Shqipëria në prag epidemie respiratore

[aurel]

Muaji shtator do të jetë nisja e një periudhe problematike sa i takon shtimit të rasteve të të prekurve nga infeksionet respiratore. Ndërkohë që specialistët e Institutit të Shëndetit Publik në Shqipëri kanë bërë parashikimin se do të ketë shtim të rasteve të të prekurve edhe nga gripi i derrit AH1N1.
Sipas të dhënave të grumbulluara, mendohet se me stinën e vjeshtës, hapjen e shkollave, frekuentimin më të shpeshtë të vendeve me shume njerëz, ardhja dhe ikja e emigrantëve, të cilët u kthyen edhe nga vendet e prekura prej gripit të derrave, do të shtohet edhe numri i rasteve të evidentuara nga viruset në qarkullim.

Sipas përllogaritjeve dhe parashikimeve të kryera, mendohet se do të ketë çdo jave rreth 15 persona të prekur nga gripi. Nga këta, 10 do të jenë bartës të viruseve të formave të lehta, ndërkohë që 5 të tjerë do të preken nga format e renda të gripit.