Bukuria në shkëlqim të flokëve

**Kliton** · 07-03-2009, 10:50 AM

Flokët janë një pjesë shumë e rëndësishme e pamjes së jashtme. Prandaj dhe kujdesi për to duhet të jetë shumë i madh.

Si çdo gjë tjetër, edhe floku ka nevojë për ujë. Sa më e thatë të jetë një fije floku, aq më kollaj këputet ajo. Floku ka vetinë ta thithë vetë lagështirën që i nevojitet nga atmosfera. Numri i flokëve në kokë lëkundet nga 120.000-500.000. Ato ndodhen me shumicë në pjesën e prapme të kokës dhe me pakicë në pjesët e tjera. Gjatësia e flokut rritet normalisht 12-15 cm në vit, pra 1-1.5 cm në muaj. Rënia normale e flokut duhet të jetë 100-200 fije në ditë.

LLOJET E FLOKUT

Flokët gri janë zakonisht të fortë dhe të shndritshëm. Bërja e permanentit në to është e vështirë. Për këtë arsye përdorim formulën për flokë të shëndetshëm.

Floku i dendur. Kujdes! Nuk duhet të ngatërrojmë flokun e dendur me flokun e trashë. Mund të kemi flokë të dendur dhe të hollë, të trashë dhe të rrallë. Flokët e dendur janë zakonisht flokë të shëndetshëm.

Flokët e shkurtër dhe të gjatë. Gjatësia e flokut në permanent ka rëndësi për përmasat dhe mënyrën si do të kapen. Gjatësia e përshtatshme e flokut për permanent është nga 6-15 cm.

Flokët porozë dhe flokët jo porozë. Flokët porozë janë zakonisht të thatë, të shkatërruar nga dekolorimet, nga lyerjet ose nga dielli. Thithin shpejt lagështirën e permanentit dhe bëhen shpejt me bukle. Kanë nevojë për permanent.

Krejt ndryshe, flokët jo porozë janë zakonisht me yndyrë. Shumë thjesht mund të përcaktoni nëse floku është poroz ose jo. Kaloni gishtin tuaj në gjatësinë e një fije floku të tendosur dhe nëse gishti pengohet dhe floku mblidhet atëherë floku është poroz dhe delikat.

Flokët e hollë. Zakonisht, flokët e hollë janë të lehta në kapje për permanent dhe kanë nevojë për solucion për flokë natyralë delikatë. Por kujdes, disa flokë të hollë janë të vështirë për t’u bërë permanent. Janë ata që nuk kanë nerv fare dhe që nuk e mbajnë krehjen. Në këta flokë përdoret formula për flokë të shëndetshëm.

Kujdes!

Rritja e shëndetshme e flokëve tanë lidhet mjaft me dietën. Një faktor që ndikon në rënien e flokëve është edhe mungesa e hekurit e sidomos vitamina. Ajo bën që sasia e hekurit në gjak të jetë e ulët, kjo shkaktohet nga dieta e varfër me mish, vezë dhe drithëra. Frutat e freskëta dhe perimet gjithashtu janë të nevojshme, sidomos ato që mbajnë vitamina C, e cila ndihmon trupin që të tretë ushqimin e marrë nga vitaminat.

Pritini flokët!

Mos kini frikë nga gërshëra, pasi prerja e flokëve e sidomos majave të dëmtuara, ndihmon që flokët tuaj të duken më të bukur dhe të shëndetshëm.

Çfarë i dëmton flokët tuaj?

Edhe pse lëkura e kokës sonë është e mbrojtur nga flokët, ajo mund të dëmtohet nga maskat apo bojërat e aplikuara në mungesë njohjeje apo në sasi të tepruar. Shpesh ndodh që lëkura të jetë alergjike ndaj bojës, shampos apo kremrave, prandaj ajo nuk duhet aplikuar direkt e në kokë, por më parë, në një sipërfaqe të vogël lëkure me dorë. Sigurisht edhe me sasinë duhet të kemi kujdes. Edhe shampoja e tepërt dëmton flokun. Nuk duhet aplikuar më shumë se një lugë gjelle shampon. Larja e parë bën që yndyrat, papastërtitë dhe kimikatet të pastrohen nga flokët, ndërsa larja e dytë bën që efekti kuron shampon të veprojë.

MASKA NATYRALE PËR FLOKË

“Vezë dhe qumësht”
Përzieni dy vezë me gjysmë gote qumësht. Aplikojeni në flokë dhe lëreni të veprojë për 10 minuta. Shpëlajeni kokën dhe do të vëreni që shkëlqimi i flokëve tuaj do të shtohet.

