Publikohet të premten raporti i OSBE/ODIHR për zgjedhjet

[aurel]

Nota përfundimtare e zgjedhjeve të qershorit në Shqipëri, e vendosur nga vëzhguesit ndërkombëtarë të OSBE/ODIHR do të bëhet publike këtë fundjavë. Sipas burimeve nga kjo organizatë, e premtja është data më e mundshme që misioni i kryesuar nga Audrey Glover, në bashkëpunim me Asamblenë Parlamentare të OSBE, të nxjerrë raportin e fundit me konkluzionet për 28 qershorin.
Ndonëse ishte deklaruar fillimisht se raporti përfundimtar do të dilte 28 ditë pas shpalljes së rezultatit nga Komisioni Qendror i Zgjedhjeve, pra në datë 29 gusht, arsyeja e vonesës kanë qenë pushimet verore në administratën e selisë qendrore të ODIHR në Varshavë, ndonëse zyra e Glover mësohet të ketë dorëzuar raportin që prej disa kohësh.

Pas aprovimit nga drejtuesit në Poloni, vlerësimi për zgjedhjet e 2009, në Shqipëri do të zbardhet këtë fundjavë nga ambasadorja Glover dhe zëvendëskryetari i Asamblesë Parlamentare të OSBE-së, Ëolfgang Grossruck.

Vëzhguesit afatgjatë dhe afatshkurtër të ODIHR monitoruan gjithë sagën zgjedhore, që nga hapja e fushatës deri në shpalljen e mandateve nga Komisioni Qendror i Zgjedhjeve, pas përfundimit të apelimeve në Kolegjin Zgjedhor.

Pas bërjes publike të notës për 28 qershorin tri organizata ndërkombëtare ku aderon Shqipëria do të vlerësojnë standardet e procesit si dhe fatin e integrimit të vendit. OSBE, Këshilli i Europës dhe Asambleja Parlamentare e NATO-s. Një Raporti i dytë po përgatitet gjithashtu nga Këshilli i Evropës dhe do të bëhet publik më 28 shtator. Ndërsa në muajin nëntor del rapori i 3, në sesionin e vjeshtës së Asamblesë Parlamentare të NATO-s.