Saimiri i “Fiks”-it flet seriozisht

[ReniX]

Zgjedhësit e zonës 86 në Pogradec, kanë mirëpritur gazetarin e njohur të "Fiks Fare"

Pogradec, opozita prezanton Saimir Kodrën për deputet

Rama: Kandidimi, shans për të hapur partitë drejt shoqërisë civile

Në zonën 86 të Pogradecit, dje është kryer prezantimi i kandidatit të pavarur për deputet Saimir Kodra, propozuar nga shoqëria civile dhe me mbështetjen e opozitës. Në këtë takim elektoral në kuadër të fushatës së zgjedhjeve të pjesshme kanë marrë pjesë liderët kryesorë të së majtës dhe krerët lokalë. Sakaq, Rama dje ka vizituar edhe qytetin e Elbasanit para se të shkonte në Pogradec. Zgjedhjet për zonën 86 do të zhvillohen në datën 17 qershor dhe përballë Kodrës kandidon Eris Hoxha për PD-në. Në takimin elektoral të prezantimit të Kodrës para zgjedhësve të zonës ishin të pranishëm; kryetari i Partisë Socialiste, Edi Rama, Neritan Ceka, Skënder Gjinushi, Sabit Brokaj, Fatmir Xhafa dhe krerët vendorë. Ndërsa është pritur me buqeta me lule nga starovarët që do të votojnë sërish për deputetin e zonës 86, Saimir Kodra i propozuar nga shoqëria civile ka zbritur në këtë komunë për t‘u thënë banorëve se ashtu si te "Fiks Fare" do të jetë gjithë kohës pranë njerëzve dhe halleve të tyre. "Zëri juaj do të jetë zëri im dhe zëri im atje në Parlament do të jetë zëri juaj. Unë do të jem diktofoni juaj në Parlament. Kam kohë që flas për gjëra ndryshe, për ato gjëra që ju i vuani përditë", theksoi Kodra. Ai ka premtuar se do ndajë me zgjedhësit gjithçka dhe do denoncojë çdo ditë bashkë me ta fenomenet negative të shoqërisë shqiptare. "Do të jemi ne që do të kërkojmë gjërat tona të vërteta dhe unë do të jem pjesë e juaja në "Fiks" dhe në Parlament", u shpreh Kodra. Kryetari i Partisë Socialiste, Edi Rama, e ka quajtur një shans të madh për këtë zonë kandidimin e Saimirit dhe një ndryshim në jetën politike të Parlamentit. "Ky është një rast unikal kur partitë i hapin rrugë një qytetari dhe një qytetar merr përsipër të bëjë atë që të gjitha partitë së bashku nuk e bëjnë dot", tha Rama. Sipas tij, është nder dhe detyrë dhe forca që përfaqëson programet dhe ambiciet për progres që të shikojmë nga shoqëria, nga përfaqësuesit e denjë të saj, jo vetëm pa xhelozi, por me vullnetin për të qenë aleatë e për të ndarë pushtetin me qytetarët. "Ky është rasti i parë, por jo i vetmi, edhe pse Saimiri është i vetëm dhe i papërsëritshëm në vendin e vet. Ai u drejtua te ne jo për t‘u varur te ne, por për të marrë mbështetjen tonë, që politika të jetë e qytetarëve dhe më pak e politikanëve", nënvizoi Rama. Ai shprehu bindjen se Saimiri në Kuvend do të ndryshojë përmbajtjen e marrëdhënieve brenda Kuvendit dhe mes qytetarëve. Po dje, Rama dhe Blushi para se të shkojnë në Pogradec janë ndalur në Elbasan ku kanë zhvilluar një takim privat me kreun e bashkisë së këtij qyteti Qazim Sejdini. Burimet bëjnë të ditur se "kafja" është pasuar pas një takimi të shkurtër në selinë e degës lokale të PS-së së qytetit dhe më pas. Biseda ka zënë fill edhe me kandidaturën e re të PS-së së Elbasanit, pasi Sejdini ka dhënë dorëheqjen si post i papajtueshëm me atë të kryebashkiakut.

nga gazeta shqip

[ingal]

Kujt ia merrte mendja se do te ndodhte dicka e tille. Po kandidon ai qe e ka share politiken diteperdite te Fiksi.

[ReniX]

Po pra dhe mua se si me duket...

Sado i drejte te jete ai por smund ta rregulloj dot nje qytet te tere...

Nuk e di ne do e maje gjate por i bej urime

[AMADEK]

Sajmiri do të kishte bo mir të rrinte aty ku ishte, po mesa duket do të mbroj interesat e padronit të vet edhe në parlament. se nuk ma do menja që i plas shumë për Pogradecin dhe pogradecarët.

[EMAUS]

Edhe mua pak e cuditshme me duket...

Megjithate koha do ta tregoje

[ingal]

te gjithe ate duan, qe ai te jete ndyshe nga politikanet e sotem.