Një lutje për ata që ju është mërzitur jeta

[kuklla]

Rezarta Delisula

Dje një familje nga Tirana, iu desh të mbulonte me dhe dhe kurora lulesh Endin, një djalë 14 vjeçar, i cili u vetëvar. I la ëndrrat në mes, i preu shpresën prindërve për ta parë djalin në skenat e teatrove të baletit, i dërrmoi shpirtin ndërsa pyesin pafundësisht veten PSE, PSE NDODHI, vetëfajësohen, vetëgjykohen, i humbi besimin në Zot, se një e keqe më e rëndë për një nënë të humbë fëmijën s’ka... donin ta shihnin dhëndër. Dhe shpirti i nënës së mjerë nuk ngrihej dot nga gropa që u mbush ngadalë me lopatat e dheut që i binin mbi. Nuk donte të kthehej në shtëpi, nuk mund t’a linte djalin e saj që s’i kishin dalë ende mustaqet, në vendin ku prehen të ndjerët. Ai iku i veshur me kostumin popullor të cilin e përdorte për të dhënë shfaqe dhe me sytë gjysmë të hapur, sikur donte të shihte edhe një herë, për të fundit herë, ata që e rritën e i dhanë jetë.
****
Çdo ditë dëgjojmë pafund vajza të reja që pinë bar miu, për një dashuri të humbur. Por a ja vlen të çosh jetën dëm për një njeri që nuk të ka vlerësuar, ndërsa lë pas shpirtin e dërrmuar të nënës së mjerë që qan me lot e me fjalë vajzën?
Mezoburra dhe nëna që zgjedhin po këtë rrugë sepse s’mund t’i plotësojnë fëmijëve të tyre kërkesat më minimale. Por a ja vlen të lesh në rrugë ata fëmijë, që për më shumë kanë nevojë për Ju, sesa për një akullore.
Djem të rinj që kur bëjnë krahasimin me bashkëmoshatarët e tyre, të cilët vijnë nga familje me më shumë para, bien në depresion, duke menduar se e ardhmja e tyre do të jetë me e keqe se ajo e prindërve të tyre. Por a ja vlen të dorëzohesh kaq shpejt... Të mos i japësh vetes mundësi të luftosh për të qenë më mirë...
Djem e vajza të vogla që sapo kanë një zënkë banale, një “plan” që të shohin se kush do të jetë në varrimin e tyre, e këtë e provojnë me idenë se mund të kthehen sërish duke mos e kuptuar mirë çfarë është vdekja. E ndërsa janë në grahmat e fundit të gjithë luftojnë për të shpëtuar, por manteli i zi i ka mbështjellë tashmë. Të gjithë këta kanë mbyllur sytë dhe s’mund të shohin se çfarë kanë shkaktuar me largimin e tyre të parakohshëm. U kanë mbyllur jetën familjeve të tyre, i kanë kthyer në njerëz që gjysmën e kohës e kalojnë në varreza mes të vdekurve në vend që të jetonin normalisht, i kanë kthyer në mekanizma që përveç lotëve nuk prodhojnë asnjë të qeshur, vuajnë vetëm vuajnë, me shpirtin e plagosur nga humbja e të dashurve.
****
Teksa mijëra njerëz qëndronin të heshtur para arkivolit të 14 vjeçarit, mes tyre dhe shumë shokë e shoqe të tij, hoxha, ai që bëri lutjen e fundit, predikoi moralin kundër vetëvrasjeve në emër të Zotit. Zoti na e ka përcaktuar ditën kur lindëm dhe atë që do vdesim, por asnjë nuk mund të ndryshojë rrugën e tij që ka zgjedhur për ne, dhe të vrasësh veten, domethënë të ndryshosh fatin tënd. Në emër të njërës prej shumë njerëzve shpirtëvrarë nga humbja e një djali të vogël, ende të parritur mirë, ju kërkoj të mos jeni kaq egoist duke menduar se mund të shpëtoni duke u vetëvrarë. Mendoni fytyrën e nënës tuaj të mjerë, kur të mësoj që ju s’do jeni më, mendoni për babanë tuaj që edhe pse është burrë qan mbi trupin e të voglit të tij, më keq se të ishte fëmijë, mendoni për ata fëmijë që lini jetim kur ju vendosni të hiqni dorë kaq lehtësisht nga jeta, mendoni se kush do i rrisë, kush do i ushqejë, kush do i përkëdhelë dhe, sa të vështirë do e kenë rrugën e jetës pa prindërit e tyre. Mendoni përpara se të ikni, se dashuria nuk duhet t’ju vrasë, por duhet t’ju japë shpresën për të gjetur atë që vërtet ju meriton... Mendohuni dhe shihni sytë e nënës tuaj shpirtdjegur.
Të vrasësh veten nuk të bën guximtar. Guxim është të jetosh e të përballosh mbi supe sfidat e jetës, të mirat e të këqijat, zhgënjimet e humbjet, sëmundjet dhe zemrën e plagosur. Guxim është të çosh deri në fund, jetën që të kanë dhënë prindërit e tu, jetën që të ka dhënë perëndia. Mos harroni, një vendim i tillë, vret me qindra njerëz që ju duan t’ju kenë pranë, me të mirat e të këqijat tuaja.

