Nga plazhi në spital, pasojat shokuese të diellit

[Coca-Cola]

Frekuentimi i plazheve në këtë stinë të nxehtë nuk ka kaluar pa pasoja, për shumë persona që nuk e kanë kursyer trupin e tyre para rrezeve të forta të diellit. Çdo ditë, në spital përfundojnë 5 persona me djegie të tilla shokante
Djegie aq të rënda, sa është e vështirë të besosh që janë shkaktuar nga rrezet e diellit. Madje, shkalla e dëmtimit arrin deri aty sa kërkohet ndërhyrja e mjekëve të shërbimit të Djegie-Plastikës për t’u ardhur në ndihmë pacientëve që shpesh zënë dyert e spitalit për të marrë mjekim. Kirurgu i këtij shërbimi, Nardi Kola thekson se në këtë periudhë të nxehtë vere,për shkak të temperaturave të larta janë paraqitur shumë pushues që kanë pësuar djegie të rënda dhe kjo është stimuluar edhe nga pakujdesia që kanë treguar pushuesit.

Djegiet

Frekuentimi i plazheve në këtë stinë të nxehtë nuk ka kaluar pa pasoja, për shumë persona që nuk e kanë kursyer trupin e tyre para rrezeve të forta të diellit. Kirurgu Nardi Kola thekson se këta pacientë vijnë me djegie që prekin pothuajse gjithë sipërfaqen e trupit dhe nga grada e larët e këtyre djegieve e dëmton aq shumë lëkurën, sa të jep përshtypjen se djegie të tilla jënë shaktuar nga ndonjë burim tjetër zjarri, por jo nga dielli. “Këto djegie janë të karakterit shokant dhe ndonjëherë kanë nevojë edhe për trajtim në spital, çka do të thotë se nuk kalojnë lehtë. Për shkak të pakujdesisë, pacienti duhet të shtrohet në spital për disa ditë derisa me anë të mjekimit i djeguri të kalojë fazën kritike që i është shkaktuar nga rrezet e diellit”, -pohon mjeku Kola, duke shtuar se pothuajse çdo ditë paraqiten rreth 5 persona me djegie të tilla dhe në fundjavë, numri i pacientëve arrin 10-15 persona.

Pasojat

Dhimbje të forta dhe të padurueshme dhe një dëmtim i rëndë i estetikës së lëkurës. Por pasojat e djegieve nga rrezet e diellit nuk mbarojnë këtu, pasi ato e dërgojnë pacientin deri në gjendje shoku. Kështu u shpreh kirurgu i Djegie-Plastikës, Nardi Kola i cili thekson se duke përgjithësisht, këto djegie përfshijnë më shumë se 80 për qind të trupit. “Djegiet nga dielli mund të kalojnë pacientin në gjendje shoku, e cila është me origjinë centrale. Në këto raste ky pacienti ka nevojë për reaminim që do të thotë se terapia është specifike për ta, për shkak të shkallës së rëndë të djegies”,- thekson mjeku Kola.


KËSHILLA

Kirurgu: Hiqni dorë nga kosi dhe vajrat!

Pasojat që sjellin djegiet nga rrezet e diellit i nxit kirurgët e plastikës të japin këshilla rigoroze, për t’u mbrojtur nga ato. Sipas kirurgut Nardi Kola, pushuesit duhet të fillojnë ditët e plazhit, duke përdorur kremra me faktor mbrojtës. “Në ditët e para të ekspozimit të diell, ky faktor mbrojtës duhet të jetë mbi 40 dhe pastaj gradualisht ta ulet sipas ditëve. Kjo është e shprehur sidomos tek fëmijët që kanë nevojë për mbrojtje specifike dhe prindëit duhet të tregojë shumë kujdes, duke i lyer me kremra mbrojtës çdo 3 orë”,- pohon kirurgu. Ndërkohë ai thekson se nuk rekomandohet lyeja e trupit me kos dhe vajra apo gjëra të tjera që përdoren nëpër shtëpi. Gjithashtu, kirurgu thekson se pushuesit duhet të evitojnë orët e pikut, pasi ato janë shumë të dëmshme jo vetëm për lëkurën, por edhe për gjithë organizmin.