Disa Kuriozitete

[Kliton]

107-vjeçarja përgatitet për martesë


Kinezja e cila ka pasur frikë të martohet derisa ka qenë e re ka marrë guximin dhe ka vendosur të kërkoj burrë që të mos i jetë barrë nipave të vet. Burrin potencial ajo po e kërkon nëpër shtëpi të pleqve. Wang Guiying nuk dëshiron tu bëhet barrë nipave çdo ditë e më të vjetër.
Kur në moshën 102 vjeçare ka thyer këmbën më nuk ka mundur të bëj punët e shtëpisë, siç janë larja e rrobave, i ka lindur dëshira të gjej dikë me të cilin mund të flas, sepse ka frikë se çfarë do të ndodhë nëse nuk ngutet ta gjejë atë. Ajo ka lindur dhe rritur në krahinën kineze Guizhou duke parë se si meshkujt i rrahin gratë. Veçanërisht i kujtohet mirë kur tezja e saj ka qarë shpesh kur e rrihte burri për të cilën gjë, siç flet sot hapur, është frikësuar edhe nga mendimi që dikujt t'i jap të drejtën për ta keqtrajtuar. Kur i kanë vdekur babai, nëna dhe motra më e vjetër, as atëherë nuk ka dashur të martohet, prandaj kishte shkuar në fshat dhe ishte marrë me bujqësi. Ka punuar arat deri në moshën 74 vjeçare, por pas kësaj është zhvendosur tek nipat e saj në qytet.


Hollandë, një fëmijë në ankand. Prindërit e shesin online


Një ngjarje e pazakontë ka ndodhur. Në website e shitjeve e-bay, ka dalë në shtije një fëmijë. Prindërit e ti belg e kanë shitur tek një çift belg, me motvacionin gjendja e veshtire ekonomike.

Një fëmijë katër vjeçar është “blere” në internet nëpërmjet rrjetit e-bay nga një çift në Hollandë, shkruante sot media e këtij shteti. Ngjarja është investiguar dhe botuar nga një gazetar holandez. Sipas tij, fëmija ishte vënë në shitje përpara se te lindte, nga prindërit e tij, një çift belg që kishte edhe një fëmijë tjetër. Shkak sipas tyre, ishte gjendja e vështirë ekonomike. Menjëherë pas lindjes foshnja i është dhënë prindërve të rinj në këmbim të parave. Autoritetet kane filluar hetimet për ngjarjen, ndërkohë që fëmija deri ne perfundimin e tyre do te qendrojë me prinderit “adoptues”.



Mban lopën në pallat, ankohen komshinjtë

I shtyrë nga nevojat ekonomike dhe financiare, një banor në Sauk të Tiranës prej 16 vjetësh mban një lopë në katin e parë të një pallati. Ky problem për banorët e pallatit ka vite që ekziston, por ankesat dhe fjalët e tyre kanë rënë në vesh të shurdhër.
Gazetarët e "Fiks Fare" folën me banorët e pallatit. Ata u shprehën se, kemi një komshi aty në shkallë që ka lopë prej disa vitesh, ndërkohë që ai, përveç lopës, ka mbajtur dhe lepuj, dhi, viça. Çfarë nuk ka mbajtur. Banorët thonë se kanë folur me Avdiun (komshiun e tyre), madje kanë shkuar deri te kryeplaku i lagjes.

Pasi jemi ankuar, kryeplaku na ka kthyer këtë përgjigje: Për Avdi Gjonin është ankuar edhe vëllai i vet dhe kur ka ardhur fundi e ka tërhequr denoncimin, se e ka marr vesh që personi në fjalë që mbante bagëti në katin e parë të pallatit, ka qenë i vëllai. Një banore shprehet se "unë jam aty në katin e parë dhe nuk e duroj dot erën e lopës". Banorja e shqetësuar thotë se "përveçse vjen një erë e tmerrshme nga lopa, bajgat bllokojnë edhe pusetën. Kanë ardhur ata të ujërave të zeza, e zhbllokojnë një ditë, dy ditë dhe të tretën ajo bllokohet sërish.
Fakti që jetojmë në një pallat, dihet që ka disa gjëra të përbashkëta dhe është detyrim i çdo banori t‘u përgjigjet këtyre gjërave. Banorëve iu ka sosur durimi dhe nuk po e durojmë dot më këtë gjë". Gazetarët e "Fiks Fare", përveçse fiksuan "stallën" dhe bagëtitë me kamera, arritën të flasin edhe me të zotin e lopës, Avdi Gjoni. Kur Gjoni u pyet nga "Fiks"-i se banorët ankohen jo vetëm për ujërat e zeza, por edhe për lopën e tij, ai u përgjigj se banorët le të ankohen, njeri pa ankesa nuk ka, edhe në shtëpinë e tyre njerëzit ankohen.

