Ivanoviq: Kurrë nuk do të kërkojmë leje

[burimi_zh]

Kurrë nuk do të kërkojmë leje për të hyrë në Kosovë nga pushteti kosovar dhe nga askush tjetër.Vetëm se në mënyrë protokollare do të kërkojmë përcjellje, për shkak se Kosova është territor i pasigurt për të gjithë, e posaçërisht për përfaqësuesit serbë, ka deklaruar Oliver Ivanoviq, sekretar shtetëror në të ashtuquajturën Ministri për Kosovën në Serbi.

Për ne nuk ka asnjë dilemë, funksionarët tanë shtetëror shkojnë dhe do të shkojnë në Kosovë, ka shtuar Ivanoviq në një intervistë për "Veçernje Novosti".

I pyetur se kujt i drejtohen kërkesat për të siguruar përcjelljen Ivanoviq ka thënë: "Ministria e drejton kërkesën në zyrën e UNMIK-ut në Beograd, pasi që UNMIK-u deri më tash e ka pasur njësinë e veçantë për shoqërimin e fytyrave publike. Megjithatë, tash UNMIK-u përfaqësohet nga një numër shumë më i vogël (i personelit), dhe mendoj se do të kërkojë ndihmë nga EULEX. Mirëpo e rëndësishme për ne është që bashkëbiseduesi unë të jetë UNMIK-u ose EULEX-i".

I pyetur nëse pushteti kosovar vërtetë mund t'ia ndalojë atij dhe ministrit Bogdanoviq hyrjen në Kosovë, Ivanoviq ka thënë se deri më tash nuk ka pasur probleme, mirëpo vizita pa paralajmërim - sipas tij - do të ishte e rrezikut personal, sepse mund të ndodhë që të ndalohen në komunikacion, që është shumë e rrezikshme".

[pirro]

Gjithmone dhe me veshtire do ta ken qe te hyn ne Kosove pa leje. Per momentin mund te hyn vjedhurazi, mirepo gjithnje e me teper do te ngushtohet pika kufitare per extreminsta