Ne perkujtim te 11 Shtatorit

[kuklla]

Sot eshte 11 Shtatori, nje dite e shenuar per te gjithe amerikanet dhe ndoshta per te gjithe boten. 11 shtator 2001, fundi i kullave binjake ne Nju Jork, sulmi makaber i ekstremisteve islamike ndaj Shteteve te Amerikes, ndaj Perendimit, ndaj qyteterimit, ndaj paqes, ndaj Kristanizmit.

[kuklla]

http://it.youtube.com/watch?v=f545bXfxw_4
http://it.youtube.com/watch?v=wkZC1Lx1ExU
http://it.youtube.com/watch?v=ctjTL8grYr0
http://it.youtube.com/watch?v=utixX1el6Z8

[kuklla]

mare nga gazeta shqip
Shtatë vjet pas 11 shtatorit, Amerika nderon heronjtë e saj

Ceremoni përkujtimore në Nju-Jork, Pentagon dhe Pensilvani. Obama e MekKejn shfaqen së bashku

Nju-Jorku ka mbajtur frymën pezull për të kujtuar kohën kur dy avionë goditën kullat binjake të Qendrës Botërore të Tregtisë, më 11 shtator 2001, një sulm që i mori jetën afro 3 mijë personave. Katër momente heshtjeje u mbajtën në orën ekzakte të sulmeve mbi dy kullat, mbi Pentagonin si edhe momentin kur avioni i katërt u rrëzua mbi një fushë në Pensilvani. Kandidatët presidencialë, Barak Obama dhe Xhon MekKejn, morën pjesë në ceremoninë e zhvilluar në Ground Zero, vendin ku dikur ngriheshin kullat binjake, në Nju-Jork. Ndërsa në Pentagon, Presidenti Xhorxh Bush, inauguroi një memorial të ri. Memoriali në Uashington u ndërtua me një kosto prej 22 milionë dollarësh, në një parcelë toke prej rreth 1 hektari, pikërisht përpara vendit ku u përplas avioni që i mori jetën 184 personave. Ndërsa kryebashkiaku i Nju-Jorkut, Majkëll Blumberg, hapi ceremoninë në Ground Zero, ku familjet e viktimave nderuan të dashurit e tyre dhe lexuan emrat e të gjithë atyre që humbën jetën. Presidenti Bush qëndroi një minutë i heshtur, bashkë me Zonjën e Parë, në anën jugore të Shtëpisë së Bardhë, në kohën kur avioni i parë goditi Qendrën Botërore të Tregtisë. Kjo është hera e fundit që Bush shënon përvjetorin e sulmeve të 11 shtatorit, si President. Sulmet konsiderohen si një moment përcaktues në periudhën e qëndrimit të tij në detyrë dhe kanë pasur po ashtu pasoja të jashtëzakonshme në politikën e jashtme të administratës së tij. "Presidenti mendon për 11 shtatorin, çdo ditë, kur ai ngrihet nga gjumi e kur shkon në shtrat në mbrëmje", tha zëdhënësja e Shtëpisë së Bardhë, Dana Perino. Ndërkohë, senatorët Obama dhe MekKejn, të nominuarit e Partisë Demokrate dhe asaj Republikane për zgjedhjet e nëntorit, u shfaqën së bashku në Ground Zero, pasdite, dhe nderuan viktimat. Në një deklaratë të përbashkët të stafeve të tyre elektorale, ishte bërë e ditur më herët se ata kishin vendosur të zbrisnin në Ground Zero, së bashku, si dy amerikanë, dhe kishin ndalur gjithashtu aktivitetet e tyre politike për 24 orë. "Ne do të lëmë mënjanë politikën dhe do të bashkohemi për të rinovuar unitetin, për të nderuar kujtimin e çdo amerikani që humbi jetën në këto sulme, për të ndarë dhimbjen me familjet dhe miqtë e atyre që humbën të dashurit", thuhej në deklaratë. Shfaqja e tyre krah për krah u pasua edhe nga një tjetër dalje, në mbrëmje, në Universitetin e Kolumbias, ku do të shpalosin këndvështrimet e tyre. Ceremonia në Manhatan u përqendrua në katër momente kryesore; kur avionët goditën njëri pas tjetrit kullat, dhe kur këto të fundit u shembën. Anëtarët e familjeve dhe nxënësit që përfaqësonin 90 vendet që kishin humbur shtetas të tyre në këto sulme, lexuan emrat e 2973 të vdekurve. Shtatë vite pas sulmeve që shokuan botën, Ground Zero mbetet ende një "kantier ndërtimi". Pas vitesh vonesa dhe mosmarrëveshjeje në lidhje me mënyrën se si do të nderohen të vdekurit, puna ka filluar në memorialin dhe në gradaçelën e re, Kulla e Lirisë, që duhet të përfundojë në 2012-ën. Më herët, kryebashkiaku i Nju-Jorkut kishte kritikuar punën e ngadaltë në vendin e katastrofës dhe kishte theksuar se gjithçka duhej të përfundonte në kohë për përvjetorin e 10-të të ngjarjes. "Nuk ka më justifikime, nuk tolerohen më vonesa", theksoi Blumberg. Edhe guvernatori i shtetit të Nju-Jorkut, David Paterson, tha se ishte i pakënaqur dhe i shqetësuar me ritmin e papranueshëm, me të cilin po ecnin punimet në Ground Zero. Ngjarjet e 11 shtatorit 2001 kishin ndikim të fuqishëm në pikëpamjen e Amerikës për rolin e saj në botë, duke shkaktuar rishikimin e politikës së jashtme dhe parimeve ekonomike e politike të 50 viteve të shkuara. Por, tani shtrohet pyetja, mos vallë në fushatën presidenciale, 11 shtatori dhe lufta në Irak kanë dalë në plan të dytë pas ekonomisë? Disa mendojnë se po, të tjerë thonë të kundërtën. Gjithsesi, i dukshëm ishte fakti se, ndryshe nga vitet e kaluara, përvjetori i sivjetmë i sulmeve terroriste të 11 shtatorit, në Shtetet e Bashkuara nuk u shënua me përkujtime të mëdha, por kjo nuk do të thotë se Amerika i ka harruar 3000 të rënët e saj. E marta e 11 shtatorit 2001, në Nju- Jork kish filluar si një ditë me diell. Njujorkezët po fillonin ditën e punës dhe duhej të votonin madje për zgjedhjet e bashkisë. Por, një zhurmë e pazakonshme e theu heshtjen e rëndomtë në orën 8:46 të mëngjesit. Terroristët e Al Kaedës, kishin rrëmbyer katër avionë dhe me ta kishin sulmuar Qendrën Botërore të Tregtisë dhe Pentagonin, dy simbolet e fuqisë financiare dhe ushtarake të Amerikës. Avioni i katërt, i rrëmbyer, u rrëzua në Pensilvani, pasi pasagjerët ishin përleshur me rrëmbyesit, duke mos i lejuar të godasin Shtëpinë e Bardhë apo Kapitol Hillin, në Uashington.

[Kampioni99]

Oj kukull tem shum e qelluar dhe respekt per te gjitha viktimat e 11 shtatorit
Kosva i eshte mirnjohese per jete amerikes

[ReniX]

Vertet e meritojne te kujtohen, sepse fundi i tyre ishte nje pakujdesi e politikes ku viktima si gjithmon jane njerezit e thjeshte.

[PoLiGrAfIkSi]

Amerika per sa te jete jeta ne toke do ti kujtoje viktimat e 11 shtator 2001.
Nder dhe respekt per punojsit e nderhyrjeve emergjente qe dhane jeten per te shpetuar njerzit.