Në Windows 7 përdoruesit do të zgjedhin vet shfletuesin

[Kliton]

Për t’iu përshtatur dhe përmbushur rregulloreve të Bashkimit Evropian, gjiganti softuerik Microsoft në versionin e fundit të sistemit të vet operativ Windows 7 do t’u ofrojë përdoruesve të zgjedhin vet shfletuesin e internetit të cilin dëshirojnë të shfrytëzojnë.
Ekrani fillestar i emëruar Ballot Screen në mënyrë standarde do të shitet me Windows 7, derisa pronarët e sistemeve Windows Vista e Windows XP do të mund ta shkarkojnë më pas.

Ballot Screen do t’u ofrojë përdoruesve instalimin e njërin nga pesë shfletuesve më të popullarizuar të internetit. Se cilët do të janë këta pesë shfletues, Microsoft do të vendos në bazë të dhënave statistikore mbi përdorimin e tyre gjatë gjashtë muajve të fundit. Ky opsion do të jetë i pranishëm vetëm për në Evropë.

Sipas paralajmërimeve të mëhershme, Microsoft ka dashur që në tërësi të largojë shfletuesin e vet Internet Explorer nga Windowsi i ri, mirëpo në kompani megjithatë kanë vendosur për hapin e ndërtimit të Ballot Screen.

Sipas të dhënave të fundit të analistëve të kompanisë Net Applications, Internet Explorer mban 65.5 për qind të tregut, përcjellë nga Firefox me 22.5 për qind, Safari me 8.4 për qind dhe Opera 0.7 për qind.