Kriza qe solli zgjedhjet e parakohshme ne Maqedoni

[EMAUS]

NUK DO TE NDODHNIN GJITHE KETO PO TE MOS ISHTE BDI-ja AJO QE E SOLLI DERI KETU!


Kriza qe solli zgjedhjet e parakohshme ne Maqedoni


BDI e cila fitoi shumicën e votave të shqiptareve ne zgjedhjet e dy viteve me pare, nuk u ftua në koalicion nga partia fituese VMRO DMPNE, e cila vendosi të bënte koalicion me partinë tjetër shqiptare, PDSH që sot drejtohet nga Menduh Thaci. Kjo bëri që opozita BDI të bojkotonte parlamentin dhe të bëhej pengesë për procesin politik te reformave dhe punën e parlamentit

SHKUP-Maqedonia u detyrua të hyjë në zgjedhje e para të parakohshme ne historine e saj si shtet i pavarur per disa arsye. Një nga arsyet kryesore ishte vetoja qe Greqia vuri ndaj anetaresimit te Maqedonise në NATO gjate samitit te Bukureshtit ne 2-4 prill. Shkak për këtë veto u bë konflikti i emrit, një mosmarëveshje e vjeter që ende nuk është zgjidhur.

Maqedoni quhet edhe veriu i Greqisë një rajon i lashtë që lidhet me trashëgiminë e Filipit të maqedonisë dhe Aleksandrit të madh. Por edhe maqedonia e lidh ezkstencën e vet me ketë emër. Vec cështjes së emrit, shkak i krizës që solli edhe këto zgjedhje të parakohshme ishte situata politike. Partitë maqedonase gjithnjë janë detyruar të bëjnë koalicion me partitë shqiptare për të përfaqesuar 25% të popullsisë etnike shqiptare. BDI e cila fitoi shumicën e votave të shqiptareve ne zgjedhjet e dy viteve me pare, nuk u ftua në koalicion nga partia fituese VMRO DMPNE, e cila vendosi të bënte koalicion me partinë tjetër shqiptare, PDSH që sot drejtohet nga Menduh Thaci.

Kjo bëri që opozita BDI të bojkotonte parlamentin dhe të bëhej pengesë për procesin politik te reformave dhe punën e parlamentit. Kjo ishte dhe arsyeja që kryeministri Gruevski thirri në muajin prill këto zgjedhje, per të siguruar një mazhorancë absolute në parlament. Partia e tij ka premtuar se nuk do të ndryshoje emrin e vendit sipas presionit grek, do të nxisë reformat për hyrje të shpejtë ne BE, do të rimëkëmbë ekonominë dhe do të luftojë korrupsionin. Një tjetër mosmarrëveshje ne koalicionin që Gruevski ka patur me partinë shqiptare është mosnjohja e Kosovës. Qeveria e ardhshme padiskutim do jetë nën presionin e partive shqiptare për ta njohur sa më shpejt pavarësine e Kosovës.

Ndërkombëtaret e shohin Maqedoninë ende si një vend të tensionuar. Në fakt fushata elektorale e ketyre zgjedhjeve ka qenë e tillë. Gjithsej 13 raste sulmesh janë shënuar dhe raportuar në këtë fushatë, të gjitha sulme kundër partisë opozitare BDI. Lideri i kësaj partie Ali Ahmeti shpetoi pa dëmtime pas një sulmi nga një person i paidentifikuar me 12 maj. Për të gjitha këto sulme BDI ka fajësuar partinë rivale shqiptare të Menduh Thaçit. Por një nga zyrtarët e partisë demokratike shqiptare thotë se BDI është vetëm nervoze për shkak se ishte jashtë pushtetit këto dy vite, ndaj e paraqet veten si viktimë.

Nëse Gruevski nuk fiton një shumicë absolute ai do kërkojë BDI-në ose PDSH të bëjë koalicion qerveritar. Por PDSH u tërhoq nga mbështetja për Gruevskin pasi kjo parti nuk njohu Kosovën. Ndërkohë Gruevski e sheh të pamundur një koalicion me BDI-në. Ndërkombëtarët shqetësohen dhe për standartet demokratike të këtyre zgjedhjeve, pasi kësaj here është opozita maqedonase LSDM e Radmilla Sheqerinskës që ankohet për mashtrime dhe parregullsi. Në fakt edhe komisioni shteteror elektoral dhe OSBE kanë marrë ankesa për parregullsi në listat zgjedhore….

Nderkombetaret i tremben një tensionimi të situatës si në vitin 2001 kur shpërtheu një konflikt i armatosur mes ekstremistëve shqiptare dhe forcave qeveritare maqedonase, konflikt që gati e coi vendin drejt luftes civile, por që me ndërhyrjen e nderkombetarëve u shua pas nënshkrimit të marrëveshjes së paqes në Oher. Partitë shqiptare ankohen se mjaft pika të marrëveshjes së Ohrit, për t’u dhënë më shumë të drejta shqiptarëve, ende nuk janë zgjidhur….


(d.b/News24/Balkanweb)