“Koktej për flokët”
Në një shishe bozë hidhni pak nga shampoja që përdorni rregullisht, bashkojini kësaj një lugë vodka. Lajini një herë në javë flokët me këtë dhe do të shihni si flokët tuaj do të jenë më pak të dëmtuar, do të bëhen më të shëndetshëm dhe më të shkëlqyeshëm.

“Për flokë të yndyrshëm”
Pudra. Një pjesë e mirë e tyre janë të parfumosur dhe me aromë të mirë. Vendoseni pak tek rrënjët e flokëve para se të flini. Nëse floku juaj është shumë i yndyrshëm, aplikoni shumë pudër për rreth 15 minuta. Më pas lajini flokët, por kujdes me balsamin dhe kremrat, pasi i bën flokët të yndyrshëm.

“Flokë të shndritshëm në maksimum”
Për biondet: Shtoni një filxhan kafeje lëng limoni në ujin që bëni shpëlarjen. Për brunet: Shtoni një filxhan kafeje uthull në ujin që bëni shpëlarjen.

Burimi:Telegraf

**baby** · 07-03-2009, 12:41 PM

flm per kete post...

**Klevi88** · 07-03-2009, 02:17 PM

interesante klitono rrofsh

**EMAUS** · 07-03-2009, 09:03 PM

Flm Kliton

**Enkelejda_24** · 08-03-2009, 01:30 AM

shum interesant flm per te dhenat qe naj ofron

**Kliton** · 08-03-2009, 03:48 PM

Eshte me e lehte se sa mendoni. Udhezuesi jone tregon hap pas hapi sesi te zgjidhni ngjyren e duhur dhe ta aplikoni ne floket tuaj si nje profesionist i vertete

Mendohuni me pare
Perpara se te ndermerrni veprime per ndryshimin e ngjyres se flokut tuaj, pyesni veten sesa te gatshem jeni per ta bere kete. Me pas zgjidhni nje formule qe ju vjen me shume per shtat. Lyerja semi-permanente eshte si nje pranvere e shkurter. Ajo zhduket mbas 10 larjesh me shampo duke ju kthyer ne gjendjen e meparshme. Meqenese gjate lyerjes semi-permanente (gjysem-te perhershme) nuk perdoret peroksid apo amoniak, ajo mund ta beje flokun tuaj te shkelqeje apo t'ju transformoje ne menyre drastike. Gjate lyerjes thjesht depozitohet pigment, duke e nxjerre me shume ne pah ngjyren tuaj aktuale.

Doni dicka me serioze? Perdorni lyerjen demi-permanente. Permban nivele te ulta te amoniakut, dhe do te qendroje me gjate ne flokun tuaj duke u zbehur vetem pas 25 larjesh me shampo. Nje lyerje e tille mund te ndryshoje flokun tuaj ne nje nuance me te celet ose ne dy nuanca me te erreta. Ajo gjithashtu mund te ndryshoje ngjyren e flokut, le te themi nga nje ngjyre kafe mesatare ne nje ngjyre geshtenje mesatare.

Nese jeni gati per nje ndryshim me serioz te ngjyres, atehere ju duhet lyerja e perhershme. Kjo lloj lyerje e ndryshon nuancen me peroksid apo amoniak, keshtu qe ngjyra do te zgjase derisa floku te pritet apo te rritet. Kjo formule ju ofron nje shumellojshmeri ne ndryshimin e ngjyres se flokut, duke pasur ne kete menyre mundesi te arrini rezultate edhe me dramatike.

Gjeni nuancen e duhur
Per te patur nje efekt sa me natyral, qendroni brenda tre toneve te ngjyres tuaj. "Nese jeni te pasigurte, filloni nga nuanca me e celet", thote Rita Hazan, pronare e nje salloni bukurie ne Nju Jork. "Nese toni nuk eshte ai i duhuri,atehere eshte me e lehte per ta erresuar sesa per ta celur". Per nje ndryshim me te madh,duke kaluar nga kafja e celet ne bjonde ngjyre gruri - takoni nje profesionist.

Nje gje tjeter qe duhet marre parasysh jane nentonet. Ashtu si lekura, edhe floku i ka ato (ato jane te ngrohta (te celeta) ose te ftohta (te erreta), dhe peroksidi ne floke do ti beje ato me te dukshme. "Brunet ne pergjithesi kane nentone te ngrohta, per kete arsye ato shpesh habiten nga ngjyra e kuqe qe merr floku i tyre vecanerisht pas nje lyerje me te celet", thote Lisa Evans, parukiere ne Boston. Nese jeni te shqetesuar per pamjen e flokut tuaj atehere zgjidhni tone me te erreta.

