Italianët: Taçi për pak vite nga kamerier picerie në pasanik falë Berishës

[Kliton]

Portali kryesor në internet i zonës, përmes gazetarit Luca Pistolesi, thotë se është pak e habitshme që një njeri, që ka punuar në Itali si kamerier, për pak vite rikthehet si miliarder. Por Pistolesi thotë se kjo e ka një përgjigje. Ai është mik i kryeministrit, Sali Berisha, që i ka dhuruar atij një pasuri të madhe në vend, ndërmarrjen shtetërore të naftës, dhe i ka lënë rrugë të lirë në tregtimin e naftës.

Mediat e vendit fqinj kanë raportuar për arritjen e marrëveshjes. Nuk bëhet ende e ditur sa do jetë shifra që do të paguajë Taçi, por burimet flasin për diku rreth 24 milionë euro.
Sipas italianëve, ekipi në krizë i Bolonjës, do të ketë një pronar të ri. Mediat italiane prej kohësh kanë nisur të japin informacione në lidhje me pronarin e mundshëm të Bolonjës.
Shumë media, të cilat ende nuk e dinë sa reale është pasuria e tij, kanë intervistuar shqiptarin që ka luajtur në Serinë A, Igli Tare. Pyetja e tyre e vetme ka qenë: “A është serioz ky njeri, dhe a ka pará mbi të gjitha?” Tare ka deklaruar se e njeh si njeri serioz e që ka pará, por ka deklaruar se nuk ka shumë miqësi me të për të ditur detaje të mëtejshme.
Gazetat sportive italiane, por dhe mediet e tjera e shohin si një person ekzotik, një Abrahamoviç, që bëri mrekullira me Çelsin në Angli. Nafta e ka këtë fuqi, besojnë ata. Por sërish nuk janë të bindur te pasuria e tij. Taçi është njeriu që pëlqen jetën e natës, që del nëpër pub-e, sa herë vjen në Itali, raportojnë ato.
Portali kryesor në internet i zonës, përmes gazetarit Luca Pistolesi, thotë se është pak e habitshme që një njeri, që ka punuar në Itali si kamerier, për pak vite rikthehet si miliarder. Por Pistolesi thotë se kjo e ka një përgjigje. Ai është mik i kryeministrit, Sali Berisha, që i ka dhuruar atij një pasuri të madhe në vend, ndërmarrjen shtetërore të naftës, dhe i ka lënë rrugë të lirë në tregtimin e naftës. “Nga kamerier në piceri, te monopoli i naftës në Shqipëri”, - shkruan gazetari. Sigurisht që pas gjithçkaje është Berisha, “i cili, - raporton Pistolesi, - vetëm dy muaj përpara zgjedhjeve të përgjithshme të vitit 2005 e kishte akuzuar atë për kontrabandë nafte.”
“Berisha është qartësisht arsyeja për këtë ngjitje të rrufeshme të kamerierit”, - raporton ai.
“Ka paguar pa iu dridhur syri katër milionë euro për të marrë Milanin në Tiranë dy herë.” Kështu shkruan gazeta “Corriere della Sera” për Taçin.
Por Taçi, ky dashnor i sportit, siç shkruajnë italianët, arrin të ngjisë ekipin e vendlindjes së tij, Gramozin, në Serinë A. Madje, për shkak se ngjyrat e ekipit të Gramozit janë të njëjta me të Bolonjës, pasaniku shqiptar bën këtë zgjedhje. E ka dhe këtë luks Taçi.
Gjithë problemi tani ngelet te fakti, nëse Taçi do të arrijë të mbajë ekipin e të bëjë merkato, e cila është shumë më e shtrenjtë se blerja e ekipit. Madje premton se do bëjë një stadium. Në Italinë që e do aq shumë, e në Shqipërinë që i jep kaq shumë, bën kontrabandë.



Burimi: Gazeta Tema

[ReniX]

Kjo levizje eshte vetem per fam sipas mendimit tim!

[Klevi88]

kushedi kush esht TAÇI i vertet

[Nerti]

bohhhh...lumsi keta miliarderet qe tallen me leket...po populli i shkrete s'ka buke te haje...

[girl08]

Keshtu e kane keta, njehere te shajne pastaj vazhdojne marredheniet sikur nuk ka ndodhur asgje. Nuk e kuptoj se ku e kane dinjitetin. Sa per leket, te njejten gje do bejne gjithe jeten ata, do e lene popullin te vuaje nderkohe qe vete e shkelin me kembe.

