Shqipëri: Inspektime për zbatimin e Ligjin anti-duhan

[aurel]

Inspektorati Sanitar Shtetëror duket i vendosur në aksionin e nisur të martën në mbarë Shqipërinë për të kontrolluar zbatimin e ligjit anti-duhan në Shqipëri.
Në një prononcim për mediat, kryeinspektori në ministrinë e Shëndetësisë, Gazmend Bejtja ka deklaruar se inspektorati është në mbrojtje të shëndetit të grave shtatzëna, të fëmijëve në barkun e nënës dhe të foshnjave të porsalindura.

“Inspektorati Sanitar Shtetëror është duke ushtruar kontroll në mbi 1000 subjekte në ditë. Vetëm në Tiranë, në ditën e parë janë inspektuar 160 subjekte. Objekt i inspektimit kanë qenë dhe do të vijojnë të jenë institucione të qeverisjes qendrore dhe vendore (ministri, bashki, minibashki, policia e shtetit), institucione arsimore, institucione shëndetësore (spitale, ambulanca, poliklinika), bare, restorante, mjedise të punës dhe ambiente të tjera publike”, u shpreh kryeinspektori.

Sipas tij, në ditën e parë të aksionit janë lënë proces-verbale me detyra dhe afate dhe janë vendosur gjoba për duhan pirjes në ambiente publike të mbyllura.

Motoja jonë,- tha Bejtja, është Shqipëria pa duhan. “Asnjë nuk ka të drejtë që duke pirë duhan të vrasë shëndetin. Kërkojmë që të gjithë institucionet që parashikon ligji, të pozicionohen qartë në përmbushjen e detyrimeve ligjore”, u shpreh Bejtja.