Përdhunoi gruan, 6 vjet burg aktorit

[kuklla]

Përdhunoi gruan, 6 vjet burg aktorit



Peruxhia -Me një të shkuar si aktor në Shqipëri. Një të tashme dhe të ardhme si i kërkuar, mbase në Zvicër. Arben Latifaj 41 vjeç, për ligjin italian është thjesht një i pakapur dhe është dënuar të hënën me 6 vjet burg për krimet e rrëmbimit dhe përdhunimit". Kështu e ka quajtur gazeta italiane "La nazzione" rastin e aktorit shqiptar Arben Latifaj. Sipas agjencisë "Hermesnews" Latifaj rezulton të ketë luajtur si aktor kryesor në filmin "Shoku ynë Tili". Sipas të njëjtës gazetë italiane, "dëshmia e ish-gruas së tij në sallën e gjyqit, ku u kishte treguar gjyq-tarëve në seancat e kaluara se ishte mbyllur me çelës në banjo ku edhe ishte përdhunuar, i kishte bindur togat e zeza.
Mbase kokaina që ndante dhe konsumonte - siç doli edhe nga hetimet e shumta nga antidroga, e cila kishte investiguar në kohëzgjatjen e disa viteve - mund të kenë ndikuar në ato momente marrëzie. Por prokurori Xhuliano Minjini në pretencën ka fokusuar vëmendjen edhe në shfrytëzimin e gruas.
"Nëse nuk bën atë që të them, atëherë janë punë për ty", - kishte qenë toni kërcënues që kishte përdorur burri para se ta braktiste para një lokali në rrugën 'Settevali', duke e detyruar me kërcënime që të prostituonte.
"Më ka futur në çantë disa prezervativë, afër vendit tim nuk kishte asnjë njeri, dhe disa qindra metra disa transeksualë. Më këshilloi të mos humbja më shumë se pesë apo 10 minuta me një klient dhe të mos i puthja në buzë".
Sipas dëshmive të gruas para gjyqtarëve Xhankarlo Masei, Çeçila Belluçi dhe Maria Rozaria Monako, atë natë, çfarë ajo kishte fituar ia kishte marrë ai. Dhe ajo, për shkak të frikës dhe konseguencave as që e provoi të rebelohej. Kur e dëmtuara ishte larguar nga shtëpia, ishte kërcënuar: "Ti je tashmë imja, nëse nuk kthehesh, do të vij me tre apo katër miq dhe do ta shohësh se çfarë ka për të ndodhur..."
Deri në momentin më dramatik, në vitin 2004 kur e ndoqi deri brenda shtëpisë, duke i grisur rrobat e trupit e duke i hequr nga dora celularin me të cilin mund të kishte telefonuar karabinierët, për të abuzuar me të në apartamentin bosh.
Pas përçmimit dhe për t'ia hedhur pa u lagur, i ka thënë: "Për tani të mjafton kështu". Në këtë procedurë penale shqiptari është nën kujdesin e avokatit Xhanluka Anjeli.