1Centplus shënjestër e hakerëve

[aurel]

Ueb-faqja e shumëpërfolur gjatë kohëve të fundit është vënë në shënjestër të hakerëve nga Serbia dhe Rusia.
Uebi 1centplus.com që merret me shitjen e produkteve të ndryshme përmes bidimeve, duke sjellë kështu në duar të konsumatorëve produkte me çmime “shumë të lira”, gjatë këtyre ditëve është duke u përballur me telashe.

Sipas faqes së tyre në Facebook, njoftohet se ueb faqja e tyre ka dalë jashtë shërbimit për shkak të sulmeve nga hakerët prej Serbisë dhe Rusisë.

Gjithnjë sipas tyre, një ekip i specializuar ndërkombëtar është duke punuar për të forcuar më tej sigurinë e uebit dhe risjelljen e tij online.

1centplus u ka kërkuar ndjesë konsumatorëve për problemin e shfaqur dhe ka bërë të ditur se ajo do të rikthehet online shumë shpejtë dhe blerjet do të vazhdojnë aty ku kanë mbetur.

Çelik Nimani /http://www.pcworld.al/siguri/1210-1Centplus-shnjestr-hakerve.html/