Meta, vizitë në Romë

[aurel]

Zëvendëskryeministri dhe ministri i Punëve të Jashtme të Shqipërisë, Ilir Meta u nis të martën, për një vizitë zyrtare dyditore në Itali, me ftesë të homologut italian, Franco Frattini.
Sipas zyrës së shtypit pranë MPJ-së, bisedimet mes dy ministrave të jashtëm do të fokusohen në ecurinë e marrëdhënieve dypalëshe dhe shumëpalëshe, emigracionin shqiptar në Itali, zhvillime të politikës rajonale, si dhe çështje që kanë të bëjnë me agjendën e integrimit evropian të Shqipërisë, veçanërisht mbi procesin e liberalizimit të vizave.

Meta do të zhvillojë gjithashtu një sërë takimesh me personalitete të larta të politikës italiane, si dhe me ambasadorë të vendeve të akredituar në vendin tonë, me rezidencë në Romë.