Avdiu iu tregon gazetarëve të "Fiks"-it se ka 16 vjet që mban lopë tek ajo hyrje, aty janë krejt pa asnjë lloj pengese. Përveç lopës, Avdiu ka në stallën e katit të parë edhe një viç. Kanë qenë nevojat dhe problemet ekonomike që e kanë detyruar të mbajë bagëti. Avdiu thotë se ka dashur ta heqë lopën nga dita në ditë, pastaj lopa ishte barsë dhe ai s‘donte ta dëmtonte. "Nga fundi i vitit do ta heq, thotë Avdiu, madje edhe më shpejt ndoshta, po kësaj si ndihet zëri, një herë ‘mu‘ s‘ka bërë, imagjino asnjë se ka ditur që kam pasur lopë këtu".



Fëmija gjen thesarin e 400 viteve të shkuara


Një djalë gjerman 9-vjeçar ka gjetur një thesar me monedha të disa shekujve më parë, me një vlerë deri në 90 mijë euro. Ngjarja ka ndodhur në Smallenberg, të Sauerlandit.
Djali ecte nëpër fshat kur ka vënë re shkëlqimin e një monedhe argjendi. Ajo ishte e para nga 120 monedhat e tjera tw gjetura brenda thesarit, shumica në ar, që ndodheshin të fshehura në të njëjtin vend.Ato ishin të futura në një vazo terrakote. Monedha më e vjetër daton në vitin 1577 dhe më e reja mes tyre i përket vitit 1696. Sipas atyre që këqyrën më pas monedhat dhe bënë përkatësinë historike, në atë kohë me këtë thesar mund të blije vegla pune dhe kafshë.



Truri nuk ka më sekrete, ja kodi që lexon mendimet


Përtej fantastiko-shkencores, në të ardhmen pajisjet mund të lexojnë mendjen. Zbulimet do të ndihmojnë në të kuptuarin mirë të semundjeve që lidhen me çrregullimet mendore si skizofrenia.
Mendja nuk është ende një libër i hapur, por mekanizmat në qendër të mendimeve po bëhen gjithmonë e më të qarta. Një grup shkencëtarësh amerikanë ka arritur të deshifrojë një pjesë të kodit gjuhësor të trurit, duke dalluar disa rrethe neuronesh që aktivizohen në momentin kur mendohet për të nxjerrë fjalë, që lidhen me objekte konkrete, si një lule për shembull.

Sipas revistës ‘Science’ që jep lajmin e këtij studimi, ky zbulim mund të çojë, në të ardhmen, në krijimin e një fjalori cerebral dhe në mundësinë e zhvillimit të dispozitivëve të zotë të lexojnë në mendje se përse është e rëndësishme ky fjalor.

Një ekip me ekspertë informaticienë dhe neuroshkencëtarë-të koordinuar nga Tom Mitchell nga Universiteti i Pitsburgut- ka përdorur një rezonancë magnetike funksionale, që fotografon trurin me pamje direkte. Shkencëtarët përdorën një grup vullnetarësh. Kjo ka lejuar vëzhgimin e shumë kombinimeve të aktivitetit nervor, secila e lidhur me një fjalë. Duke u nisur nga këto lidhje dhe nga përdorimi i llogaritjeve statistikore, shkencëtarët arritën të mblidhnin një kod të vërtetë me mijëra fjalë. Kodi është i përbërë nga dekodifikimet e atyre që mund të quhen “kritograma neurale”.

“Besojmë se kemi identifikuar një farë numri të kodit bazë që truri përdor për të treguar domethënien e disa fjalëve”- ka shpjeguar Mitchell, që është një pioner në aplikimin e kompjuterit në studimet e trurit. Nuk ekziston deri tani një fjalor(mjaft të mendosh se për emra abstraktë nuk u identifikua asnjë rreth cerebral), por siç pohon një tjetër autor, Marcel Just, ‘është një hap i rëndësishëm në deshifrimin e kodit të trurit’.

Aplikimet e këtyre zbulimeve shkojnë përtej mundësisë së leximit të mendimeve. Në të ardhmen mund të ndihmojnë në një kuptim më të mirë të sëmundjeve si autizmi dhe të shqetësimeve mendore si paranoja, skizofrenia etj.

Nuk është hera e parë që shkencëtarët provojnë të shohin në mendjen e njeriut. Studime të mëparshme tregojnë se rezonanca magnetike mund të shërbejë për të vënë me shpatulla pas murit gënjeshtarët(sepse kur njeriu gënjen trurit i duhet më shumë punë dhe sforco, pasi aktivizohen më shumë neurone kundrjet atyre që aktivizohen kur thuhet e vërteta.


Kërkon divorcin në moshën 91-vjeçare


Vendos t’i japë fund martesës së tij në moshën 91-vjeçare. Të befasuar nga vendimi i të moshuarit kanë mbetur edhe shumë të tjerë që e njihnin, përpos gruas së tij, që jo vetëm ka shtangur nga kërkesa e papritur, por edhe e ka akuzuar.
“Ti ke të dashur”. Këto kanë qenë fjalët e para që ka mundur të nxjerrë nga goja bashkëshortja 60-vjeçare, fill pasi i shoqi i dha lajmin se martesa e tyre nuk do të zgjaste më asnjë ditë. Ngjarja ka ndodhur në Barano të Ischias në Napoli. I moshuari, ka kërkuar në Gjykatë zgjidhjen përfundimtare të martesës, pa dhënë shpjegime rreth arsyes për këtë vendim.

