Ligji i ri i qeverisë, ndalohet klonimi

[EMAUS]

Ligji i ri i qeverisë, ndalohet klonimi.

Qeveria ka paraqitur së fundmi në Kuvend një projektligj që ndalon rreptësisht klonimin për qëllime industriale. Ky proces konsiderohet në kundërshtim me rendin publik, moralitetin, shëndetin publik dhe jetën e njerëzve.

TIRANE- Në Shqipëri, klonimi ndalohet rreptësishtë për qëllime industriale. Qeveria ka paraqitur së fundmi në Kuvend një projektligj që e konsideron këtë proces në kundërshtim me rendin publik, moralitetin, shëndetin publik dhe jetën e njerëzve. “Shpikjet bioteknologjike janë të palejueshme nëse kanë të bëjnë me një element të marrë a izoluar nga trupi i njeriut ose i prodhuar ndryshe, nëpërmjet një procesi teknik, duke përfshirë një sekuencë të një geni”, - citojmë nga ky draft. Mbi këtë bazë, vlerësohen veçanërisht të papatentueshme, si proceset e klonimit të qenies njerëzore, proceset për modifikimin e vijës embrionale të identitetit gjenetik të qenieve njerëzore, përdorimi i embrionit njerëzor për qëllime industriale a tregtare; proceset për modifikimin e identitetit gjenetik të kafshëve, të cilat ka të ngjarë t’u shkaktojnë atyre vuajtje pa ndonjë përfitim thelbësor mjekësor te njeriu ose kafsha. Metodat për trajtimin e trupit të njeriut ose të kafshës me anën e kirurgjisë a të terapisë, si dhe metodat diagnostikuese, të praktikuara në trupin e njeriut ose të kafshës, ndalohen nga projektligji. Kjo dispozitë nuk zbatohet ndaj produkteve, veçanërisht ndaj substancave apo përbërësve, që përdoren në secilën prej këtyre metodave, apo substancat që përftohen nëpërmjet transformimeve të brendshme nukleare, për qëllime ushtarake.


Balkanweb

[ReniX]

nuk e di qe ne Shqiperi ka laboratore kaq te spezializuar keshtu, mendoj se linjin e kane bere sa per te mbushur defteret apo marre ndonje lek!