Vrasja e kreut te PDK, zi ne familjen Keka

[ReniX]

Humb jetën nga shpërthimi i automjetit kryetari i Partisë Demokristiane të rrethit Malësi e Madhe, Aleks Keka.

Ngjarja ka shkaktuar reagime politike në Shqipëri.

Demokristianet e kanë quajtur atë një vrasje politike.

Shperthimi i automjetit me të cilin po udhëtonte i vetëm kreu i demokristianëve të Malesisë së Madhe, ndodhi rreth orës 10.30 të ditës së enjte në aksin rrugor Shkodër–Koplik.

37 vjecari Keka ka humbur jetën menjëherë, thuhet kështu nga policia, e cila mbërriti në vendngjarje ndërsa automjeti ishte akoma në flakë.

Në vendin e shpërthimit ekspertët e policisë po vazhdojne akoma hetimet. Brenda pak orëve janë marrë në pyetje rreth 20 persona që ndodheshin me afër vendngjarjes.

Policia nuk ka dhënë akoma ndonjë version zyrtar rreth kësaj ngjarje dhe motiveve të saj.

Ngjarja ka ngjallur reagime të menjëherëshme politike, Kryetari i Partisë Demokristiane të Shqipërisë, Nard Ndoka, është shprehur se “Kjo është një vrasje politike, Aleks Keka nuk kishte asnjë konflikt dhe se ai ishte i angazhuar tërësisht në fushatën elektorale të PDK-së, për zgjedhjet e 28 qershorit".

Aleks Keka , përvec se si kreu i demokristianëve të Malësisë së Madhe njihej edhe si biznesmen në fushën e ndërtimit.

[Erlindi]

Spo meret vesh me keto politikanet. Shume vrasje jane bere kohet e fundit.
Duken shume si arsye politike.

[girl08]

Keta vetem te fajesojne njeri - tjetrin dine. Nuk kane fare respekt per dhimbjen e familjareve, po shfrytezojne cdo moment per ta bere fushate politike.

[Klevi88]

Sbesoj qe te kete arsye politike vrasja , por them ndonje larje hesapesh duke shfytzuar fushaten ne menyr qe te turbullohet ngjarja sic po ndodh

[Kliton]

Une nje qe skuptoj me kto mediat,akoma nuk ka dale ekspertiza eshte vrasje me exploziv te telekomanduar apo eshte nje shperthim makina nga nje difekt i mundshem,kurse mediat e bone direkt vrasje.Personi ne fjale kishte qene dhe me precedente penale me perpara si droge etj,dhe e dyta makina ska qen e tij por e nje personi tjeter dhe ai me precedente penale qe ishte vrare ne vitin 98,prandaj une mendoj se edhe ne qoftese eshte vrasje ajo nuk eshte vrasje per arsye politike por vrasje per larje hesapesh.