Shqipëria progres, por nuk janë përmbushur plotësisht standardet

[aurel]

Progres, por nuk janë përmbushur plotësisht standardet. Ky është konstatimi i progres raportit të Komisionit Evropian për Shqipërinë, paraqitur në Bruksel nga komisioneri për zgjerimin Olli Rehn.
Në prezantimin e raportit janë vërejtur një sërë mangësish, edhe pse Shqipëria, sipas KE-së, ka bërë progres të dukshëm.

Duke u ndalur tek procesi i liberalizimit të vizave, Rehn tha se Shqipëria ka bërë përparime në fushën e drejtësisë, lirisë dhe sigurisë, por duhet të vijojë me shpërndarjen e pasaportave biometrike, me çështjen e kufirit dhe të menaxhimit të migracionit dhe në kuadrin institucional për të luftuar krimin e organizuar dhe korrupsionin.

Gjithashtu, ai tha se zgjedhjet nuk i përmbushën plotësisht standardet.

Komisioneri Rehn tha se për Shqiperinë është ende problem serioz korrupsioni, dialogu politik është përkeqësuar, marrëdheniet mes institucioneve janë të vështira, mungon transparenca për emërimin në administratë, dhe është realizuar pak progres në zbatimin e Marrëveshjes së Stabilizim-Asociimit etj.

“Përparimi në reformën e këtyre prioriteteve është i inkurajuar dhe monitoruar nëpërmjet dialogut politik dhe ekonomik me Shqipërinë, dhe u zhvillua nëpërmjet strukturave të MSA-së”, tha Rehn.