Gruaja e zhgënjyer pas kësaj dhe kur ka humbur shpresën se situata mund të merret rrugë të mirë pa qenë nevoja e divorcit, ka vendosur që së paku të përfitojë ekonomikisht. Sipas zërave nga gjykata ajo ka kërkuar shtëpinë nga e cila do të dëbohej pas zgjidhjes së martesës. Burri i saj, më parë i ve, ishte edhe punëdhënësi i gruas 60-vjeçare. Më vonë, ai arriti të ndërtonte një hotel dhe një ‘perandori’ të vogël ekonomike. Sot është përcaktuar senaca e parë në gjykatë.



Një grua me flokë 2.5 metra të gjatë

Florida"-Ka një gjatësi flokësh rekord. Edhe pse i ka shumë të gjatë, vazhdon të përkujdeset për rritjen e tyre me një përkushtim të veçantë. Asha Mandel nga Florida Jugore ka filluar t’i rritë flokët që para njëzet vitesh. Sipas World News, gjatësia e flokëve të saj, ka mbërritur në 2.5 metra.

“Gruaja 46-vjeçare për një të larë të flokëve harxhon një bocë të plotë me shampo, dhe një shishe të plotë me regjenerues flokësh”- shkruan gazeta, duke iu referuar rrëfimit të vetë gruas. Ndërkohë, që për t’i tharë ato, nganjëherë i nevojiten ditë të tëra.

“Më parë, i laja flokët tri herë në javë, ndërsa tani ato janë zgjatur shumë, kështu që i laj një herë në javë”- ka treguar Mandela.
Duke folur, jo pa krenari për flokët, ajo ka shtuar se është shumë punë e lodhshme për tu marrë me kujdesin ndaj tyre. “Nganjëherë thjeshtë nuk kam fuqi t’i laj”, përfundon ajo.



Maçoku kthehet në shtëpi pas 13 vjetësh


Kaliforni- I dobësuar, i plakur, por gjallë. Familjarët e kanë njohur pa asnjë lloj dyshimi falë një microchipi që e kishte të vendosur në vesh. George, macoku i zotërinjve Walburg, ka kaluar gati të gjithë jetën nëpër rrugë, duke u endur andej-këndej, por së fundi është kthyer në krahët e Melindës dhe Frankut.
Hera e fundit kur e kishin parë ishte viti 1995; pas kësaj kohe e kërkuar në të gjithë zonën e Santa Rosa, në Kaliforni, por nuk pati asnjë rezultat.

Një zotëri që administron një kamping mundi të bllokonte macokun endacak dhe e dërgoi në një strehë për kafshët e gjetura. Aty i panë mikrocipin dhe më pas njoftuan të zotët. George është me qime gri të errët dhe sy të verdhë dhe sipas të zotëve është në gjendje të keqe. Ai peshon gjysmën e peshës që kishte në vitin 1995. Por është gjallë, ka oreks shumë të mirë dhe duket se nuk ka harruar as zakonet e ‘vogëlisë’.



Avion nuklear për pasagjerë, për 10 minuta përshkon Europën


Një avion nuklear është duke u konceptuar nga Thunderbirds dhe do të jetë për të transpertuar miliona pasagjerë rreth botës pas disa vitesh. Ai do të fluturojë pa pushim nga Londra në Australi dhe Zelandën e Re sepse avioni nuk do të ketë nevojë të ndalojë për t’u furnizuar me karburant.
Një avion nuklear është duke u konceptuar nga Thunderbirds dhe do të jetë për të transpertuar miliona pasagjerë rreth botës pas disa vitesh. Ai do të fluturojë pa pushim nga Londra në Australi dhe Zelandën e Re sepse avioni nuk do të ketë nevojë të ndalojë për t’u furnizuar me karburant.Gjithashtu ai nuk do të lëshojë karbon në hapësirë dhe do të ndikojnë në ngrohjen globale. Profesor Poll tregon se eksperimenti ka nisur që nga lufta e ftohtë dhe tani është gati të demostrojë fuqinë avioni i parë nuklear për njerëz.

Shtetet e Bashkuara të Amerikës dhe Bashkimi Sovietik nisën të prodhojnë anijet epara hapsinore nukleare në vitin 1950. Arsyeja ishte bomardimi nga një distancë e largët. Në intervistën për Times, profesor Poll tha se ne do të sigurojnë një fluturim pa asnjë ndikim në mjedis. Ne e dizenjuam duke menduar se aeroplani me energji nukleare eshte nje arritje e shekullit te ri dhe do te hyj ne perdosirm ne vitin 2050 edhe pse ideja lindi 50 vjet më parë. Por do te duhet 30 vjet te bindur njerëzit të fluturojnë me të. Ky avion do të jetë një mrekulli e vertetë për 10 minuta mund të përshkoëj gjithë Europën. Por kush do të guxojë të provojë udhëtimin e parë me të...kjo i mbetet të ardhmes.