Rrufeja shkakton te plagosur dhe shkaterrime ne Permet

[Kliton]

Një rrufe nga ato që në gjuhën popullore quhet “rrufe në qiell të pastër” ka goditur disa banesa në fshatin Brezhan afër Këlcyrës, në rrethin e Përmetit, duke shkaktuar të plagosur, dëme materiale dhe panik. Ngjarja e pazakontë ka ndodhur të shtunën rreth orës 16.30 gjatë një rrebeshi që, sipas dëshmitarëve, erdhi krejt papritur, me vetëtima e bubullima të frikshme. Një prej këtyre shkarkimeve ka përflakur krejt një lagje të këtij fshati. Rrufeja ka goditur më fort banesat e familjeve Gjikdhima dhe Kolnasi të fshatit Brezhan.

“Në momentet e para, pesë pjesëtarët e familjes Gjikdhima kanë humbur ndjenjat, ndërkohë që goditja e rrufesë kishte lënë pas shembje të mureve të shtëpisë dhe flakë në tavanin e në trarët e çatisë së shtëpisë”, thotë Gj.

Nasi, një nga dëshmitarët që hyri në banesën e goditur e të përfshirë në flakë. Sipas tij, fillimisht është përmendur e zonja e shtëpisë, Kono
Gjikdhima, dhe më pas edhe e bija dhe tre nipat e mbesat e saj. Mësohet gjithashtu se vetëm një nga pesë të goditurit nga rrufeja në familjen

Gjikdhima pati pasoja në trup dhe kjo ishte vajza e shtëpisë, 25-vjeçarja Krisulla, e cila ka pësuar një djegie në këmbë. Në familjet e tjera, goditja e rrufesë ka shkaktuar dëme në mure dhe në pemët frutore të djegura. Banorët thanë se në këtë zonë shkarkesat elektrike të rrufeve kanë qenë të shpeshta, sidomos në shpatet e malit të Trebeshinës dhe kanë shkaktuar dëme, sidomos në kopetë e bagëtive.


Burimi: Gazeta Shqip