Protesta në Madrid kundër ligjit të ri për abortin

[aurel]

Qindra mijëra spanjollë demonstruan në kryeqytetin e vendit Madrid, kundër zbutjes së planifikuar të ligjit për abortin.
Ky ishte aksioni më i madh i protestës që prej demonstrimeve kundër luftës në Irak. Aktiviteti, i cili mbështetej nga Kisha Katolike, u zhvillua nën moton "Çdo jetë vlen".

Zbutjet në ligj parashikojnë që në të ardhmen aborti deri në javën e 14-të të shtatzënisë të mos jetë i dënueshëm. Gjithashtu, 16-vjeçaret mund të abortojnë pa lejen e prindërve.

Deri tani ndërprerja e shtatzënisë në Spanjë ishte e mundur vetëm pas një përdhunimi të gruas, dëmtimeve të fetusit apo për shkak të rreziqeve për shëndetin e nënës.