[ledjo]

ka inat keta pipinot...se thone me vete: i erdhi radha te na komandojne albanezet

[eugjeni]

hallall nga kamarier ne miliarder i lumte ketij dhe sales qe e beri

[eugjeni]

53 mijë fuçi naftë të Rezart Taçi kontrabandë në Vlorë, vjedhja 7,6 milionë euro


Një anije me destinacion ARMO-n ka regjistruar një prej skandaleve më të mëdha të saj në lidhje me ligjet shqiptare duke tentuar të fusë në tregun vendas 53 mijë fuçi naftë të raportuar si naftë të papërpunuar krudo. Të dhënat tregojnë se anija “Athina”, e cila pret të shkarkohet në portin e Vlorës, në të vërtetë ka naftë të pastër dhe jo naftë krudo, siç deklarohet. Ky skandal që thyen njëherazi disa ligje të vendit, llogaritet të shkaktojë një dëm ekonomik prej më shumë se 7.6 milionë eurosh, vetëm për shkak të shmangies nga pagimi i taksave. Duke raportuar 53 mijë fuçi naftë të pastër për naftë krudo, kompania “Taçi Oil”, jo vetëm që fut në tregun vendas naftë, të cilën do ta shesë si naftë D2, por ajo i vjedh buxhetit të shtetit 7.6 milionë euro me anë të mospagimit të taksave. Legjislacioni ynë nuk lejon megjithatë që asnjë kompani në vend të importojë naftë dhe ta shesin atë në Shqipëri si naftë D2. Kompania “Taçi Oil” është e detyruar që të shesë e vetme në Shqipëri naftë D2, në bazë të ligjeve që u miratuan pas privatizimit të dyshimtë të kompanisë ARMO nga “Taçi Oil”. Naftën D2, që duhet të shesë në tregun vendas, kompania “Taçi Oil” duhet ta sigurojë nga nafta vendase krudo që merret nga “Albpetrol” dhe nga kompani të tjera vendase. Përpos të gjitha këtyre thyerjeve të ligjit me mijëra tonelata naftë që kërkon të kalojë kontrabandë nga porti i Vlorës me anë të anijes “Athina”, “Taçi Oil” kërkon të fusë në vend një ndotës po kaq të madh. Nafta, tregojnë të dhënat, ka një përqendrim të madh squfuri prej 1500 mg/kg, në një kohë që ligji ynë nuk lejon të futet në treg naftë me përqendrim squfuri më shumë se 350mg/kg. Është e qartë se kompania “Taçi Oil” me anë të kësaj ngarkese shumë të madhe prej 53 mijë fuçish kërkon të fitojë miliona euro duke thyer disa prej ligjeve të vendit në këtë fushë. Kompania “Taçi Oil” që prej janarit të këtij viti ka marrë naftë krudo nga kompania “Albpetrol”, së cilës i ka një borxh prej 30 milionë eurosh. Kompania “Albpetrol” është futur në kolaps, për shkak të detyrimeve të mëdha të pakthyera të “Taçi Oil”. Të dhëna zyrtare bëjnë me dije se kompania “Taçi Oil” ka gjithashtu një borxh të lartë të papaguar edhe në tatime për mospagim të akcizave. Gjithashtu, kompania “Taçi Oil” mësohet se i ka edhe kompanisë “Bankers Petroleum” 20 milionë euro borxh, për shkak të naftës krudo që ka marrë, por pa dhënë paratë. Duket se kompania “Taçi Oil” është duke kërkuar shpëtim te kontrabanda masive me naftën e pastër, të cilën e shet si D2 dhe të cilën në doganat shqiptare e raporton si naftë krudo.

Gjithçka është e qartë: anija “Athina” ngarkohet me mbi 53 mijë fuçi naftë të pastër ose me rreth 8 mijë e 500 tonë dhe në doganë raportohet për naftë krudo duke i vjedhur shtetit 7.6 milionë euro. Më pas nafta kundër ligjit vendas shitet për D2 dhe fitimi është i pazakontë duke qenë se “Taçi Oil” ka e vetme monopolin e naftës D2. Historitë e kompanisë “Taçi Oil” me skandale të tilla në Shqipëri nuk fillojnë me anijen “Athina” e duket se nuk do të mbarojnë me të, pavarësisht se ky mund të jetë ndër më të mëdhenjtë dhe më domethënësit.



