Nis viti i ri akademik, Mjekësia proteston

[aurel]

Të hënën ka filluar viti i ri akademik në Shqipëri, me ç’rast qindra mijëra studentë i janë drejtuar universiteteve. Në auditorë ulen për herë të parë 30 mijë studentët që fituan këtë vit të drejtën e shkollës së lartë, ndërsa në total Shqipëria ka rreth 120 mijë studentë që ndjekin studimet në universitetet publike dhe private.
Ky vit ka nisur me protesta në fakultetin e Mjekësisë. Dhjetëra të rinj të mbledhur përpara këtij fakulteti, kryesisht ata të vitit të dytë, pretendojnë ndryshimin e një rregulli të vendosur nga fakulteti i cili parashikon mbetjen në stazh nëse studentët ngelen qoftë edhe në një provim nga viti i mëparshëm.

Studentët janë të vendosur të vijojnë protestën e tyre duke bojkotuar mësimin deri në plotësim të kërkesave. "Jemi shumë të vendosur për atë që kërkojmë", thanë ata.