Mediu, kallëzohet nga banorët e Gërdecit

[aurel]

Mbrojtësit ligjorë të familjarëve të 26 viktimave të tragjedisë së Gërdecit, bëjnë gati kallëzimin penal ndaj ish-ministrit të Mbrojtjes tashmë me detyrën e Ministrit të Mjedisit deputetit Fatmir Mediu dhe "arkitektëve" e kompanisë që ngritën fabrikën e ferrit në ish-repartin e tankeve.
Ky lajm bëhet i ditur nga mbrojtësja ligjore e familjarëve të viktimave të Gërdecit, avokatja Blerta Kraja, e cila gjatë një bisede me "Shekullin" konfirmoi këtë informacion, duke shtuar se të hënën kallëzimi do depozitohet pranë institucionit të akuzës.

Sipas saj, me kallëzimin që do bëhet në prokurori, do i jepet mundësi e dytë organit të akuzës të rifilloi ndjekjen penale për ish-Ministrin e Mbrojtjes Fatmir Mediu, për të cilin Kolegji Penal i Gjykatës së Lartë vetëm pak ditë më parë vendosi pushimin e çështjes për shkak të imunitetit të fituar në zgjedhjet e 28 qershorit në vend.

Gjithashtu, mbrojtësja ligjore Kraja, konfirmoi për "Shekullin" se edhe padit civile, të cilat janë deponuar tashmë pranë Gjykatës së Shkallës së Parë, pritet t'i nënshtrohen një procesi të rregullt dhe të drejtë ligjor, duke kërkuar të drejtën e dëmshpërblimit për jetët e humbura nga shpërthimi i punishtes së demontimit në Gërdec.

[girl08]

Kot lodhen te shkretet, se nuk ka drejtesi ne kete vend.
Per cfare ia dhane imunitetin Mediut ata?! Qe te shpetonte nga akuzat.