Turqi, shkatërrohet rrjeti ballkanik për prodhimin e drogës

[aurel]

Policia turke shkatërroi rrjetin ballkanik për prodhimin dhe trafikimin e drogës, për të cilën theksohet se kishte laborator në Bullgari. Deri te ky operacion erdhi pasi policët nga Stambolli sekuestruan 5 tonë materie për prodhimin e heroinës.
Në rrjetin ballkanik për prodhimin e drogës ka pasur edhe shtetas të Maqedonisë dhe Sllovenisë. Dilerët e drogës kanë tentuar që më makinë të ikin përmes vendkalimit kufitar Ipsala- Kipi në Greqi, por janë kapur në kohë nga policia turke.

Në pranga janë vënë një maqedonas, një slloven dhe një turk. Pas marrjes në pyetje në Stamboll ka rezultuar se njëri prej tyre ka pasur fabrikë në Bullgari.

Konsiderohet se rrjeti përveç Turqisë ka trafikuar me narkotikë edhe në Ballkan dhe Lindjen e Largët. Para operacionit, policia ishte në ndjekje të një grupi personash, për të cilët supozohej se luanin rol të rëndësishëm në trafikimin e narkotikëve në Ballkan.