Specialistet infeksioniste deklarojne se 8 persona jane prekur nga virusi A/H1N1 dhe dyshohet per 13 te tjere. Shefja e Departamentit te Epidemiologjise ne Institutin e Shendetit Publik Silva Bino, sqaron se analizat per personat e dyshuar jane derguar ne laboratorin e references per Europen Jjuglindjore ne Rumani, dhe diten e hene pritet pergjigjja zyrtare.
Mjeku infeksionist Pellumb Pipero ka theksuar se nga analizat e bera ne vendin tone, rezulton se te 13 personat e dyshuar kane rezultuar te prekur nga gripi i formes A, cka ka bere qe keta paciente te marrin mjekimet e duhura, pasi specialistet dyshojne se ata jane prekur nga virusi A/H1N1.
Zonja Bino ka sqaruar se harta e personave qe dyshohen se jane prekur nga ky virus eshte shtrire edhe ne Sarande dhe Vlore ku dhe fluksi i turisteve ne keto dite eshte i larte .
Te gjithe personat e prekur nga ky virus po trajtohen ne shtepi ne dhoma te izoluara. Mjekimi me tamiflu eshte perdorur vetem per rastet te cilat kane qene me rende,por specialistet konfirmojne se deri me tani te semuret jane te nivelit te lehte dhe mesatar, cka ka bere qe ata te trajtohen ne shtepi.
Mjeket deri me tani kane marre me shume se 300 analiza, te cilat jane ne proces verifikimi.Numri me i madh i personave te dyshuar i perkasin moshes 15 deri 44 vjec.
Pjesa me e madhe e personave te prekur nga ky virus, rezultojne se vine ne Shqiperi pas udhetimeve ne shtete te ndryshme te botes.