Pelegrinazhi në Tomorr, 1 i vdekur, 4 të plagosur

[Erlindi]

Aksidenti ka ndodhur në orët e para të mëngjesit të sotëm në aksin Polican-Novaj, kur makina ka dalë nga rruga dhe ka rënë në greminë. Mësohet se viktima është drejtuesi i automjetit, ndërsa 4 të plagosurit, mes tyre dy fëmijë janë jashtë rrezikut për jetën.

Pelegrinazhi në malin e Tomorrit, ka shënuar sot aksidentin e parë automobilistik.



Një makinë tip benz, në të cilën udhëtonin 5 persona ka dalë nga rruga dhe ka rënë në greminë.



Aksidenti ka ndodhur në orët e para të mëngjesit të sotëm në aksin Polican-Novaj,kur makina po zbriste nga pelegrinazhi i malit të Tomorrit.

Aksidenti ka shënuar 1 të vdekur dhe 4 të plagosur, mes tyre dy fëmijë. Mësohet se viktima është drejtuesi i automjetit, ndërsa 4 të plagosurit janë jashtë rrezikut për jetën. Nuk dihet ende identiteti i viktimave të aksidentit.

Pelegrinazhi i nisur 19 gusht në malin e shenjtë të bektashianëve ka shënuar dje kulimin, me ritet tradicionale të kësaj feste që u drejtuan nga kryetari i Kryegjyshatës Botërore, Baba Reshat Bardhi.



Mijëra pelegrinë janë lutur dje në Teqen e Kulmakut dhe kanë bërë kurban për mirësi e shëndet, ndërkohë që Festa e "Ditëve të Tomorrit" do të vazhdojë deri më 25 gusht, me largimin e pelegrinëve të fundit.