Itali, procedurat për bashkimin familjar

[kuklla]

Itali, procedurat për bashkimin familjar
(gazeta shqiptare)
•

Vështirësitë janë në rritje për emigrantët në Itali që duan të bëjnë bashkim familjar. Por vështirësia do të rritet edhe për përfitimin e pensionit social. Pasi nga 1 janari 2009, për të përfituar pension social në Itali, veç të tjerave do të duhen edhe 10 vjet rezidencë në këtë vend. Tashmë kjo risi është ligj dhe është shpallur në Gazetën zyrtare më 21 gusht. Ky kusht i vendosur rrezikon që edhe atyre personave që kanë marrë pension më parë, por ende nuk kanë mbushur 10 vjetët e rezidencës në Itali, ka mundësi që t'u ndërpritet pensioni. Gjithashtu nga 1 janari, personat që do përfitojnë pensionin social në Itali, duhet të jetojnë atje, përndryshe u tërhiqen edhe pensionet e kaluara që u janë dhënë më parë. Në 5 nëntor do të hyjë në fuqi një dekret legjislativ (i publikuar në datë 21 tetor 200 që rrit nivelin e kushteve dhe fut rregulla të reja për të evituar abuzime. Bashkimi familjar do të jetë i mundur me fëmijët minorenë edhe me bashkëshortin, me kusht që të jetë të paktën 18 vjeç. Përfitojnë nga rregullat e reja fëmijët mbi 18 vjeç vetëm në rast se janë në ngarkim dhe të jenë plotësisht invalidë, ndërsa më parë mjaftonte që për arsye shëndeti nuk mund të kujdeseshin për veten e tyre. Ndërsa për prindërit do të jetë e mundur vetëm nëse nuk kanë fëmijë të tjerë në atdhe, ose janë mbi 65 vjeç dhe fëmijët e tjerë që ndodhen në Shqipëri nuk kanë mundësi t'i mbajnë për arsye shëndeti, dhe kjo të jetë e vërtetuar dhe dokumentuar. Kusht tjetër është që minimumi i të ardhurave për të prezantuar kërkesën, i njëvlefshëm me të ardhurat vjetore të çekut social (rreth 5 mijë euro) rritet 50% për çdo familjar që bën kërkesën për ta tërhequr në Itali. Vetëm për të bërë kërkesën për bashkim familjar për dy ose më shumë fëmijë të moshës nën 14 vjeç, ose për dy apo më shumë familjarë do të ketë një vlerë jo më pak se sa dyfishi i çekut social. Në llogaritjet do të llogariten dhe të ardhurat vjetore të familjarëve që jetojnë me personin që bën kërkesën për bashkim familjar. Ndërkohë, nëse më parë për 90 ditë autoritetet e ngarkuara (Sportello per l'Immigrazione) nuk i përgjigjeshin kërkesës për bashkim familjar, personi mund të kërkojë që t'i jepet menjëherë viza e hyrjes, tani kjo periudhë është zgjatur më shumë, nga tri muaj është bërë gjashtë muaj. Një pikë tjetër e rregullave të reja është që, nëse lidhja familjare është e dyshimtë ose mungojnë dokumente të besueshme, ambasada apo konsullata mund të kërkojë testin e ADN-së dhe shpenzimet e këtij testi do t'i paguajnë shtetasit që presin të marrin vizë për bashkim familjar.

[ReniX]

Kush do te kete me shume informacione mund te vizitoj faqen https://nullaostalavoro.interno.it/Ministero/index2.jsp

vini re, proçeduat do te pesojne ndryshime nga data e neserme 5 Nentor !

[Nerti]

ke te drejte Renix procedurat kane pesuar ndryshime,,edhe me keq eshte bere..te shkretet emigrante...