Perplasja me arme e dy familjeve rome ne lagjen Shkozet ne qytetin e Durresit ka lene te plagosur rende tre pasagjere te linjes urbane te ketij qyteti, si edhe dy te plagosur lehte qe ishin kalimtare te rastit. (UPDATE)

Ngjarja ka ndodhur rreth ores 17 e 30 minuta ne vendin e quajtur “NISH Tulla” ne Shkozet, prane tregut te shumices se fruta-perimeve.

Dy familje fqinje rome, pas nje konflikti fizik midis anetareve kane filluar te qellojne njeri-tjetrin me arme. Gjate te shtenave te pakontrolluara nga te dyja familjet jane plagosur tre pasagjere te linjes urbane ne Durres qender – sektori Rinia, qe ishte duke qarkulluar ne ate moment.

Nje shtetas ka marre 6 plumba ne qafe dhe gjendet ne koma, ndersa dy pasagjere te tjere kane marre plage te ndryshme ne trup.

Nderkohe, te plagosur kane mbetur edhe dy anetare te fiseve rome te cilet kishin shkaktuar edhe konfliktin e armatosur.

Bashkim Zhupi, 52 vjec dhe banor i sektorit Rinia ne Durres dhe Silvana Hasani 19 vjec, po nga ky fshat, kane qene te plagosurit e pare qe jane nisur me urgjence drejt spitalit. Pas tyre ne spital jane derguar edhe Albana Noci 33 vjec, Dilaver Meta, po 33 dhe Suela Qemo 35 vjec.

Policia eshte vene ne ndjekje te shkaktareve te ketij konflikti, te cilet jane larguar me shpejtesi nga vendi i ngjarjes kur kane konstatuar numrin e madh te te plagosurve.