Belushi merr shtetësinë shqiptare

[aurel]

Aktori i njohur shqiptaro - amerikan, James (Jim) Belushi ka marrë mbrëmë shtetësinë shqiptare. Akti zyrtar Belushit iu dorëzua nga presidenti Bamir Topi. Belushi, është bir i një emigranti shqiptar nga Korça dhe asnjëherë nuk e ka fshehur origjinën e tij.
Madje kishte qenë ai vetë që kishte kërkuar të merrte nënshtetësinë shqiptare. Gjithnjë kam deklaruar se "unë jam shqiptar", tha mbrëmë aktori i famshëm ndërsa merrte në dorë vendimin e kreut të shtetit shqiptar. I suksesshëm kryesisht në gjininë e komedisë, Belushi edhe gjatë ceremonisë nuk hoqi dorë nga batutat ndërsa shprehej se tani ai ishte zyrtarisht shqiptar kryesisht sepse këtë vit do të duhej të niste të paguante taksat edhe në Shqipëri.

“Një njeri kaq i madh sa James Belushi kurrë nuk mund të kërkojë vlerësim apo auto-vlerësim. Kështu që e vlerësuam ne. E vlerësoi i gjithë populli, miqtë e tij artistë, miqtë e tij të thjeshtë dhe natyrisht që e nderojnë të gjithë spektatorët botërorë. Por për ne ishte një vlerësim tepër i veçantë, sepse gjithmonë kishim parë te James Belushi atë lloj emocioni kur thoshte: ‘Unë jam shqiptar.’ Prandaj ne krenohemi me të, edhe sot pas një viti, ju jeni krenaria e kombit tonë”, u shpreh Presidenti Topi.




“Jam me të vërtetë i lumtur që jam sonte këtu me ju! Gjithmonë e them që unë jam shqiptar, por sot jam me të vërtetë shqiptar! Jam shumë i lumtur për këtë gjë! Sa herë që takohem me Presidentin e Republikës, ai gjithmonë më nderon me ndonjë dhuratë shumë të bukur nga ky vend i mrekullueshëm. Sonte më është rezervuar një dhuratë tepër e veçantë dhe tani që jam zyrtarisht shqiptar, dhe ajo që e bën zyrtare nuk është thjesht kjo ceremoni, por këtë vit do të paguaj edhe taksat këtu”, theksoi Belushi.

Në të vërtetë që nga dita e sotme Belushi ka hyrë edhe në marrëdhënie financiare biznesi në Shqipëri. Ai do të jetë imazhi i kompanisë celulare Eagle Mobile, kompania e tretë e telefonisë së lëvizshme në tregun shqiptar.

Jim Belushi ka bërë vizita të shpeshta në Shqipëri dhe është pritur gjithnjë me entuziazëm. Një vit më parë atij ju dha nga kreu i shtetit medalja "Nderi i kombit" një nga dekorata më të rëndësishme.

[MAJDI]

sa me pelqejne filmat e keti mua

[girl08]

E ka bere qe te paguaje me pak taksa...
Ishte me te vertete tip gallate. Kur erdhi para disa muajsh ne Shqiperi, ishte te ish-shkolla ime dhe pata mundesine ta takoja.

[MAJDI]

po per mua i the nonje fjal te mire

[kuklla]

po ate amerikanen e hoqi? se nqs nuk ka pasaporten amerikane, do te detyrohej te rinte ambasadave si ne shqiptaret, ateher do behej pishman qe e kerkoi.

[Smily]

Me sa di une ka te drejte ti mbaje te dy nenshtetesite pa problem. Eshte gje qefi per te qe te marr nenshtetsi shqiptare sepse shteti i tij amerikan e mbron ate me mire se kushdo,gjithsesi urime.