Nje menyre tjeter per te parashikuar sesi do te reagoje floku juaj ndaj ngjyres, sipas Eva Scrivo-s, pronare e nje tjeter salloni bukurie ne Nju Jork, eshte: Hidhini nje sy fotografive te shkolles. Nese floku juaj ka patur nentone te ngrohta, si bjonde ne ngjyre mjalti,atehere ka mundesi qe ato te behen edhe me te ngrohta nese e lyeni flokun tani. Nese keni qene bjonde ne gri apo brune, lyerja mund ti theksoje ato nentone. Eshte e rendesishme ti keni keto gjera parasysh perpara se te provoni vete nje ngjyre tjeter.

Trajtimi me balsam
Ju nuk do te lyenit me boje nje mur te krisur, apo jo? Keshtu qe mos mendoni te lyeni flokun pa bere nje here trajtimin me balsam. Nese floku eshte i demtuar,pigmenti nuk do te ngjitet ne fijet e flokut, dhe lyerja nuk do te jete e njetrajtshme. Te pakten nje jave perpara se te lyeni floket, trajtojeni flokun ne menyre intensive me balsam. Mendoni per murin e care perpara lyerjes, ju thjesht po krijoni nje siperfaqe te sheshte per bojen ne menyre qe ajo te ngjitet. Duke i trajtuar fijet e flokut me nje doze te madhe hidratimi, gjithashtu i mbroni ato nga kimikatet e demshme gjate lyerjes si dhe shmangni tharjen dhe kreshpezimin e majave te flokut. Dhe mos i lani floket me shampo 1 apo 2 dite para lyerjes. Vajerat natyrale te flokut do ta mbrojne lekuren e kokes nga irritimi. Perzierja e kimikateve si te shampos dhe te bojes do t'ju shkaktoje kruarje dhe djegie.

Fillimi i punes
Lyerja e flokut eshte njesoj sikur pergatisni nje embelsire: nese nuk ju kushtoni rendesi hapave qe duhet te ndiqni,ka mundesi te krijoni nje rremuje te madhe. Mos i beni gjerat me nxitim. Perpara se te filloni lyerjen, vendosni vazeline gjate gjithe vijes se flokut per te penguar rrjedhjen e bojes ne lekure. Lagini floket me uje.

Gati, vendosni ngjyren
Me nje kreher ndajini floket ne seksione, duke i kapur me kapese dhe me pas filloni lyerjen e seksioneve me rradhe. Aplikoni bojen nga rrenja deri tek maja e flokut, duke e punuar ate me duart tuaj. Mbasi te keni vendosur te gjithe bojen, shikoni oren. Shumica e bojerave nuk duan me shume se 20 minuta. Mbas lyerjes, mos i lani floket me shampo per tre dite. Kjo do te lejoje forcimin e ngjyres. Kontrolloni gjithashtu temperaturen e ujit,pasi uji i ngrohte mund te shkaktoje shperberjen e molekulave te bojes dhe per pasoje zhdukjen e saj.

Burimi:Ikubinfo

**Kliton** · 12-03-2009, 05:47 PM

Catherine Zeta Jones deklaroi javen e kaluar se nuk ju detyrohet produkteve te shtrenjte kozmetike per pamjen e saj fantastike - por metodave tradicionale ne shtepi.

Aktorja nga Wellsi, e cila aktualisht banon ne Chicago, ka shume mundesi qe te rremoje ne dollapet e kuzhines se saj nese i duhet nje trajtim bukurie sesa t'i drejtohet nje qendre luksoze estetike.Ajo mbeshtetet tek produktet shtepiake, si mjalti apo kripa, dhe per floke te shndritshem perdor birre.
Me poshte do te gjeni disa nga produktet e kuzhines shtepiake te cilat mun t'i perdorni dhe ju.

