Kapet me 65 kg heroinë, sekretari i ambasadës shqiptare në Maqedoni

[Kliton]

Skandali i drogës përfshin diplomacinë shqiptare. Një zyrtar i lartë i ambasadës sqhiptare në Shkup, Agim Ajet Haxhiu me detyrë zv/sekretar i ambasadës, mësohet se është kapur me një sasi rekord prej 65 kg heroinë në Turqi.

Televizioni “News 24” ka siguruar të dhëna të sigurta zyrtare nga SHISH, Ministria e Jashtme dhe burime të Qeverisë maqedonase të cilat konfirmojnë faktin skandaloz.

Mësohet se Haxhiu është kapur me këtë sasi droge, që kap shifrën 650 mijë euro në një makinë me targa diplomatike në Stamboll, në datën 2 maj. Por gjithçka është mbajtur tepër sekret dhe pas investigimeve të vazhdueshme lajmi është konfirmuar dhe nuk ka më asnjë dyshim se Haxhiu tashmë është në pranga.

“News 24” është munduar të kontaktojë të enjten me ambasadën shqiptare në Shkup dhe Ankara por prej dy selive diplomatike ose ka patur heshtje ose janë munduar të përgënjeshtrojnë lajmin.

Burime nga ambasada shqiptare në Maqedoni konfirmojnë gjithashtu se prej disa ditësh Haxhiu nuk është paraqitur në detyrë, por vetë personeli i Ambasadës nuk kishte ndonjë njoftim zyrtar për arrestimin e tij me drogë në Turqi.

Ndërkohë mësohet se pritet edhe një deklaratë zyrtare e Ministrisë së Brendshme maqedonase ku do të jepen dhe detaje të operacionit.

Ndërkaq së fundi burime zyrtare nga Ministria e Jashtme shqiptare konfirmojnë gjithashtu arrestimin e diplomatit por thekson se nuk është vënë në dijeni në rrugë zyrtare për këtë rast skandaloz.

Mësohet se Haxhiu ka punuar pak vite më parë është si gazetar i Agjencisë Telegrafike Shqiptare.

Kjo nuk është hera e parë që punonjës të ambasadave shqiptare kapen me pluhurin e bardhë, duke u “fshehur” pas targave diplomatike.

(e.n/News24/BalkanWeb)





Shtirej si i varfer, pranga trafikantit te kokaines nga Shqiperia



Shtirej sikur ishte i varfër për të marrë asistencën sociale që shteti italian ia siguronte, por në të vërtetë emigranti 40-vjeçar, Alfred Tafa, ishte një trafikant i pasur i kokainës.

Kështu shkruajnë mediat italiane në lidhje me shqiptarin e arrestuar nga antidroga. Në zbulimin e mashtrimit mësohet se kanë qenë karabinierët e provincës së Torinos, të cilët kanë arrestuar 40-vjeçarin së bashku me dy bashkëpunëtorët e tij shqiptarë Arben Tako dhe Kujtim Ukthaci, përkatësisht 41 dhe 42 vjeç. Pas verifikimeve, policia ka zbuluar se Alfred Tafa kishte një llogari bankare, e cila arrinte në 100 mijë euro. Pas përgjimeve të telefonatave është zbuluar se 40-vjeçari ishte pronar i një vile në Shqipëri në vlerë rreth 200 mijë euro. Mediat italiane shkruajnë se Alfred Tafa ditën hiqej si i varfër, ndërsa natën kryente aktivitetin e shpërndarjes së lëndës narkotike. Hetimet e policisë italiane zgjatën 7 muaj dhe karabinierët sekuestruan 250 gramë kokainë të pastër 90%, si dhe u arrestuan dy italianë që furnizoheshin nga shqiptari.

[girl08]

Ne ditet e sotme, jane pikerisht keta funksionare te larte te shtetit qe merren me biznese te tilla, por jo te gjithe jane zbuluar. Jane dhe shume te tjere si Agim Haxhiu qe merren me te tilla biznese, por qe akoma nuk jane zbuluar, sepse fshihen pas posteve te tyre.

[ReniX]

çfare nuk po bejne keta persona per te vene pasuri pa u lodhur.

[bledi1]

po na mori rrota e historise neve shqiptarve te gjithe qe kapen kapen me droge