6 shkurt – Obama thekson «Një Ligj» që i lidh të gjitha fetë

[EMAUS]

Siç duket është duke u përgatitur themeli nga udhëheqës përreth botës (duke përfshirë presidentin e Shteteve të Bashkuara) për një fe botërore të përbashkët që do të përfshijë të gjitha fetë si përgjigje për paqen në botë. Kjo, sigurisht, është pikërisht ajo që të krishterë biblikë kanë pritur se do të ndodhë, e bazuar kjo në studimin e profecisë biblike.


6 shkurt – Obama thekson «Një Ligj» që i lidh të gjitha fetë


Artikulli: Një fe botërore


Ka një ligj që e ndajnë të gjitha fetë kryesore, shprehu presidenti Barak Obama të enjten. Dhe kjo është, të duash të afërmin tënd.


Shumë shpesh feja është burim i ndarjes dhe armiqësisë, u tha ai mijëra pjesëmarrësve, duke përfshirë disa udhëheqës botërorë dhe qindra anëtarëve të Kongresit, gjatë organizimit vjetor «Mëngjesi Kombëtar i Lutjes» që u zhvillua në Uashington, D.C. Por të gjitha shkrimet e shenjta të feve kryesore të botës e mësojnë rregullin e artë, tha ai.


«Ka një ligj që i lidh të gjitha fetë e mëdha bashkë», tha Obama, sipas Lajmeve ABC. «Dhe, sigurisht, është rregulli i artë – thirrja për ta dashur njëri-tjetrin, për të kuptuar njëri-tjetrin, për t'i trajtuar me dinjitet dhe respekt ata me të cilët ndajmë një moment të shkurtër mbi këtë tokë».


«Besimet e larmishme që kemi, në vend që të na ndajnë, mund të na sjellin bashkë për të ushqyer të uriturit dhe të për ngushëlluar të pikëlluarit, për të bërë paqe kur ka konflikte dhe për të rindërtuar atë që është thyer, për të ngritur ata që kanë rënë në kohë të vështira». Ai pranoi se njerëz të besimeve të ndryshme nuk mund të shmangin dallimet për disa besime, për tekstet që përdorin, për mësime rreth jetës pas vdekjes, por theksoi se «pavarësisht se çfarë zgjedhim që të besojmë, nuk ka asnjë fe që doktrina qendrore e saj të jetë urrejtja».


Ish kryeministri britanik Toni Bler, folësi kryesor gjatë mëngjesit të lutjes, theksoi gjithashtu se feja duhet t'i motivojë njerëzit që të bashkohen për të bërë mirë, në vend që të ndahen. «Për miliarda njerëz, besimi motivon, galvanizon, shtrëngon dhe frymëzon», tha Bleri. «Jo për të përjashtuar, por për të përqafuar. Jo për të provokuar konflikt, por të përpiqet për të bërë mirë».


«Ky është besim në veprim dhe këtë mund ta shihni në komunitete lokale të panumërta», vazhdoi ai. «Atje ku ata nga kishat, xhamitë, sinagogat dhe tempujt kujdesen për të sëmurët, kujdesen për të pikëlluarit, punojmë me orë të zgjatura në kushte të këqija për t'i sjellë shpresë njerëzve të dëshpëruar dhe shpëtim të humburve».


Obama tha se ai planifikon që të ndikojë drejtuesit dhe studiuesit fetarë përreth botës për të lehtësuar dialogun produktiv mbi besimin.


«Unë nuk pres që ndarjet të zhduken gjatë natës, as nuk besoj që pikëpamjet dhe konfliktet e ngulitura do të shuhen papritmas», tha Obama. «Por unë besoj se nëse i flasim njëri-tjetrit hapur dhe ndershmërisht, atëherë ka mundësi që të çarat e vjetra do të fillojnë të riparohen dhe do të fillojnë të dalin miqësi të reja».