Rritet numri i viktimave në Liqenin e Ohrit

[aurel]

Më shumë se dhjetë persona janë mbytur të shtunën kur anija turistike "Ilinden" u fundos në rreth 200 deri 300 metra nga bregu i ujërave të Liqenit të Ohrit, në afërsi të autokampit "Eleshec", njofton agjencia MIA. Druhet se numri i viktimave mund të jetë më i madh.
Anija, sipas informacioneve jozyrtare ka transportuar një grup prej pesëdhjetë turistësh nga Bullgaria. Për momentin po vazhdon aksioni për nxjerrjen e trupave të viktimave. Janë angazhuar ekipe të policisë së liqenit me barka, ekipe të zhytësve specialë dhe të gjitha automjetet e ambulancave, me të cilat disponon shërbimi për ndihmë urgjente në Ohër.

Arsyeja për aksidentin ende nuk është bërë e ditur, ndërsa vendi është i siguruar nga policia, e cila nuk lejon qasje. Në vendin e aksidentit pritet të mbërrijë ministri i Mbrojtjes, Zoran Konjanovski.

Jozyrtarisht, të parët në ndihmë të udhëtarëve në anijen e fundosur kanë ardhur persona nga autokampi me barkë, të cilët kanë arritur të shpëtojnë një pjesë të madhe të tyre.

[aurel]

Mbi 20 vetë kanë vdekur pasi një anije është fundosur në Liqenin e Ohrit në Maqedoni. Ekipet e polumbarëve po vazhdojnë operacionin e shpëtimit dhe të nxjerrjes së viktimave, ndërkaq Qeveria e Maqedonisë dhe presidenti Gjorgje Ivanov kanë shprehur keqardhje për këtë tragjedi të rëndë.
Ndërkohë, për shkak të tragjedisë, mediet në Maqedoni kanë raportuar se ministri i Transportit Mile Janakievski ka dhënë dorëheqje për arsye morale.

Anija “Ilinden” u fundos 200 metra larg bregut në liqen, në pjesën maqedonase, ndërsa raportohet se në momentin e fundosjes në të kanë qenë mbi 50 tursitë bullgarë.

Njoftimet nga vendngjarja thonë se ka pasur një shpërthim të madh dhe anija u mbyt me shpejtësi.

Ndërkohe dita e nesërme është shpallur ditë zie në Bullgari dhe Maqedoni. Kryeministri bullgar Borisov ka pasur një bisedë telefonike me homologun e tij maqedonas, Gruevski ku është informuar për ngjarjen, ndërkohë që ka nisur drejt Maqedonisë dhe helikopterë për të transportuar të mbijetuarit.

Agjencia bullgare Sofia News Agency citon ministrin e Brendshëm bullgar, Cvetanov i cili bën të ditur se janë identifikuar 6 nga viktimat e tragjedisë së Ohrit. Agjencia thotë se anija "Ilinden" kishte kapacitet transporti për 43 persona, ndërkohë që në anije sipas kësaj agjencie, ishin 53 sish.

[MAJDI]

ca bohet ketej re

[ReniX]

Ngushellime familjeve, tani po e shikoj si lajm!

[aurel]

Autoritetet në Maqedoni pritet të fillojnë të mërkurën operacionin për të nxjerrë nga ujërat e liqenit të Ohrit, anijen "Ilinden", nga fundosja e të cilës humbën jetën 15 turistë bullgarë.
Ekspertë nga Bullgaria, Kroacia dhe Maqedonia, prej disa ditësh po bëjnë përpjekje për të nxjerrë në sipërfaqe anijen e fundosur.

Zyrtarët më të lartë bullgarë vazhdojnë të mbajnë përgjegjës autoritetet në Shkup për tragjedinë. Ndërkohë që pala maqedonase thotë se do të bëjë ç'është e mundur që situata të sqarohet.

Veç deklaratave të ashpra nga ana bullgare, që mund të prekin marrëdhëniet dypalëshe, debate ka edhe brenda vendit.

Shkaqet për fundosjen e anijes ende nuk janë sqaruar, por mendohet se ato janë një kombinim i problemeve teknike dhe mbingarkesa.