60 për qind e popullatës së botës posedojnë celularë

[EMAUS]

Përdorimi i telefonave celularë është rritur dukshëm gjatë shtatë viteve të fundit, derisa numri i parapaguesve në botë ka kërcyer nga një miliard në vitin 2002 në 4.1 miliardë në fund të vitit të kaluar, thuhet në një raport të lëshuar nga Kombet e Bashkuara.

Vala befasuese e përdorimit të telefonave celularë është shënuar në shtetet në zhvillim, ku tani celularët janë pajisje më të adhuruara në mesin e botës së varfër. Në Afrikë, për shembull, 28 për qind e popullatës aktualisht posedojnë celularë, derisa para nëntë vitesh kjo shifër ka qenë vetëm dy për qind. Në anën tjetër, shtetet në zhvillim përbëjnë madje dy të tretat e përdoruesve të telefonave celularë.

Besohet se arsyeja kryesore e blerjes së madhe të celularëve është paraqitja e shërbimit për transferim të parave i cili u mundëson njerëzve që pa shkuar në bankë t’i dërgojnë dikujt para me anë të porosive SMS.

Në raportin e organizatës së Kombeve të Bashkuara po ashtu theksohet se përdorimi i internetit është dyfishuar, derisa të dhënat e fundit flasin se një nga pesë përdorues apo 23 për qind e popullatës së botës kanë qasje në internet. Megjithatë, vendet e varfra edhe më tutje mbesin prapa kur interneti është në pyetje.

Suedia është shteti më i avancuar kur bëhet fjalë për përdorimin e teknologjive komunikuese dhe të informacionit. Pasojnë Koreja e Jugut, Danimarka, Britania e Madhe, Shtetet e Bashkuara të Amerikës, Franca, Gjermania dhe Japonia.

Në Birmani është shënuar trendi më i madh i rritjes së përdorimit të internetit. Megjithatë, qeveria ushtarake e Birmanisë ka ndaluar përdorimin e internetit të cilin shpesh e përdorin grupet disidente, derisa blogerët i ka dërguar në burg.

Në anën tjetër, e ashtuquajtura “ndarja digjitale” në mes të varfërve dhe të pasurve ka mbetur e pandryshuar në periudhën prej vitit 2002 deri në 2007.

Ekspertët e KB-së parashohin se recesioni global do të ndikojë edhe në zhvillimin e teknologjive telekomunikuese në mbarë botën.

[Kliton]

Vendin me te madh ne baze te popullsise besoj se e zen Shqiperia.

[baby]

hehehe....po po

[ReniX]

U pa puna, duhet ndertuar ndonje firm celulari apo operatori

[pirro]

Ne shqiperi mund te ket celular me se shumti mirepo ne Kosove bisedohet shume ne tel. per shkak se cmimet jane me te lira se ne shqiperi. Kane krijuar monopol disa operator ne shqiperi, kishte me qene mire sikur te vitoj Vala 900 ne shqiperi.

[Dooni]

Ne Kosove mendoj qe ska njeri qe nuk ka nje telefon hehehe...