Birra: Larja e flokut me birre, do ta beje ate te bute dhe te shndritshem. Birra tradicionale (e vertete) do te funksionoje me mire.Thuhet se birra permban proteina te cilat ndihmojne ne forcimin dhe rritjen e flokut.Perzieni birren me mjalte dhe uje per ta bere me pak te forte dhe me mbas shplajeni flokun me uje te ngrohte.
Pasta e dhembeve: Eshte e vertete qe pasta te djeg por ajo e pastron fytyren nga pucrrat duke i thare ato per shkak te efektit te peroksidit te benzinolit qe gjendet ne paste.
Mjalti: Eshte perdorur qe ne kohet e vjetra, jo si ushqim, por si nje produkt bukurie. Ai ka veti ta ushqeje lekuren, largon papasterite, eshte antibakterial, duke lemuar dhe rregulluar nivelet e yndyres. Funksionon per te gjtha llojet e fytyres, por vecanerisht per lekuren e thate, te ndjeshme dhe me probleme.
Salca e domates: Nese doni te ktheheni perseri ne bjonde duke hequr nuancat e platinit, perdorimi i salces se domates do te beje pune. Sherben si nje anti-oksidant dhe mund te neutralizoje nuancat e jeshiles per shkak te pigmentit te kuq ne te.
Aspirina: Per te zhdukur zbokthin nga floket tuja, perzieni 2 ose 3 aspirina me shampon tuaj normale. Shampot kundra zbokthit permbajne acid salicilik i cili eshte prezent edhe te aspirina, duke kryer keshtu te njejtin funksion.
Kripa: Kripa e detit mund te perdoret ne fytyren e njome si nje metode natyrale per ta rinuar ate dhe per te hequr qelizat e vdekura te lekures. Nese perdoret rregullisht, lekura juaj do te duket e paster dhe e shendetshme. Perzieni kripen me mjalte apo me vajera esenciale per te patur nje arome me te embel.
Speci djeges: Konsumoni nje vakt pikant ose i ferkoni buzet me spec djeges. Kjo do te shkaktoje fryrjen e buzeve duke ju shmangur ne kete menyre shpenzimet per nje nderhyrje estetike.
Caji: Shume njerez besojne se caji mund te relaksoje syte e lodhur dhe te enjtur. S'ka nevoje per qumesht apo sheqer - vetem 10 minuta nga koha juaj. Tanina ne caj ul fryrjen dhe diskolorimin.
Kastraveci: Copat e kastravecit jane perdorur qysh ne kohet e hershme per te freskuar fytyren dhe ulur enjtjen e syve per shkak sepse ato permbajne uje. Ato permbajne gjithashtu acid askorbik, vitamine C te cilet ndihmojne ne zbutjen e acarimeve te lekures.
Luge e zakonshme: Vendosni nje luge te zakonshme ne frigorifer perpara se te flini dhe vendoseni mbi syte tuaj kur te ngriheni ne mengjes per 10 minuta. Ftohtesia e metalit do te heqe pamjen e syve te lodhur.
Vaji i ullirit: per floke te thate dhe te demtuar, perdorni vaj ulliri te perzjere me vajra esenciale. Ai forcon fijet e flokut duke i dhene atij me shume shkelqim. Per floke shume te demtuar, perdorni nje perzjerje te vajit te ullirit,pak leng nga arra e kokosit, mjalt, dhe shtoni 2 kokrra veze. Masen e pergatitur vendoseni ne floke dhe lereni per gjithe naten. Rezultatet do te jene te shkelqyera.
Limoni: Nje cope limon ju ndihmon per te zbardhur pjeset e erreta te trupit tuaj, por mos e perdorni nese keni fytyre te thate dhe te ndjeshme. Duke shtrydhur pak leng limoni mbi rrenjet e flokut tuaj te lyer, do ti beje ato me te celeta dhe te shndritshme. Limoni nuk ka nevoje te ekspozohet ne diell per te vepruar, pasi acidet qe ai permban punojne vete per pastrimin e flokut apo te lekures.
Patatja: Priteni pataten ne copa te holla dhe mbulojini syte me to per 10 minuta. Thuhet se vetia e patates eshte qe te zbardhe rrathet e zinj. Patatja permban nje enzime te quajtur katekolase e cila perdoret ne produktet kozmetike si zbardhues fytyre.
Caji i kamomilit: Midis shume perdorimesh,ai eshte i efektshem edhe me flokun e demtuar. vendosni pak caj kamomili (ne temperature dhome) ne floket tuaj dhe lereni per 2 ose 3 minuta. Perseriteni kete veprim disa here per te pare ndryshimin.Kamomili cel cdo ngjyre floku,vecanerisht kafen e hapur dhe ngjyren bjonde.
Majoneza: Perdoret gjeresisht per t'ju dhene flokeve shkelqim. Kjo veti e ka bazen tek perberesit e saj: veza, uthulla dhe vaji.
Secili nga produktet mund te perdoret vetem per t'ju dhene volum, shkelqim dhe hidratim flokut tuaj, ose mund ti perdorni te treja duke perdorur majonezen. Masazhojeni flokun dhe mbajeni masen per gjate gjithe nates. Shplajeni me kujdes flokun me uje te ftohte.