[briken]

Me te vertet nje vatkeqesi, qe keto kohet e fundit po e degjojme shpesh...
nuk di cfar shpjegimi ti jap ?????
por eshte me te vrtet nje dukuri e dill po vazhdon te mari jet perdit...
oooo njerez mos harroni se jeta ka shum te papritura te mira , por edhe te
keqija, kjo eshte jeta ,

'' jetojeni jeten , edhe mundohuni qe ti jepni nje kuptim asaj.
mundohuni te ralizoni enderat tuaja, por jo ti preni ne meste ato,
asnjer mos mendoni se erdhi fundi i botes, cfar dolloj gjeje te ndodhi
jepeni force vetes edhe ta kaloni qe te ecni perpara edhe jo te
bini ne pesimizem, asnjeher mos arroni se jeta eshte nje nje
edhe nuk mund ta nderperjm ne mes per nje dashuri apo per nje dicka tjeter ???
jetoni dashuroni ,punoni , edhe kloni cdo sfid qe ka per te dalur perpar
por jo ta nderprisni ne mes.

[Kliton]

Eshte nje fatkeqsi e madhe qe ketu ne shqipri Skamja dhe Papunsia ka bere shume njerez qe jeta tu merzitet aq shume sa te marrin vendime kritike per te,por jeta kshu eshte lufte dhe lufte per mbijetes sidomos ktu ne Shqipri,por duhet pare dhe ne aspekte te tjera ku jeta eshte e shejte dhe e bukur dhe Zoti ta ka dhene ate per ta jetuar prandaj duhet respektuar.





JETA ESHTE SI NJE FILM SHUME SHUME I GJATE KU NJERZIT JANE AKTORET.

[Arjol]

Shume tronditse kjo historia

[Negativ]

Fatkeqsisht Vetvrasja eshte nje fenomen qe eshte ne rritje e siper...

Duhet te bejm diqka ta ndalin... ky cuni paska qen 14 vjec ,ne kete moshe as qe duhet ti bie ndermend diqka e tillë.

[F-B-K]

o kuklla per zoten mke ba me qa
esht per te ardhur keq sesa shum
te rinj mendojn se i zgjidhin problemet
duke u vetvrar
un jam prind vet dhe mund ta imagjinoj
dhimbjen e prindeve te tij

[anna]

Megjithese e lexova me pak vonese kete lajmin , me vjen shme keq per kete djalin 14 vjeçar sepse ka pasur nje jete plot perpara sepse ka qene shume i ri dhe akoma nuk e shijoi as gjysmen e jetes se tij . me vjen shume keq kur degjoj ne lajmet shqiptare kur degjoj vajza apo djem qe vetevriten ! por te them te drejten kur ndodhesh ne nje deshperim te thelle apo vete ne gjendje depresioni truri ndalon dhe nuk funksionon me . per mendimin tim keto mund te vijne edhe nga pakujdesia e prinderit ndaj femijeve te tyre. femija para se te kryje keto veprime jep shenjat e dobesimit . preferon te rrije vetem , nuk mer pjese ne diskutime familjare preferon te menjanohet apo te fshihet nga prindi .

Nje prind i kujdesshem ndaj femijes i kupton menjeher keto shenja apo te tjera shenja qe nuk i kam cituar . ai femije ka nevoje per dashurine prinderore ne ate moment , per ti treguar femijes se ai apo ajo eshte i / e rendesishme ne jeten e vete dhe e vetmja arsye e cila e ben te vazhdoje jeten enje prindi . kam kaluar vete ne gjendje depresioni kur kam qene femije dhe kam tentuar cdo gje per ti dhen fund jetes , por zoti me ka dhen edhe nje mundesi tjetr per te jetuar . por edhe mami ( lus zotin qe ti jape sa me shume shendet e jete ) me ka ndenj per cdo gje afer dhe me ka ndihmuar ne cdo moment te veshtire te jetes .

I jam shume mirenjohese prindit tim qe eshte treguar shume e kujdeshe dhe vezhguese e imet se nga ajo jetoj sot . nuk ja vlen te rrenosh apo te mbyllesh jeten tende per dashurine e nje femre apo te nje mashkulli sepse do te gjesh me shume dashuri e prinderit e tu ose nje dite dikush do te te doje me shume se askush tjetr ne bote . jeta eshte plot mystere !

( te me falni sepse u zgjata , por me vjen keq per rinine e sotme shqiptare qe po shkon me shume drejt pesimismit dhe nuk i perballojne jeten ashtu si tu vije )

[rexhe]

vetvrasja nuk eshte zgjidhja e duhur

vetvrasja eshte dorezim

ajo eshte zgjidhja me e keqe nga te gjitha