Shqipëri: Vetëhelmimet, 4.500 raste në 8 muaj

[aurel]

Helmimet këtë tetëmujor kanë arritur shifra rekord në Spitalin Ushtarak në Shqipëri. Specialistët toksikolog shprehen të shqetësuar se dita-ditës po rritet numri i rasteve që tentojnë vetëvrasjen.
Mjeku toksikolog, Zihni Sulaj, bën të ditur se “ka një numër në rritje të helmimeve akute dhe për fat të keq, 70-80% e rasteve janë përpjekje për vetëhelmim. Por këto janë raste që paraqiten vetëm në këtë pavijon, ndërkohë që të tjerë paraqiten edhe pranë QSUT-së, ose nuk i drejtohen mjekut për të fshehur tentativën. Rreth 18 për qind e rasteve
janë aksidentale, që për shkak të këtyre pakujdesive shkohet deri në helmime. Moshat që preken më tepër janë ato aktive, nga 16-40 vjeç.

“Rëndom shkaktar është stresi i akumuluar për shkaqe sociale, individuale ose familjare, sidomos në marrëdhëniet në çift, por edhe problemet ekonomike apo problemet e zhvendosjes” sqaron toksikologu Sulaj.

Helmi më i përdorur është fostoksina, por në zonat rurale marrin edhe lëndët kimike që përdoren në bujqësi për të luftuar brejtësit apo insekte të ndryshme. Në një intervistë për Gazeta Shqiptare Sulaj thekson se duhet hartuar një strategji për moslejimin e tregtimit të lëndëve kimike nëpër rrugë, siç ndodh në Shqipëri si në asnjë vend tjetër. “Duhet patjetër të bëjmë një strategji kombëtare për të parandaluar vetëvrasjet dhe ekspozimet toksike” .