12 studentë të Universitetit të Vlorës në grevë urie

[aurel]

12 studentë të Universitetit të Vlorës, që prej ditës së sotme kanë hyrë në grevë urie. Studentët e Fakultetit Juridik protestojnë për diplomat e tyre, në të cilën nuk shkruhet titulli “Jurist”.
Studentët e këtij universiteti kanë protestuar edhe më parë për këtë arsye, ndërsa vitin e kaluar në Tiranë për muaj të tërë protestuan edhe studentë të fakulteteve të tjera.

Ndryshimi i sistemit nga katër në tre vjeçar, ose i njohur si sistemi sipas Kartës së Bolonjës, ka bërë që të krijohen keqkuptime për shumë cikle studimi. Nga ana tjetër, Ministria e Arsimit dhe e Shkencës nuk ka dhënë zgjidhje për këtë situatë të krijuar.