Kokainë dhe prostituta nga Ballkani në Itali. Në pranga 5 shqiptarë

[aurel]

Pesë shqiptarë janë arrestuar në një operacion antidrogë të policisë së shtetit të kryer në provincat e Trevizos dhe Venecias në Itali. Policia ka sekuestruar gjithashtu 1 kilogram kokainë, një pistoletë, një makinë dhe mijëra euro të fituara nga shpërndarja e drogës.
Arrestimi i shqiptarëve është bërë pas hetimeve të shumta të nisura këtë fillim viti për shkatërrimin e një rrjeti shpërndarësish droge që vepronte në provincat e Venecias dhe Trevizos, dhe në veçanti në Jesolo.

Por veprimtaria e kësaj organizate nuk limitohej vetëm në shitjen e lëndës narkotike. Anëtarët e saj çonin në Itali vajza të reja të cilat i detyronin më pas të prostituoheshin. Të trafikuarat në pjesën më të madhe ishin minorene që vinin nga Rumania.

Gjatë operacionit antidrogë janë vënë në pranga edhe dy kushërinj tunizianë, njëri prej të cilëve u kap në flagrancë duke shitur drogë. Nga hetimet rezulton se mes klientëve të bandës janë disa pronarë lokalesh si dhe disa të rinj.