Oketa i telefonon ushtarit të infektuar me AH1N1

[aurel]

Ministri i Mbrojtjes i Shqipërisë, Gazmend Oketa ka zhvilluar një bisedë telefonike me komandot shqiptare në Afganistan. Ai është njohur me gjendjen shëndetësore të ushtarëve shqiptarë të cilët janë të prekur nga virusi i gripit të derrit AH1N1.
Ministri i Mbrojtjes konfirmoi se njëri prej komando i cili ishte shtruar në spital i infektuar nga virusi AH1N1 është shëruar plotësisht, ndërsa tre komandot e tjerë të cilët ishin vendosur në karantinë në një çadër në bazën ushtarake në Farah të Afganistanit, si të dyshuar me virus, rezultojnë se nuk janë të prekur nga gripi i derrit.

Ministri Oketa ka komunikuar gjithashtu dhe me familjen e ushtarit, e cila banon në qytetin e Lushnjës. Gjithashtu ka mundësuar dhe komunikimin telefonik të tyre me djalin ushtar në Afganistan, ku familja ka marrë garancitë se ndihej mirë dhe ishte jashtë rrezikut. Megjithatë ushtari vazhdon të mbahet nën kontroll në spitalin e kontingjentit italian në Herat.

Ministria konfirmoi se për tre rastet e ushtarëve të dyshuar se ishin prekur nga AH1N1, rezultatet e analizave të mbërritura sot kanë rezultuar negative.

[Kliton]

Shyqyr me behet qejfi qe paskan rezultuar te pa prekur nga virusi i derrave.......

[MAJDI]

shyqyr qe jan te pa prekur