Deri më tani autoritet doganore në Vlorë nuk e kanë lejuar anijen të shkarkohet, por ndërkohë nuk kanë bërë asnjë veprim për sekuestrimin e saj. Të gjithë presin një sinjal nga qeveria për të lejuar futjen e saj kontrabandë në tregun shqiptar

[eugjeni]

Rezart Taci: Ja si e solla Milanin ne Shqiperi
Pas “shpërthimit” të lajmit se Milani do të vijë më 14 tetor në Tiranë për të zhvilluar një ndeshje miqësore, Rezart Taçi, njeriu që bëri të mundur këtë marrëveshje, tregon detajet e bisedimeve. Të hënën ai përfundoi akordin me drejtuesit më të lartë të Milanit, mes të cilëve ishte edhe zv/presidenti Adriano Galini. Mund të konfirmoj se marrëveshja me Milanin është hedhur e zezë në të bardhë. Kjo është arritur pas disa muajsh negociatash, duke realizuar ëndrrën time personale, që të kemi këtë skuadër të madhe në vendin tonë, por dhe ëndrrën e të gjithë sportdashësve shqiptarë”, tha kreu i kompanisë “Taçi Oil”, që është partneri shqiptar i klubit kampion bote. “Milanin nuk e kishte penguar asgjë për të ardhur që më parë, por duhet theksuar se në këto vitet e fundit sporti shqiptar ka pasur një hov cilësor dhe kjo është një nga arsyet që drejtuesit italianë pranuan. Kjo ishte një prej kërkesave kryesore. Pas negociatave gjithçka u përputh më së miri dhe arritëm të binim dakord”. Z. Taçi konfirmoi edhe se Tirana do të jetë skuadra që do të luajë më 14 tetor përballë skuadrës së drejtuar nga Karlo Ançeloti: “Zgjodhëm Tiranën, pasi është një ndër skuadrat më prestigjioze të Shqipërisë. Ata kanë një histori të pasur dhe e meritojnë një prestigj të tillë”. Takimi do të zhvillohet në stadiumin “Qemal Stafa”, në orën 19:00 dhe pritet që interesimi i tifozerisë të jetë i madh. Jo vetëm i asaj kryeqytetase, por nga mbarë vendi. Organizatori zbuloi edhe çmimin e biletave për një vend në stadium: “Çmimi i biletave do të jetë njësoj me ato të përfaqësueses në ndeshjet kur luhet me kundërshtarë të nivelit të lartë”. E përkthyer ndryshe, një vend në tribunën qendrore do të kushtojë 5 mijë lekë të reja, në tribunën “D2″ 3 mijë lekë, ndërsa në “D1″ dhe “D3″ 2 mijë lekë. Edhe pse nuk mund të quhen “çmime popullore”, Rezart Taçi kujton se ardhja e Milanit ka një kosto të konsiderueshme financiare. Megjithatë, ai nuk dëshiron ta bëjë publike shifrën: “Sigurisht që ardhja e kësaj skuadre në Tiranë ka një kosto të lartë financiare dhe biletat nuk mund të jenë fare të lira. Megjithatë, nuk është ky qëllimi në vetvete, emri i Milanit dhe dëshira e sportdashësve shqiptarë e justifikojnë këtë shpenzim”. Organizatori tha: “Do të jenë një pjesë e madhe e yjeve të Milanit, pasi një pjesë do të jenë të grumbulluar me përfaqësueset respektive. Fati i madh është që Kaka dhe Shevçenko janë konfirmuar se do të jenë, ndërsa Ronaldinjo do të udhëtojë në Brazil”.
E veçanta e asaj mbrëmjeje është se do të ketë edhe një donacion për bamirësi. “Milani së bashku me kompaninë tonë, menduan që, përveçse të jetë një ndeshje futbolli, 14 tetori të ketë edhe një destinacion për bamirësi, përfundoi Taçi. Pas ndeshjes, klubi italian dhe ‘Taçi Oil‘ do t‘i dhurojnë 100 mijë euro ‘Unicef‘-it. Gjithashtu, në bisedën e fundit që zhvillova me Galianin, vendosëm që në darkën pas ndeshjes të nxirret në ankand edhe një fanellë e Milanit me firmat e të gjithë lojtarëve. Edhe këto para do të shkojnë për bamirësi. Administratori më përcolli edhe aprovimin dhe interesimin e presidentit Berluskoni për këtë ndeshje, e cila do të transmetohet nga ‘Milan Channel‘ dhe ‘Milan premium‘”.

[Lucatonii]

Pss: Biznesmeni shqiptar Rezart Taçi ka hedhur dritë mbi planin e tij të ardhshëm, investimin në klubin e Milanit, pas prishjes së marrëveshjes për të blerë Bolognan.
Harrone qe ka me ble bolognan.

[zhejoti]

mjere populli,se ata qe drejtojne lozin me para