitur ndjek fatin e të drejtës së qëndrimit të prindit, në të cilin është dhënë kujdestaria.
4.- Për fëmijët, kohëzgjatja e lejes vetjake nuk mund të jetë më shumë se një vit dhe mund të rinovohet çdo vit dhe në çdo rast deri sa të mbush vitin 21 të moshës së tij. Rinovimi i mëtejshëm lejohet në bazë të parashikimeve të kësaj ligje. Në qoftë se rinovimi i saj nuk bëhet brenda afatit të një viti, nënshtetasi i vendit të tretë, detyrohet të braktisi territorin grek. Në rastin kur leja e mësipërme individuale e qëndrimit rinovohet për studime, nënshtetasi i vendit të tretë mundet, mbas mbarimit të studimeve, ta rinovojë në përputhje me parashikimet dhe kushtet e kësaj ligje.
5.- Në bashkëshortët e riatdhesuar politikë ose riatdhesuar ose homogjenë, që janë nënshtetas të vendit të tretë, jepet leje qëndrimi, që është në fuqi aq kohë sa është ligjëruar qëndrimi i bashkëshortit tjetër. Të vejat dhe fëmijët e mitur, marrin leje qëndrimi individuale, pesëvjeçare. Këto leje qëndrimi jepen me vendim të Sekretarit të Përgjithshëm të Periferisë, është e mundur të rinovohen çdo herë, për kohë të barabartë dhe nuk i nënshtrohen derdhjes së paravolave.

[ReniX]

Shume faleminderit, besoj se me qindra shqiptare i duhen te tilla informacione.

[EMAUS]

Flm kuklla. Shume e nevojshme

[xhushi]

Kuklla shume faleminderit per materialin.Dajes tim i duhej ky informacion.Do t'ja jap sapo te kthehet nga Greqia.